Ka Tnat Food Processing Industries ka la pynkhreh ban pynlong ia ka World Food India 2024 ha Bharat Mandapam, New Delhi ba kynthup ka jaka kaba heh 70,000 square meter. Ha kane ka prokram kaba heh bha ban sdang naduh ka 19 -22 tarik Nailur, 2024 yn sakhi ka jingiashim bynta na palat 60 tylli ki ri, 26 tylli ki jylla bad union territories jong ka ri, bad 18 tylli ki Tnat sorkar pdeng bad ki kynhun sorkar. Kane ka prokram kalong ka jingiasohlang ka jingsaindur thymmai, ka teknoloji, bad ka jingiaineh ha ka kam shna jingbam.

Satang shi sngi ban sdang ka World Food India 2024, ka Tnat Food Processing Industries (MoFPI) ka la pyndep ia ki jingpynkhreh ban wanrah ka jingshem kaba kyrpang ia ki nongiashim bynta na ka ri bad nabar ri. Kane ka prokram kaba mynta u snem kan long ka prokram kaba sah jingkynmaw, ka ban pyni ia ka bynta jong ka India kum ka bor kaba dang kiew ha ka pyrthei ha ka kam shna jingbam.

Ia kane ka prokram yn plie paidbah da u Prahlad Joshi, Myntri Sorkar Pdeng ba dei khmih ia ka Tnat Consumer Affairs, Food and Public Distribution & New and Renewable Energy; u Chirag Paswan, Myntri Sorkar pdeng, Tnat Food Processing Industries, bad Ravneet Singh Bittu, Myntri Khynnah, Tnat Food Processing Industries bad Myntri ka Tnat Rel. U Chirag Paswan bad u Ravneet Singh Bittu kin pynlong ruh ia ki jingiamir jingmut bad ki nongialam ha ki kam karkhana bad yn don ki jingialang G2G bad ki Myntri bad ki delelgate nabar ri.

U Myntri ba dei khmih ia ka Tnat Food Processing Industries, Chirag Paswan un ai jingkren ha ka jingialang ha kane ka prokram ha kaba un ai jingkren shaphang ki sienjam jong ka sorkar bad ki jingthmu ban wan na ka bynta ka jingkiew shaphrang bad jingkyntiew ia ka kam shna jingbam ha India.

Kan don ruh ka CEO roundtable ha ka sngi ba nyngkong jong ka jingialang ka ban pyniaid lang da u Piyush Goyal, Myntri Sorkar Pdeng, Tnat Commerce & Industry, bad u Chirag Paswan. U Ravneet Singh Bittu ruh un ai jingkren ha ka CEO roundtable.

Shuh shuh, ha ka Reverse Buyer Seller Meet ban pynlong da ka APEDA, MPEDA, bad ki commodity board, yn sakhi ka jingiashim bynta palat 1000 ngut ki nongthied. Ka bynta kaba ar jong ka Global Food Regulators Summit ba la pynlong da ka FSSAI la pynlong ha ka jingiasohlang bad ka World Food India naduh ka 20-21 tarik Nailur, 2024. Ka Japan kan long ka ri kaba iatreilang na ka bynta ka World Food India 2024. Ka Vietnam bad Iran kin iashim bynta kum ki ri ba peit bniah.

Ha kane ka prokram yn don palat 40 tylli ki session, kynthup ki jingiamir jingmut ba iadei bad ki phang, ki jingialang ba peit bniah ia ki ri bad ki jylla. Shuh shuh, yn pynlong ia ki jingiamir jingmut bad 100 tylli ki CXO jong ki kompani ba pynmih jingbam na kylleng ka pyrthei.

Ka jingialang plie paidbah kan long kaba ai mynsiem, kaba pyniasoh lang ia ki nongthaw polisi, ki kynrem ki lyndan na kiwei kiwei ki ri, ki nongialam ha kane ka kam bad ki riewshemphang. Yn pynlong ia ki exhibition ha ki hall bapher bapher ban pyni ia ki bynta jong ki kam pynmih jingbam, ki jaka kyrpang ia ki tnad Sorkar Pdeng bad Sorkar Jylla, bad ka jaka kyrpang na ka bynta ki jingbam jong ki jingri. Ka Hall ba 14 kan pyni ia ki sienjam jong ka Tnat Food Processing Industries bad ki sienjam bad ki jingsaindur thymmai jong ki start-up ha ka MoFPI pavilion. Shuh shuh, kan don ka Technology Pavilion ka ban pyni ia ki jingsaindur thymmai ha ka kam shna jingbam da kaba pyndonkam da ki kor. Kan don ka bynta ka ban pyni ia ki jingkiew shaphrang ba dang shen ha ki kor, ki jingsong bad ki jingpynbiang jingbam.

Ban pyniar ia ka jingkhring jong ka bynta ka World Food India 2024, ki nongpyniaid ki la plie paidbah ia ka Swaad Sutra, ka jingiakop shet jingshet kaba pyni ia ki jingbam na kylleng ka ri.

Ka Tnat Food Processing Industries ka pynkhreh ban pynlong ia ka prokram kaba heh bha ban wanrah ia ki jingiamir jingmut, kyntiew ia ki jingiatreilang ba thymmai bad pyni ia ka jingkiew ka India kum ka nongialam ha ka kam pynmih jingbam ha kylleng ka pyrthei.

****