প্রধান মন্ত্রী শ্রী নরেন্দ্র মোদীনা চেবাউ পীবদগী, অবু ধাবিগী ক্রাউন প্রিন্স সৈখ খালেদ বিন মোহমদ বিন জয়েদ অল নাহয়ান, সরকারগী ওইবা খোঙচৎ অমদা সেপ্তেম্বর ৯-১০, ২০২৪ দা ভারত্তা লাকখ্রে। মসি ক্রাউন প্রিন্সনা ওফিসিএল ওইনা ভারত্তা লাকপা অহানবনি। মহাক ঙরাং নিউ দিল্লিদা থুংলবদা কম্মর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা মহাক তরাম্না ওকখ্রে অমসুং চৎনবীগী মতুংইন্না গার্দ ওফ ওনর অমা পীখি। মহাক্কা লোয়ননা মিনিস্তরশিং, সেনিয়ার ওফিসিএলশিং অমসুং মশিং য়াম্লবা ললোন-ইতিক্কী মীহুৎ কাংবু অমা অমা লোয়নরকখি।

ঙসি ক্রাউন প্রিন্সনা প্রধান মন্ত্রীগা লোয়ননা লৈবাক অনিগী ওইবা ৱাফমশিং খন্নখ্রে। প্রধান মন্ত্রীনা য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়ানগী মফমদা য়াইফ-পাউজেল পীখি অমসুং ইকায়খুম্নবা উৎখি। হৌখিবা চহি খর অসিদা ইন্দিয়া-য়ু.এ.সি কমপ্রেহেন্সিপ স্ত্রাতেজিক পার্তনরশিপ শিংথাবা য়ানা চাউখৎলকপদা লুচিংবা অনিনা অপেনবা ফোঙদোকখি অমসুং লৈবাক অনিনা মতেং পীনরিবা হিরম খুদিংমক্তা মরী অসি মখা তানা পাকথোক-চাউথোক্নবা অমসুং চেৎশীনহন্নবা খুদোংচাবশিং খন্নখ্রে। কমপ্রেহেন্সিপ ইকোনোমিক পার্তনরশিপ এগ্রিমেন্ত(সেপা) মাইপাকপা অমসুং হন্দক বাইলেতরেল ইনভেস্তমেন্ত ত্রিতি(বিত) চৎনবা হৌদুনা লৈবাক অনিগী মরক্তা শেন-থুম অমসুং ললোন-ইতিক্কী অকনবা মরীদা মখা তানা ইথিল পীগদৌরিবা অসিদা লুচিংবশিংনা থাগৎপা ফোঙদোকখ্রে। ন্যুক্লিয়ার ইনর্জি, ক্রিতিকেল মিনরেলশিং, গ্রিন হায়দ্রোজেন, আর্তিফিসিএল ইন্তিলিজেন্স অমসুং অৱাংবা থাক্কী তেক্নোলোজিশিং য়াওনা খুদোংচাবা ফংবা য়াবা অনৌবা হিরমশিং মশক খঙদোকপগী তঙাইফদবা অদু লুচিংবশিংনা খন্নখ্রে।

মতেং পাংনবা হেনগৎহন্নবাঅমসুং অনৌবা হিরমশিংদা মতেং পীন্নবা খোঙচৎ মনুংদা মখাগী এম.ও.য়ুশিং/য়ানচেশিং খুৎয়েক পীনরে-

· ন্যুক্লিয়ার পৱার কোর্পোরেসন ওফ  ইন্দিয়া লিমিতেদ(এন এন পি সি আই এল) অমসুং ইমিরেতস ন্যুক্লিয়ার ইনর্জি কোর্পোরেসন(ই এন ই সি)গী মরক্তা ন্যুক্লিয়ারগী মতেং পীন্নবা এম.ও.য়ু

· অবু ধাবি নেসনেল ওইল কম্পেনি(এ দি এন ও সি) অমসুং ইন্দিয়ান ওইল কোর্পোরেসন লিমিতেদকী মরক্তা মতম শাংনা এল.এন.জি পীনবা য়ানচে।

· অবু ধাবি নেসনেল ওইল কম্পেনি অমসুং ইন্দিয়া স্ত্রেতেজিক পেত্রোলিয়ম রিজার্ব লিমিতেদ(আই এস পি আর এল)গী মরক্তা এম.ও.য়ু

· উরজা ভারত অমসুং অবু ধাবি নেসনেল ওইল কম্পেনিগী মরক্তা অবু ধাবি ওনসোর ব্লোক ১গী প্রদক্সন কন্সেসন এগ্রিমেন্ত

· ভারত্তা ফুদ পার্কশিং শেমগৎনবা গুজরাত সরকার অমসুং অবু ধাবি দিবলপমেন্তেল হোল্দিং কম্পেনি পি.জে.এস.সি(এ দি ক্বিউ)গী মরক্তা এম.ও.য়ু

ন্যুক্লিয়ারগী মতেং পাংনবগী এম.ও.য়ু অসিনা ন্যুক্লিয়ার পৱার প্লান্তশিং মথৌ পাংথোকপা অমসুং শেমজিন-শাজিনবা, ভারত্তগী ন্যুক্লিয়ারগী পোৎলমশিং অমসুং থবকশিং ফংহনবা, লৈবাক অমনা অমদা শেন থাদবগী খুদোংচাবশিং মশক খঙদোকপা অমসুং কেপাসিতি বিল্দিংগী লমদা মতেং পাংনবা হেনগৎহনগনি।

মতম শাংনা এল.এন.জি পীনবা য়ানচে অসিনা চহি অমদা মেত্রিক তন মিল্লিয়ন ১ পীগনি অমসুং চহি অমা খর হেল্লকপদা অসিগুম্বা অহুমশুবা কন্ত্রেক অমা খুৎয়েক পীনবনি। আই.ও.সি.এল অমসুং গেল অনিনা এ.দি.এন.ও.সিগা লোয়ননা চহিদা মেত্রিক তন মিল্লিয়ন ১.২ অমসুং চহিদা মেত্রিক তন মিল্লিয়ন ০.৫গীদমক মমাঙদা মতম শাংনা চৎনগদবা য়ানচেশিং খুৎয়েক পীনখ্রে। মসিগী কন্ত্রেকশিং অসিনা তোঙান-তোঙানবা মফমশিংদগী এল.এন.জি ফংদুনা ভারতকী ইনর্জি সেকুরিতি হেনগৎহনগনি।

অবু ধাবি নেসনেল ওইল কম্পেনি অমসুং ইন্দিয়া স্ত্রেতেজিক পেত্রোলিয়ম রিজার্ব লিমিতেদ (আই এস পি আর এল)গী মরক্তা এম.ও.য়ু লৈনবা অসিনা ভারত্তা শুংদোক্ত্রিবা থাউ থম্নবা অহেনবা খুদোংচাবশিংদা অবু ধাবি নেসনেল ওইল কম্পেনি শরুক য়ানবা খুদোংচাবা পীগনি অমসুং নাকল অনিনা য়ানবা তার্মশিংদা মখোয়না থম্নবা অমসুং অশীন-অরাংগী য়ানচেশিং অমুক নৌথোকহনগনি। ২০১৮দগী থবক হৌখিবা আই.এস.পি.আর.এলগী মেঙ্গোলোর কাবের্নদা এ.দি.এন.ও.সিগী হৌজিক গ্রুদ থম্লিবা অসিদা য়ুম্ফম ওইদুনা এম.ও.য়ু লাকপনি।

উরজা ভারত অমসুং অবু ধাবি নেসনেল ওইল কম্পেনিগী মরক্তা অবু ধাবি ওনসোর ব্লোক ১গী প্রদক্সন কন্সেসন এগ্রিমেন্ত অসি য়ু.এ.ইদা থবক তৌবা ভারতকী কম্পেনি অমগী অহানবনি। কন্সেসন অসিগী মতুংইন্না উরজা ভারতনা শুংদোক্ত্রিবা থাউ ভারত্তা পুরক্কনি অমসুং মসিনা লৈবাক অসিগী ইনর্জি সেকুরিতিদা মতেং পাংগনি।

ফুদ পার্কশিংগী এম.ও.য়ু অসিনা ২০২৫গী অনিশুবা ক্বাতরদা ফুদ পার্ক প্রোজেকশিং হৌনবা মীৎয়েং অমগা লোয়ননা, প্রোজেক অসিগী অফবা মফম অমা ওইনা গুন্দানপারা, বাবলা অমসুং অহমদেবাদ শেমগৎনবা এ.দি.ক্বিউগী থৱায় য়াওবা অদু তাক্লে। হায়রিবা মফম অসিগী অকুপ্পা মরোল ফংনবা অমসুং দরকার ওইবা অয়াবশিং ফংনবা গুজরাত সরকারনা এ.দি.ক্বিউ অমসুং এ.দি পোর্তশিংদা মতেং পীগনি।

ক্রাউন প্রিন্স সৈখ খালেদ বিন মোহমদ বিন জয়েদ অল নাহয়াননা রাস্ত্রপতি ভাবন্দা রাস্ত্রপতি শ্রীমতি দ্রৌপতি মুর্মু উনখ্রে। লৈবাক অনিগী মরক্তা লৈনরিবা অফবা, পুৱারি ওইরবা অমসুং অচেৎপা মরীশিং অমসুং চহি খর অসিদা পায়খৎখিবা থবকশিংগী মতাংদা খন্নখ্রে। ভারতমচা মিল্লিয়ন ৩.৫ হেন্না লৈহনবগীদমক রাস্ত্রপতি মুর্মুনা য়ু.এ.ইগী লুচিংবশিংগী থবক মহাক্কী মাইকৈদগী তৌবীমল খঙবা উৎখ্রে।

ক্রাউন প্রিন্স সৈখ খালেদ বিন মোহমদ বিন জয়েদ অল নাহয়াননা রাজঘাত্তা চৎখি অমসুং মহাত্মা গান্ধীগী মফমদা ইকায়খুম্নবা উৎখ্রে। ১৯৯২ দা য়ু.এ.ইগী হান্নগী রাস্ত্রপতি সৈখ জয়েদবিন সুলতান অল নাহয়ান; অমসুং ২০১৬ দা য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়ান্না রাজঘাত্তা উ চারা অমা থাখ্রবা মতুংদা, মহাক্না মফম অসিদা  উ থাখিবা য়ু.এ.ইগী অহুমশুবা মীরোল ওইরে। মসি লৈবাক অনিগী মরক্তা মীরোল মথং মথং অকনবা মরী লৈনবা উৎপা তোপ-তোপ্প অমসুং অতাংবা থৌদোক অমনি। মসি রাজঘাতকী পুৱারিদা মহাত্মা গান্ধী ইকায়খুম্নবা উৎপা ওইনা লৈবাক অমগী মীরোল অহুমগী লুচিংবশিংনা উ থাবা অহানবনি।

হয়েং ক্রাউন প্রিন্স সৈখ খালেদ বিন মোহমদ বিন জয়েদ অল নাহয়ান মুম্বাইদা চৎকনি অমসুং ইন্দিয়া-য়ু.এ.ই ব্যুজিনেস ফোরম শরুক য়াগনি। তোঙান-তোঙানবা হিরমশিংদা লৈবাক অনিগী মরক্তা তুংদা মতেং পাংন্নবা নাকল অনিগী ললোন-ইতিক্কী লুচিংবশিং অমসুং ওফিসিএলশিং খন্ন-নৈনবগী মফম অমা ফোরম অসিনা পীরে। হয়েং মুম্বাইদা ইন্দিয়া-য়ু.এ.ই ভর্চুএল ত্রেদ কোরিদোর(ভি তি সি) অমসুং ভি.সি.তিগী মাইত্রি ইন্তরফেস হৌদোক্কনি।

*****