کوئلہ کی وزارت نے کل ان کانوں کی صورتحال  کا جائزہ لینے کے لیے ایک میٹنگ منعقد کی جن کی مختلف قسطوں میں نیلامی کی گئی ہے اور وہ عمل کی تکمیل کے مختلف مراحل میں ہیں۔اجلاس کی صدارت ایڈیشنل سکریٹری اور نامزد اتھارٹی، وزارت کوئلہ، محترمہ روپندر برار نے کی۔ جامع جائزہ  میں گھریلو کوئلے کی پیداوار کو بڑھانے کے لیے حکومت کے عزم کو اجاگر کرنے پر توجہ مرکوز کی گئی۔ایڈیشنل سکریٹری نے الاٹیوں پر زور دیا کہ وہ کوئلے کے بلاکس کو چلانے کے لیے ضروری اقدامات کریں جو آپریشنلائزیشن کے ایڈوانس مراحل میں ہیں۔

71 کول بلاکس ریگولیٹری کلیئرنس حاصل کرنے کے مختلف مراحل میں ہیں۔ یہ بلاکس نو ریاستوں میں تقسیم کیے گئے ہیں جن میں  اروناچل پردیش، آسام، چھتیس گڑھ، جھارکھنڈ، مدھیہ پردیش، مہاراشٹر، اڈیشہ، اور مغربی بنگال شامل ہیں۔

یہ اسٹریٹجک جائزہ ہندوستان کی بڑھتی ہوئی توانائی کی ضروریات کو پورا کرنے کے لیے کوئلے کے بلاکس کے آپریشنلائزیشن میں حائل رکاوٹوں کو دور کرنے کے لیے وزارت کے فعال نقطہ نظر کی نشاندہی کرتا ہے۔ ان کانوں پر توجہ مرکوز کرکے، حکومت کا مقصد گھریلو وسائل کو زیادہ سے زیادہ کرنا اور کوئلے کی درآمدات پر انحصار کم کرنا ہے۔

کوئلہ کی وزارت گھریلو کوئلے کی پیداوار میں اضافہ کے ذریعے پائیدار اقتصادی ترقی کی طرف ملک کی راہ ہموار کرتے ہوئے ہندوستان کی توانائی کی حفاظت کو مضبوط بنانے کے لیے پرعزم ہے ۔

****

ش ح ۔  م ش  ۔م ش

U. No.10824