প্রধানমন্ত্রীগী লোইশঙ
প্রধান মন্ত্রীনা অস্ত্রেলিয়াগী প্রধান মন্ত্রী উনখ্রে
Posted On:
22 SEP 2024 7:27AM by PIB Imphal
য়ু.এস.এগী ৱিলমিংতন, দেলৱায়রদা পাংথোকপা ৬শুবা ক্বাদ লুচিংবশিংগী মীফমগী নাকলদা প্রধান মন্ত্রী শ্রী নরেন্দ্র মোদীনা অস্ত্রেলিয়াগী প্রধান মন্ত্রী এন্থোনি অলবানসি উনখ্রে। মসি মে ২০২২দগী লুচিংবা অনি হকথেংননা উনবা ৯লকশুবনি।
রাজনিতি অমসুং লাল্লোং, দিফেন্স অমসুং সেকুরিতি, ললোন-ইতিক অমসুং শেন থাদবা, লাইরিক-লাইশু অমসুং থিজিনবা, অইং-অশাগী খল হোংলকপা অমসুং রিন্যুএল ইনর্জি অমসুং মীগা মীগা লৈনবা মরীশিং য়াওনা হিরম কয়াদা লৈবাক অনি মতেং পাংনরিবা অসি হেন্না মপাঙ্গল কনখৎহন্নবা লুচিংবশিংনা খন্নখ্রে। লৈবাক অনিনা দরকার ওইবা লমদম লমদমগী অমসুং মালেমগী ওইবা ৱাফমশিংশু প্রধান মন্ত্রী অনিনা খন্নখ্রে। লৈবাক অনিগী মরীশিং হেন্না মপাঙ্গল কনখৎহন্না য়াম্না তোইনা অৱাংবা থাক্তা মীফমশিং পাংথোক্লিবা অসি মখোয়না থাগৎপা ফোঙদোকখ্রে।
তোঙান-তোঙানবা হিরমশিংদা মতেং পাংনবা হেনগৎহন্নবা লুচিংবা অনিমক্না অমুক হন্না থাজবা পীনখ্রে অমসুং ইন্দিয়া-অস্ত্রেলিয়া কমপ্রেহেন্সিপ স্ত্রাতেজিক পার্তনরসিপ হেন্না ৱাংবা থাকশিংদা পুখৎনবা মখোয়গী থাজবা অমুক হন্না ফোঙদোক্নখ্রে।
***
(Release ID: 2057451)
Visitor Counter : 31
Read this release in:
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam