প্রধানমন্ত্রীগী লোইশঙ
প্রধান মন্ত্রীনা সেপ্তেম্বর ৬ তা ‘জল সঞ্চয় জন ভাগিদারি ইনিসিয়েতিপ’ হৌদোকপা থৌরমদা ৱা ঙাংগনি
থবক অসিনা গুজরাত শীনবা থুংনা চাউরাক্না নোংগী ঈশিং লোকশিন্নবা মফম ২৪,৮০০ শেমগৎনবা পান্দম থম্লি
ঈশিং য়োকশিনবা অসি লৈবাক্কী মরুওইবা থবক অমা ওইহন্নবা প্রধান মন্ত্রীগী ৱাশক ঙাক্নবা থবক অসিনা পান্দম থম্লি
Posted On:
05 SEP 2024 2:17PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর ৬,২০২৪ গী নুমিৎয়ুংবা পুং ১২:৩০ তাবদা ভিদিও কনফরেন্সকী খুৎথাংদা গুজরাতকী সুরত্তা ‘জল সঞ্চয় জন ভাগিদারি ইনিসিয়েতিপ’ হৌদোকপা থৌরমদা ৱা ঙাংগনি।
ঈশিং ৱাৎতনা ফংহন্নবা প্রধান মন্ত্রীগী মঙলানগী মখা তারকপা ওইনা, থবক অসিনা মীয়াম শরুক য়াহন্দুনা ঈশিং য়োকশিনবগী থবক পায়খৎনবা অমসুং খুন্নাই অমসুং লৈঙাক হুপ্না শরুক য়ানবা পান্দম থম্লি। গুজরাত সরকারগী জল সঞ্চয় থবক মাইপাকপদগী, জল শক্তি মিনিস্ত্রিনা রাজ্য সরকারগা খুৎশম্নদুনা, গুজরাত্তা ‘জল সঞ্চয় জন ভাগিদারি ইনিসিয়েতিপ’ হৌদোকপনি। ঈশিংগী অৱাৎপা লৈতবা তুংলমচৎ অমা শেমগৎনবা গুজরাত সরকারনা মীয়াম, লোকেল বোদিশিং, উদ্যোগশিং অমসুং অতোপ্পা মরী লৈনবশিং শীজিন্নরে।
থৌরম অসিগী মখাদা মীয়ামগা লোয়ননা রাজ্য অসি শীনবা থুংনা চাউরাক্না নোংগী ঈশিং লোকশিন্নবা মফম ২৪,৮০০ শেমগৎনবা পান্দম থম্লি। হায়রিবা ঈশিং তুংশিন্দুনা থম্নবা মফমশিং অসিনা নোংগী ঈশিং তুংশিনবা হেনগৎহনগনি অমসুং মতম শাংনা ঈশিং শীজিন্নবা ফংহনগনি।
***
(Release ID: 2052160)
Visitor Counter : 98
Read this release in:
Telugu
,
Kannada
,
Bengali
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Odia
,
Tamil
,
Malayalam