তোঙান তোঙানবা তাঙ্ককশিংদা ওক্সন তৌখ্রবা অমসুং প্রোসেস মপুং ফাহন্নবগী তোঙান তোঙানবা তাঙ্ককশিংদা লৈরিবা মাইনশিংগী স্তেতস য়েংশিন্নবা ঙরাং কোল মন্ত্রালয়না মীফম অমা পাঙথোকখ্রে। মীফম অদু কোল মন্ত্রালয়গী এদিস্নেল সেক্রেতরী অমসুং নোমিনেদ ওথোরিতি শ্রীমতী রুপিন্দর ব্রারনা ময়াই তাংবল লৌখি। মপুংফাবা রিভিয়ু অসিনা দোমেস্তিক কোল পুথোকপা হেনগৎহন্নবা সরকারগী অচেৎপা ৱাফমদা মীৎয়েং থমখি। এদিস্নেল সেক্রেতরীনা খুমাং চাউশিনবা তাঙ্কক্তা লৈরিবা মথৌ পাংথোকপা য়ারবা কোল ব্লোকশিং মথৌ তৌনবা তঙাই ফদবা থবকশিং পাইখৎনবা এলোত্তীশিংদা খংহনখি।

কোল ব্লোক 71 অসি রেগ্যুলেতরী ক্লিয়রেন্স ফংনবগী তোঙান তোঙানবা তাঙ্ককশিংদা লৈরি। হায়রিবা ব্লোকশিং অসি অরুনাচল প্রদেশ, অসাম, ছত্তিসগর, ঝারখন্দ, মধ্য প্রদেশ, মহারাস্ত্রা, ওদিশা অমসুং ৱেস্ত বেঙ্গল হায়রিবা রাজ্য মাপন অসিদা শন্দোক্লি।

স্ত্রেতেজিক রিভিয়ু অসিনা ভারতকী হেনগৎলক্লিবা ইনর্জীগী মথৌ তাবশিং ফংহন্নবগীদমক কোল ব্লোকশিং থবক ওইনা পাংথোকপদা থেংনরিবা খুদোংচাদবশিং কোকহন্নবা মন্ত্রালয়না লৌখৎলিবা খোঙথাং অদু উৎলি। হায়রিবা মাইনশিংদা মীৎয়েং চংদুনা, সরকার অসিনা দোমেস্তিক রিসোর্সশিংবু খ্বাইদগী হেন্না শিজিন্নবা অমসুং কোয়লা পুশিল্লকপদা মখা পোনবা হন্থহন্নবা পান্দম থম্লি।

কোল মন্ত্রালয়না লৈবাক অসিগী সস্তেনেবল ইকোনোমিক দিবেলপমেন্তকী মায়কৈদা লৈবাক অসিগী লম্বীদা মতেং পাংদুনা দোমেস্তিক কোল পুথোকপা হেনগৎহন্দুনা ভারতকী ইনর্জী সেক্যুরিতী মপাঙ্গল কনখৎহন্নবা লেপ্লি।

****