প্রধানমন্ত্রীগী লোইশঙ
প্রধান মন্ত্রীনা ব্রুনৈদা ভারতকী হায় কম্মিসনগী অনৌবা ওফিস বিল্দিংশিং শঙ্গাখ্রে
থাগৎখিবা:
03 SEP 2024 5:56PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ব্রুনৈদা ভারতকী হায় কম্মিসনগী অনৌবা ওফিস বিল্দিংশিং শঙ্গাখ্রে। থৌরম অদুদা মহাক্না মৈরা অমা চুখৎখি অমসুং প্লেগ অমা মাইখুম হাংদোকখি।
প্রধান মন্ত্রীনা শঙ্গাবগী থৌরম অদুদা শরুক য়াখিবা ভারতমচাশিংগা ৱারি শান্নখি। লৈবাক অনিগী মরক্তা অহিংবা থোং অমা ওইনা অমসুং লৈবাক অনিগী মরীশিং মপাঙ্গল কনখৎহনবগীদমক মহাক্না লৈবাক অদুদা লৈরিবা ভারতমচাশিংগী থবকশিং থাগৎপা ফোঙদোকখি। ১৯২০গী মতমদা থাউ পুথোকপা হৌরকপগা লোয়ননা ব্রুনৈদা অহানবা তাঙ্কক্কী ভারতমচাশিং থুংলবা হৌখি। হৌজিক ব্রুনৈদা ভারতমচা চাউরাক্না ১৪,০০০ রোম লৈরি। ব্রুনৈগী হকশেল অমসুং লাইরিক-লাইশুগী হিরম চাউখৎনবা ভারতকী দোক্তরশিং অমসুং ওজাশিংনা লৌরিবা থৌদাং পাক-শন্না খঙনরে।
মমাংঙৈগী শক্তমশিং হাপতুনা অমসুং অশংবা উ পাম্বীশিং থাদুনা, চান্সেরি কমপ্লেক্স অসি ভারতকী ওইবা শক্তম অমা উবা ফংলে। ফজরবা মচুশিং তৈদুনা অমসুং কোতাগী নুংশিং শীজিন্নদুনা ওফিস অসিগী ফজবা হেনগৎহল্লে অমসুং মসিদা অরিবা মতম অমসুং হৌজিক্কী মতমগী মচাক কয়া য়ানশিন্নরে। দিজাইন অসিনা ভারতকী ইনাকখুল্লবা নাত অমসুং চৎনবীদা ইকায়খুম্নবা উৎপা খক নত্তনা অচিকপা অমসুং ফজবা মফম অমা ওইহল্লে।
*****
(রিলিজ আই.দি.: 2051420)
ভিজিতর কাউন্তর : 116
রিলিজ অসি মসিদা পাবীয়ু:
Telugu
,
Odia
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam