প্রধান মন্ত্রী, শ্রী নরেন্দ্র মোদীনা ঙসি ভীদিও কনফরেন্সকী খুত্থাংদা দিল্লীদা ইন্তরনেস্নেল কনফরেন্স ওন গ্রীন হাইদ্রোজেন (ICGH-2024)গী অনীশুবা এদিশন হৌদোকখ্রে, মসিদা মহাক্না মহৌশাগী অইং-অশাদা লাক্লিবা অহোংবা অদুবু লাকশিন্নবা হোৎনবদা ভারতকী ফিরেপ অমসুং গ্রীন হাইদ্রোজেননা মালেম অসিগী ইনর্জী লেন্দস্কেপতা য়াম্না প্রোমিসিং ওইবা এদিশন অমা ওইনা থোরকপা অসিগী মতাংদা য়াম্না মরু ওইনা পনখি।

প্রধান মন্ত্রী, শ্রী নরেন্দ্র মোদীনা পনখি, “ভারতনা হেন্না শেংবা, হেন্না শংবা গৃহ অমা শেম্বদা অচেৎপা ফিরেপ লৌরি। গ্রীন ইনর্জীগী মতাংদা পেরিস এগ্রীমেন্তকী কমিৎমেন্তশিং অদুবু পীখিবা মতমদুদগী হান্না, মপুং ফাহনবা ঙম্বা G20 লৈবাকশিংগী মনুংদা ঐখোয়না খ্বাইদগী অহানবনি।  ঐখোয়না হৌজিক লৈরিবা সোল্যুশনশিং অদুবু হেন্না কনখৎহনবদা নত্তনা, ঐখোয়না অনৌবা অমসুং ইনোভেতিব ওইবা খোংথাংশিংবুশু লৌখৎপদা মিৎয়েং থম্লি। গ্রীন হাইদ্রোজেন অসি ইলেক্ত্রিক্কী ওন্থোকপদা খরা ৱানা থোকপা রিফাইনরীশিং, ফর্তিলাইজরশিং, স্তীল অমসুং হেভী দ্যুতী ত্রান্সপোর্তেশনগুম্বা সেক্তরশিংদা দিকার্বোনাইজ তৌবগী মতিক লৈবা অদুগুম্বা য়াম্না মরু ওইবা মাইপাকপা অমনি।”

প্রধান মন্ত্রীনা মখাতানা পনখি মদুদি, “ঐখোয়না ভারতপু গ্রীন হাইদ্রোজেনগী প্রোদক্সন, য়ুতিলাইজেশন অমসুং এক্সপোর্ততা গ্লোবল হব ওইহন্নবা পান্দম থম্লি। 2023দা হৌদোকখিবা, নেস্নেল গ্রীন হাইদ্রোজেন মিসন অসি মসিগী পান্দম অসিবু ফংবা ঙম্নবগী মাইকৈদা য়াম্না মরু ওইবা খোংথাং অমনি। মসিনা গ্রীন হাইদ্রোজেন সেক্তরদা ইনোভেশন হেনগৎহনবা, ইনফ্রাস্ত্রকচর শেমগৎপা, ইন্দস্ত্রী গ্রোথ হেনগৎহনবা, অমসুং ইনভেস্তমেন্ত পুরক্লগনি।”

প্রধান মন্ত্রী, শ্রী নরেন্দ্র মোদীনা রিন্যুৱেবল ইনর্জী দেবেলপমেন্ততা লুচিংবা অমা ওইরকপগী মতাংদা পনখি, মহাক্না হায়খি, “ভারতকী নন-ফোসিল ফ্যুএল কেপাসিতী অসি হৌখিবা দেকেদ অসিদা 300%গী মথক্তা হেনগৎলকখ্রে, অমসুং ঐখোয়গী সোলার ইনর্জী কেপাসিতীদশু হায়রিবা মতম অসিগী মনুংদা য়াম্না ঙক্নিংঙাই ওইরবা 3000%গী শাহৌ লাকখি।”

থৌরম অদুদা, ন্যু অমসুং রিন্যুৱেবল ইনর্জীগী কেন্দ্র মন্ত্রী, শ্রী প্রহলাদ ভেনকতেশ জোশিনা, রিন্যুৱেবল ইনর্জী কেপাসিতী হেনগৎহন্নবা অমসুং গ্রীন হাইদ্রোজেন দেবেলপমেন্ত হেনগৎহন্নবগী পান্দমদা সরকারনা লৌখৎলিবা স্ত্রেতেজিক ওইবা অনৌবা থৌরাংশিংঅদুগী মতাংদা য়াম্না কুপ্না হায়খি। মহাক্না হায়খি মদুদি প্রধান মন্ত্রী নরেন্দ্র মোদীগী লুচিং মখাদা, ভারতনা গ্রীন ইনর্জীদা মালেমগী লুচিংবা অমা ওইবগী মাইকৈদা চংশিল্লক্লি।

নেস্নেল গ্রীন হাইদ্রোজেন মিসনগী মতাংদা পল্লদুনা, মন্ত্রী অসিনা ভারতপু মসিগী নৌনা ফাওগৎলক্লিবা সেক্তর অসিদা মরু ওইবা প্লেয়র অমা ওইহন্নবগী পান্দমদা NGHM আসি হৌদোকখিবনি, মসিনা ঐখোয়বু ইনর্জীদা মীপাল তাংদবা অমসুং শেন্মিৎলোন চাউখৎহনবদা মতেং পাংলগনি। “মসিগী মিসন অসিদা ইনভেস্তমেন্ততা লুপা করোর লাখ 8 পুরকপা অমসুং থবক লাখ 6 ফংহনবগী মতিক লৈবদা নত্তনা  নেচরেল গ্যাস অমসুং অমোনিয়াগী ইমপোর্তকী মপাল তাংবা হন্থহন্দুনা লুপা করোর লাখ 1 সেভিং তৌরগনি। ঐখোয়না খুমাং চাউশিনবগা লোইননা, ঐখোয়না হোৎনরিবশিং অদুনা 2030 ফাওবদা 5 MMT ফাওবগী কার্বোন এমিসন হন্থহনবদা য়াম্না চাউনা শরুক য়াগনি, মসিনা ভারতপু মালেমগী ফমপাক্তা সস্তেনেবল দেবেলপমেন্তকী লমজিং মৈরা অমা ওইনা ওইরগনি”, হায়না মহাক্না হায়খি।

পেত্রোলিয়ম অমসুং নেচরেল গ্যাসগী মন্ত্রী, শ্রী হার্দীপ এস. পুরিনা ভারতকী নে্সনেল গ্রীন হাইদ্রোজেন মিসননা থম্বা য়াম্না চাউবা তার্গেত অদুগী মতাংদা য়াম্না মরু ওইনা পনখি। মহাক্না হায়খি, “2070 ফাওবদা নেত-জিরো এমিসন ফংবা ঙম্না ভারতনা লৌরিবা ফিরেপ অসিদা খোংথাং কয়া অমা পাইখৎলি, মসিদা গ্রীন হাইদ্রোজেনদশু য়াম্না মরু ওইবা মিৎয়েং থম্লি। 2030 ফাওবদা গ্রীন হাইদ্রোজেন মেত্রিক তন মিলিয়ন 5 পুথোক্নবগী পান্দম অসিনা ঐখোয়গী শেন্মিৎলোনবু দিকার্বোনাইজেশন তৌনবগী য়াম্না মরু ওইবা খোংথাং অমনি। মসিদা বিলিয়ন $100 কি ইনভেস্তমেন্ত অমসুং 125 গিগাৱাতকী ন্যু রিন্যুৱেবল ইনর্জী কেপাসিতী লৈহনবা মথৌ তাগনি।

মিসন অসিনা চহি অমদা মেত্রিক তন মিলিয়ন 15গী CO2 এমিসন তৌবা হন্থহনবদা নত্তনা ইমপোর্তশিংদা য়াম্না শিংথানিংঙাই ওইবআ সেভিংশিং তৌবা ঙম্লগনি। ঐখোয়না য়াম্না চাউবা শেন্থং কাইথোক্তুনা অমসুং কমপ্রেহেন্সিব ইন্সেন্তিব ফ্রেমৱার্কনা মতেং পাংদুনা পাইলোত প্রোজেক্তশিং, হাইদ্রোজেন হবশিং, অমসুং সেক্তর অসিদা ইনোভেশন হেন্না পুরক্নবা R&Dগী অনৌবা থৌরাংশিং পাইখৎলগনি। মিসন অসিগী মাইপাকপা অসি কেন্দ্র অমসুং রাজ্য সরকারশিং, লোইন-লোইননা ইন্দস্ত্রী পার্তনরশিংগা পুন্না খুৎশম্নদুনা থবক তৌমিন্নবগী মখা পোনগনি।”

ন্যু এন্দ রিন্যুৱেবল ইনর্জী মন্ত্রালয়গী সেক্রেতরী, শ্রী ভুপিন্দর ভল্লানা ভারতকী রিন্যুৱেবল ইনর্জীগী মাইপাকপশিং অমসুং তুংগী থৌরাংশিং অদুগী মতাংদা পনখি। মহাক্না CO2 এমিসন লৈতবা অশেংবা ইন্রজী সোর্স অমা ওইনা গ্রীন হাইদ্রোজেন্না লৌরিবা থৌদাং অমসুং তোঙান-তোঙানবা সেক্তরশিং মসিগী তোঙান-তোঙানবা এপ্লিকেশনশিং অদুগী মতাংদা পনখি। শ্রী ভল্লানা প্রধান মন্ত্রীগী পাঞ্চঅমৃতকী থৌরাং অদুগা মরি লৈননা ভারতকী য়াম্না চাউরবা গ্রীন হাইদ্রোজেনগী পান্দমশিং অদুগী মতাংদা য়াম্না মরু ওইনা পনখি। মসিদা 2030 ফাওবদা 500 GWগী  নন-ফোসিল ইনর্জীগী কেপাসিতী ফংনবগী তার্গেত অমসুং 2070 ফাওবদা নেত জিরো এমিসন ওইহনবা হায়বশিং অসি য়াওরি। 

শ্রী ভুপিন্দর এস. ভল্লানা ত্রান্সপোর্তেশন অমসুং শিপ্পিং সেক্তরশিংগী পাইলোত প্রোজেক্তশিং, গ্রীন হাইদ্রজেন হবশিং শেম্বা, রিসর্চ অমসুং দেবেলপমেন্ত, স্কিল দেবেলপমেন্ত, লোইন-লোইননা স্তোরেজ অমসুং ত্রান্সপোর্তেশনগুম্বা কমপোনেন্তশিংগীদমক্তা খাইদোকখিবা বজেতকী মতাংদা খন্নখি। ভারতকী হাইদ্রোজেন দিমান্দ অসি 2050 ফাওবদা চহি অমদা 29 MMT য়ৌহন্নবা থৌরাংগা লোইননা য়াম্না শিংথানিংঙাই ওইবা মওংদা হেনগৎলগনি হায়না পারি। মহাক্না SIGHT (স্ত্রেতেজিক ইন্তরভেন্সন্স ফোর গ্রীন হাইদ্রোজেন ত্রানঞ্জিসন)গী প্রোগ্রাম, রেগুলেশনশিং অমসুং কোদশিং অমসুং স্তেন্দার্দশিংগী মতাংদশু ঙাংখি, মসিদা স্তেন্দার্দ 152দি রিকমেন্দ তৌখ্রে অদুগা 81 অমদি ফোংখ্রে হায়না মহাক্না হায়খি।”

ভারত সরকারগী প্রিন্সিপাল সাইন্তিফিক এদভাইজর, প্রোফেসর আজয় কে. সুদনা গ্রীন হাইদ্রোজেন তেক্নোলোজীবু খুমাং চাউশিনহনবদা সাইন্তিফিক রিসর্চনা লৌরিবা থৌদাংশিং অদুগী মতাংদা লৌশিং কয়া অমা শিয়র তৌখি। “ইনোভেতিব ওইবা রিসর্চ অমসুং তেক্নোলোজীগী লমদা খুমাং চাউশিনবা হায়বসি গ্রী হাইদ্রোজেনবু এফোর্দেবল অমসুং স্কেলেবল ওইহন্নবগীদমক্তা য়াম্না মরু ওই। ঐখোয়না শিংনবশিংবু মাইথিবা পীনবা অমসুং গ্রীন হাইদ্রোজেনগী ফুল পোতেন্সিয়েল অদুবু ঐখোয়না শিজিন্নবা ঙম্নবা R&Dবু লেপ্তনা সপোর্ত তৌবা তাই,” হায়না মহাক্না মরু ওইনা পনখি।

সেসন অদুদা “ইন্দিয়াস জর্নী তোৱার্দস এ গ্রীন হাইদ্রোজেন ইকোনোমী” হায়না মিংথোনবা ভীদিও প্রেজেন্তেশন অমশু য়াওখি, মসিদা গ্রীন হাইদ্রোজেন সেক্তরদা ভারতকী প্রোগ্রেস অমসুং তুংগী এস্পিরেশনশিংগী মতাংদা উৎখি।

অহোবগী সেসন অদু CSIRগী দাইরেক্তর অমসুং দিপার্তমেন্ত ওফ সাইন্তিফিক ইন্দস্ত্রিয়েল রিসর্চ (DSIR)গী সেক্রেতরী, দা. এন. কালাইসেল্বিনা ভোত ওফ থেংস পীদুনা লোইশিনখি। দা. কালাইসেই্বিনা পার্তিসিপেন্তশিং অদুদা থাগৎপা ফোংদোকখি অমসুং গ্রীন হাইদ্রোজেনগী লমদা লুচিংবা অমা ওইনা ভারতনা লৌখিবা থৌদাংশিং অদুগী মতাংদা পনখি। “ভারতনা গ্রীন হাইদ্রোজেনদা অওনবা অমা পুরকপদা ময়ামদগী মাংজিল থাদুনা চৎলি।  রিন্যুৱেবল রিসোর্স মতিক চানা লৈবা অমসুং নেস্নেল গ্রীন হাইদ্রোজেন মিসনগুম্বা য়াম্না চাউরবা অনৌবা থৌরাংশিং অসিনা মরম ওইরগা ঐখোয়গী লৈবাক অসিবু মালেম অসিবু লুচিংবদা য়াম্না মতিক চারে”, হায়না মহাক্না হায়খি।

ন্যু অমসুং রিন্যুৱেবল ইনর্জী মন্ত্রালয় অমসুং ভারত সরকারগী প্রিন্সিপাল সাইন্তিফিক এদভাইজরগী লোইশংনা পেত্রোলিয়ম আমসুং নেচরেল গ্যাস মন্ত্রালয়, দিপার্তমেন্ত ওফ সাইন্স এন্দ তেক্নোলোজী অমসুং দিপার্তমেন্ত ওফ সাইন্তিফিক এন্দ ইন্দস্ত্রিয়েল রিসর্চকা খুৎশম্নদুনা 2শুবা ইন্তর্নেস্নেল কনফরেন্স ওফ গ্রীন হাইদ্রোজেন 2024 (ICGH2024) শিল্লগনি। সোলার ইনর্জী কোর্পোরেশন ওফ ইন্দিয়া (SECI) অমসুং EYনা মথংশিৎনা ইমপ্লিমেন্তেশন অমসুং নোলেজ পার্তনরশিং ওইখি। FICCIনা ইন্দস্ত্রী পার্তনর ওইখি।

***