খুরুমজরি। গুদ ইভনিং।

ET ৱার্ল্দ লীদর্স ফোরমগী অসিগুম্বা থৌরম অসিদা লাকপসিদা, হান্নদগী খঙনবা মীওই কয়া অমশু উবা ফংলরে, মসিমক য়াম্না হারাওনিংঙাই ওইবা ৱাফম অমনি। ঐহাক্না থাজৈ মদুদি ভারতকী অফবা তুংলমচৎকা মরি লৈননা ৱারি-ৱাতাই কয়া অমশু তৌরমগনি। অমসুং হায়রিবা ৱারি-ৱাতাইশিং অসি মালেম পুম্বনা ভারতপু থাজবা মতমদা শানখি।

মরুপশিং,

ভারত অসি ঙসিদি তোপ-তোপ্পা মাইপাকপগী ৱারি ইরগনি। ভারত্তা ঐখোয়না রিফোর্মশিংগী ফল অদু ঐখোয়গী ইকোনোমীগী পর্ফোর্মেন্সতা উবা ফংই। ভারতনা কয়ারক হন্না প্রেদিক্সন তৌখিবশিংদগী অমসুং মখোয়গী পীয়রশিংদগীশু হেন্না ফজনা পর্ফোর্ম তৌখি। খুদম ওইনা হৌখিবা চহিশিংদা গ্লোবল ইকোনোমীদা চাদা ৩৫ হেনগৎলকখি। অদুবু হৌখিবা চহি তরা অসিদা ঐখোয়গী ইকোনোমীনা চাউরাক্না চাদা ৯০গী চাংদা হেনগৎলকখি। মসিগী সস্তেন্দ গ্রোথ অসি ঐখোয়নাফংবা ঙমখিবা অদুনি। মসিগী সস্তেন্দ গ্রোথ অসি ঐখোয়না ৱাশকখিবআ অদুনি। অমসুং মসিগী সস্তেন্দ গ্রোথ অসি তুংদশু লেপ্তনা মখাতানা অদুমক চত্থখিগদবা অদুনি। 

মরুপশিং,

হৌখিবা চহিশিংদা, ভারতমচাশিংগী পুনশিদা ঐখোয়না য়াম্না চাউনা অহোংবা অমা পুরকপদা মাইপাকপা ঙমখি। ঐখোয়গী সরকারনা নাগ্রিক করোর কয়া অমগী পুনশিদা শোকখি। লৈবাক অসিগী নগ্রিকশিংদা অফবা গোবর্নেন্সপীবা হায়বসি ঐখোয়গী ফিরেপনি। রিফোর্ম-পর্ফোর্ম-ত্রান্সফোর্ম হায়বা অসি ঐখোয়গী মন্ত্রনি। অমসুং লৈবাক অসিগী মীয়াম্নশু ঐখোয়গী অসিগুম্বা সেবাগী ৱাখল্লোন অসিবু উবীরি। লৈবাক অসিগী মীয়াম্না হৌখিবা চহি ১০ অসিদা মাইপাকখিবশিং অদু উরি। মরম অদুনা ঙসি ভারতকী মীয়াম্না অনৌবা থাজবা অমনা পিক থল্লরে। মশানা মশাবু থাজবা, লৈবাক অসিগী চাউখৎ-থৌরাংদা থাজবা, লৌরিবা ফিরেপশিংদা থাজবা অমসুং চৎলিবা লিচত্তশু থাজৈ।  নখোয়না অতোপ্পা লৈবাকশিংগী লৈরিবা ফিভমশিং অদুবু য়েংবীয়ু, হন্দক্কী চহি অসিদা মালেম অসিগী অচৌবা লৈবাক কয়ামরুম অমদা ভোতিং তৌখি, ইলেক্সন তৌখি, মফম অয়াম্বদা মীয়াম্না হোংদোক্নবগীদমক্তা ভোত থাদখি। লৈবাক কয়া অমগী সরকারদা অৱাবা কয়া মায়োক্নখি। অদুবু ভারতকী নাগ্রিকশিংনা মসিগী ত্রেন্দ অসিগী তাইওন্নবদা থবক তৌরকখি। ভারতকী ভোতরশিংনা চহি  ৬০গী মতুংদা, সরকার অমবু হেদত্রিক ফংহনখি। ভারতকী থৱাই য়াওবা নহাশিং অমসুং ভারতকী নুপীশিংনা কন্তিন্যুৱিতীগীদমক্তা ভোত পীখি, পোলিতিকেল স্তেবিলিতীঅমসুং ইকোনোমিক গ্রোথকীদমক্তা ভোত পীখি। অমসুং মরম অসিনা লৈবাক অসিগী মীয়াম্বু কায়রক থাগৎপা ফোংদোক্লবশু পেন্নাইদে।

মরুপশিং,

ঙসি ভারতকী চাউখৎ-থৌরাংনা মালেম অসিগী এদলাইনশিংগী শরুক অমা ওইরি। মশিংগী মরুওইবশু লৈ, অদুবু মী কয়া অমগী পুনশিদা অহোংবা লাক্লবগে হায়বদুশু অদুমক মরু ওই। মসিদা ভারতকী তুংলমচৎকী অরোনবা অদু লোৎলিবনি। হৌখিবা দেকেদ ১সিদা মী করোর ২৫ লাইর-আনংদগী মপান থোরকখ্রে। অমসুং হাবরিবশিং অসিনা লাই-অনংদগী মপান থোরকপা খক্তা নত্তনা মখোয়না নিও মিদল ক্লাস হৌদোকখি। মসিগী স্পীদ অমসুং স্কেল অসি পুৱারি ওই। মালেম অসিগী দেমোক্রেতিক সোসাইতী অমত্তদা অসিগুম্না অমুক্তা থোকখিদ্রি। মসি ভারত্তা থোক্লিবগী মরমদি, ঐখোয়না লাইরবশিংগীদমক্তা সরকারনা থাংজিল্লিবা খোংথাংশিং অদুদা অহোংবা পুরকখি। লাইরবশিংদা এসপিরেশনদি হান্নদগী লৈ, ফাইতিং স্পিরিত্তি ঐখোয়দগীশু হেন্না লৈ। অদুবু মখোয়গী লম্বিদা অথিংবা-অপনবা কয়ামরুম অমাশু লৈখি।  খুদম ওইনা মখোয়দা বেঙ্ক একাউন্ত লৈতে, বেসিক ফেসিলিতীশিং লৈতে। অমসুং অসিগুম্বা ফিভমশিং অসিদা ঐখোয়না লাইরবশিংবু এমপাৱর তৌনবা লম্বি অদু খনখি। ঐখোয়না মখোয়গী লম্বিদগী অথিংবা-অপনবা অদুবু লৌথোকখি অমসুং মখোয়গী মতেং পাংদুনা মখোয়গীদমক্তা লেপ্পীখি। অমসুং য়েংবীয়ু অহোংবা কয়া লাক্লবগে, দেকেদ কয়া বেঙ্ক একাউন্ত ফাওবা লৈরমদবা অদু হৌজিক্তি মখোয়না মশাগী একাউন্ততগী দিজিতেল ত্রান্সক্সন তৌররে।  বেঙ্কশিংগী থোং লোন্দুনা লৈরম্বশিং অদু হৌজিক্তি গেরেন্তী য়াওদনা বেঙ্ক লোনশিং ফংলে। মখোয়শিং অদু ঙসি এন্ত্রেপ্রেনরশিং ওইরে।  মালেম অসিদা ওইরক্লিবা অহোংবশিংদগী করিশু খঙলমদবাশিং অদুনা ঙসিদিমশাদা দিভাইসশিংশু লৈরে, কনেক্তিবিতীশু লৈরে অমসুং হৌজিক্তি নিংথিনা খঙলবা নাগ্রিকশিং হায়বদু ওইরে। লাইরবগী অৱাবদগী মপান থোরকপশিং অদুনা চাউখৎপগী অরাম-খৌরাংবা লৈ। মখোয়না মখোয়গী মচা-মশুশিং অদুবু য়াম্না ফজবা তুংলমচৎ অমা পীনিংঙি।। মখোয়গী এসপিরাশনশিং অদুনা অনৌবা ইনফ্রাস্ত্রকচর শাগৎহল্লি, মখোয়গী ক্রিয়েতিবিতী অদুনা ইনোভেশনগী লম্বি শেম্লি, মখোয়গী স্কিলশিং অদুনা ইন্দস্ত্রীগী ত্রেন্দ ওইরক্লি অমসুং মখোয়গী তঙাইফদবশিং অদুনা মার্কেতকী মাইওন ওইরক্লি, মখোয়গী ইনকম গ্রোথ অদুনা মার্কেত্তা দিমাান্দ হেনগৎহল্লি।  ভারতকী অসিগুম্বা নিও মিদল ক্লাস অসিনা লৈবাক্কী খুমাং চাউশিনবগী খ্বাইদগী চাউবা মপাঙ্গল ওইরক্লি।

মরুপশিং,

মীখলগী ফল লাউথোরকপা মতমদা ঐহাক্না অহুমশুবা তর্মদা ঐখোয়গী সরকারনা শরুক অহুম হেন্না য়াংনা থবক তৌগনি হায়ন হায়খি। ঐহাক্না নখোয়দা থাজবা পীরি হৌজক্তি পান্দম অসি অমুক্কশু হেন্না চেৎলে। অমসুং ইরৈচাশিংগুম্না সরকারশু মপুং ফানা আশা অমসুং থাজবনা থল্লে। হৌজিক থির্দ তর্মকী সরকার শেম্বা নুমিৎ ১০০ মপুং ফাদ্রি। ঐখোয়না ফিজিকেল ইনফ্রাস্ত্রকচরবু মোদর্নাইজেশন তৌবদা মাই ওনশিল্লি, ঐখোয়না সোসিয়েল ইনফ্রাস্ত্রকচরবু চাউথোকহল্লি, ঐখোয়না রিফোর্মশিংদশু লেপ্পা লৈতনা খুমাং চাউশিল্লি। হৌখিবা থা অহুম অসিদা ঐখোয়না লাইরবশিংগীদমক্তা, লৌমীশিংগীদমক্তা, নহাশিংগীদমক্তা অমসুং নুপীশীংগীদমক্তা য়াম্না চাউবা ফিরেপ অমা লৌখি। ঐখোয়না লাইরবশিংগীদমক্তা অনৌবা য়ুম করোর ৩ শানবগী অয়াবা পীখ্রে, ঐখোয়না য়ুনিফাইদ পেন্সন স্কীম লাউথোকখ্রে, লুপা করোর লাখ অমগী এগ্রিকলচর ইনফ্রা ফন্দ হেনগৎনবগীদমক্তা ৱারেপ লৌখ্রে, অফবা ক্বালিতীগী মরুশিংগী মখল ১০০ হেন্না থাদোকখ্রে, লুপা করোর লাখ অনিগী পি.এম. পেকজ লাউথৌকখ্রে, মসিগী কান্নবা অদু নহা করোর ৪না ফংগদৌরিবনি। অমসুং নুমিৎ ১০০গী মনুংদা লৈবাক অসিদা খুঙ্গংদগী হৌরকপা মীওই লাখ ১১ অমসুং ইচম-চম্বা ইমুং লাখ ১১না হৌজিক্তি লাখপতি দিদিশিং ওইখ্রে। হায়রিবা অসি  নুপীশিংগী শেন্মিৎলোন চাউখৎপদা য়াম্না চাউবা থবক অমনি।

মরুপশিং,

ঙরাং ঐ মহারাস্ত্রগী পালঘরদা লাকখি। মফম অদুদা লুপা করোর লিশিং ৭৫ হেন্না ইনভেস্তমেন্ত থাদদুনা ৱাধৱান পোর্তকী উরেপ-উয়ুং তমখ্রে। নুমিৎ হুম্নিগী মমাংদতা লুপা করোর লিশিং ৩০গী ইনভেস্তমেন্ত থাদদুনা ইন্দস্ত্রিয়েল সিতী ১২ শেমগৎনবগী অয়াবা পীখ্রে। লুপা করোর ৫০,০০০দগী হেনবা হাই স্পীদ কোরিদোরগী অয়াবা পীখ্রে। ঐখোয়না লুপা করোর লিশিং ৩০না পুনে, থানে অমসুং বেঙ্গলুরু মেত্রো চাউথোকহন্নবঘী অয়াবা পীখ্রে। মতাং অসিদা লদাখতা মালেম অসিগীখ্বাইদগী ৱাংবা তনেলশিংগী মনুংদা অমা ওইরিবা অমগী থবক হৌখ্রে।

মরুপশিং,

ঐখোয়গীদমক্তদি ইনফ্রাস্ত্রকচর অসি অশাংবা-অপাকপা-অৱাংবা হেনগৎহনবা খক্তদা লোইবা নত্তে। ঐখোয়গী ওইনদি, মসি ভারতকী নাগ্রিকশিংগ ফেসিলিতীশিংগী, ইজ ওফ লিবিংগী পাম্বৈ অমনি। রেল দব্বেশিংদি হান্নশু শেম্মম্মি, অদুবু ঐখোয়না বন্দে ভারতগুম্বা মতম অসিগী অনৌবা ত্রেনশিং পুরক্লে, মসিদা খোংজেল অমসুং নুংঙাইবা অনিমক ফংঙি। ঙসিমক্তদা ঐহাক্না অয়ুক্তা বন্দে ভারত ত্রেন অহুম লমথাখি। লম্বিশু লৈবাক অসিদা শেম্লম্মি, হান্নশু শেম্লম্মি, অদুবু ঐখোয়না ভারত্তা মতম অসিগী অনৌবা এক্সপ্রেসৱেগী নেতৱার্ক অমা শমেগৎলক্লি। এয়রপোর্তশু হান্নদগী লৈরম্মি, অদুবু ঐখোয়না ভারতকী তিয়র-তু, তিয়র-থ্রী সিতীশিংবু এয়র কনেক্তিবিতীদা শম্নহল্লগনি। ঐখোয়না পি.এম গতিশক্তি মাস্তর প্লান পুদুনা লাক্লি। লৈবাক অসিগী সরকারশিং, তোঙান-তোঙানবা দিপার্তমেন্তশিংনা সাইলোশিংদা থবক তৌবগী চৎনবী অদুদগী থাদোক্নবগী পান্দম থম্লি। হোৎনরিবা কয়া অসিনা মরম ওইরগা থবক কয়া অমা লৈহল্লে। ঐখোয়গী ইকোনোমী অমসুং ঐখোয়গী ইন্দস্ত্রীনা মসিদগী য়াম্না চাউনা কান্নবা ফংলি।

মরুপশিং,

২১শুবা চহি চাগী অহুমশুবা দেকেদ অসি ভারতকী ওইনদি লিফ্ত-ওফ দেকেদগুম্বনি। মসি করম্না ওইগনি? মসিগী কান্নবা অসি কনান ফংগনি? মসিবু ওইথোকহনগদৌরিবশিং অদুশু ঐখোয় পুম্নমক্নি অমসুং মসিগী কান্নবা অসিশু ঐখোয় পুম্নমক্না ফংগদৌরিবনি, লৈবাক পুম্বনা ফংগদৌরিবনি। ঙসি মফম অসিদা ভারতকী ইকোনোমীগা মরি লৈনবা স্তেকহোল্দরশিং, প্রাইভেত সেক্তরগা মরি লৈনবা মপাংশিং, ঐহাক্না ভিক্সিত ভারত ওইহনবদা খোংজেল য়াংশিনহনগদৌরিবা পিলরশিং অদুগী মতাংদা ৱা খরদং থমজনিংঙি। অমসুং মসিগী পিলরশিং অসি ভারত খখ্তগী নুংঙাই-য়াইফবগী পিলরশিং নত্তে, মসি মালেম পুম্বগী নুংঙাই-য়াইফনবগী পিলরশীংনি। ঙসি ভারতকী মাইকৈ পুম্নমক্তা খুদোংচাবা কয়া অমা লাক্লি। সরকারনা ওৎনবা খুদিংমকপু পুক্নিং থৌগৎলি। অমসুং য়াম্না শান্না চোংনবগীদমক্তা মাং লোমদা কন্না খোং থাংজিল্লি। মরম অদুনা ঐখোয়না লোং তর্ম ভিজনদশু থবক তৌরি।

মরুপশিং,

ভারতপু গ্লোবল মেন্যুফেকচরিং হব অমা ওইহনবা হায়বসি ভারত মাচা খুদিংমক্কী এসপিরেশন্নি। অমসুং মালেম অসিনা ভারত্তগী মসিগী এক্সপেক্তেশন অসি থম্মি। ঙসি নখোয়না য়েংবীয়ু, মসিগীদমক্তা লৈবাক অসিদা রিভোল্যুশন অমগুম্না ওইরক্লি। ঙসি লৈবাক অসিদা MSMEশিংদা ফংলিবা সপোর্ত অসিগুম্না হান্নদি ফংলমদে, ঙসি স্রশিংদা প্লগ এন্দ প্লে, ইন্দস্ত্রিয়েল পার্কশিং শেমগৎলক্লি, ইকোনোমিক কোরিদোরশিং শেমগৎলক্লি। ক্রিতিকেল মিনরেলশিংগী প্রোদক্সন হেনগৎহল্লি। ভারত্তা PLI স্কীমশিংনা ফংখিবা মাইপাকপশিং অদু য়াম্না থাগৎনিংঙাই ওই।

মরুপশিং,

মীখা পোন্দুনা মীনাই ওইদুনা লৈত্রিঙৈগী মমাংদা ভারতকী নুংঙাই-য়াইফবগী মরম অসি মঐ-লৌশিংগী ত্রেদিশন অদুনা ওইরম্মি, ঐখোয়গী নোলেজ সিস্তেম অদুনা মরম ওইরগা ওইরম্মি। মসি ভিক্সিত ভারতকীশু য়াম্না মরু ওইবা পিলরশিংগী মনুংদা অমনি। ঐখোয়গী মরক্তগী ভারতপু, স্কিল, নোলেজ, রিসর্চ অমসুং ইনোভেশনগী হব ওইবদা পামদবা কনা য়াওবগে? মরম অদুনা সরকারনা , ইনদ্স্ত্রি অমসুং একাদেমিয়াবু পার্তনর ওইহহল্লগনি। হন্দক্কীচহিগী বজেত্তশু মসিগী মতাংদা য়াম্না কন্না মিৎয়েং চংখি। লুপা করোর লাখ অমগী রিসর্চ ফন্দ অদু মসিগী ৱাখল্লোন অসিনা মরম ওইরগনি। ঙসি লৈবাক অসিনা মপান লমগী তোপ য়ুনিভর্সিতীশিংগী কেম্পস ভারত্তা হাংদোক্নবা ওৎনরি, ঐখোয়গী মিদল ক্লাসগী অঙাংশিংনা মপান লমদা তম্নবা ওৎনবদা শেল য়াম্না তিংঙি, ঐখোয়না মদুগী শেলশিং অদু চংহন্দনবা অমসুং সেবিং তৌবা পাম্মি। নখোয়দা ঐহাক্না খুদম অমা পীজগে। নিংখা তম্লবা মতুং দেকেদ ৭ ফাওবা ভারত্তা  MBBS-MDগী সীত লিশিং 80 ময়া নক্না লৈরম্মি। অসিনা মরম ওইরগা ঐখোয়গী অঙাংশিংনা দোক্তর ওইনবগীদমক্তা মপান লমদা তম্বা চৎপা তারম্মি। হৌখিবা চহি তরা অসিদা লৈবাক অসিদা MBBS-MDগী অনৌবা সীত লাখ অমারোম হেনগৎখি। ঙসি লৈবাক অসিদা MBBS-MDগী সীত লাখ অমগা লিশিং মারিফু হেন্না লৈরে। অমসুং ঐহাক্না হন্দক ওগস্ত ১৫দা লাল কিলাদা লাওথোকখি মদুদি লাক্কদবা মথংগী চহি ৫ অসিদা ভারত্তা মেদিকেল লাইনদা অনৌবা সীত লিশিং ৭৫ অমশু হেনগৎহল্লগনি। ভারতনা মালেম অসিদা হেল্থ অমসুং ৱেলনেসকী য়াম্না মরু ওইবা সেন্তর অমা ওইরকপগী মতম অদু য়াম্না কুইররোই।

মরুপশিং,

ঙসি ভারতনা য়াম্না চাউবা এম্বিশন অমা থম্লি মদুদি লৈবাক অসিবু গওবল ফুদ বাসকেত ওইহন্নবনি। মালেম অসিগী দাইনিং তেবল খুদিংমক্তা মেদ ইন ইন্দিয়া ফুদ প্রোদক্ত অমা নত্রগা অমা লৈহনবা হায়বসি ভারতকী অচেৎপা ফিরেপনি।  মসিগী ফিরেপ অসিবু মাইপাকহন্নবগীদমক্তা ঐখোয়না থবক কয়ামরুম অমা পুন্না তৌমিন্নরি। ঙসি ওর্গানিক ফার্মিং, নেচরেল ফার্মিংদা অখন্নবা মিৎয়েং থম্লি। ঐখোয়গী দেরী প্রোদক্তশিং, ঐখোয়গী সী ফুদ, হায়রিবশিং অসিগী ক্বালিতীদা অকন্নবা মিৎয়েং থম্লি। নখোয়না উরম্লগনি, মালেম পুম্বনা ইন্তর্নেস্নেল মিললেতস বীয়র পাংথোকখি, কনাগী থৌরাংদগী? ভারতকী থৌরাংদগী তৌখি। মালেম অসিদা মিলেতসকী খ্বাইদগী চাউবা প্রোদ্যুসর অদু করম্বা লৈবাক্নো- হিন্দুস্তান নি, অমসুং মিলেতস অসি সুপর ফুদন, মসি মহৌশাগী ওইনশু  য়াম্না ফৈ, খুমাং চাউশিন্নবগীশু য়াম্না ফৈ। ঙসি ভারতনা মালেম অসিগী তোপ ফুদ ব্রেন্দশিংগী মনুং চনবা অসি য়াম্না হারাওই।

মরুপশিং,

ভিক্সিত ভারতকী য়াম্না লিংবা পিলরশিংগী মনুংদা অমা গ্রীন ইনর্জী সেক্তরনা ওইরগনি। নখোয়না G-20দা ভারতকী মাইপাকপা উরম্লগনি। ভারতকী গ্রীন হাইদ্রোজেনগী অনৌবা থৌরাং অদুবু লৈবাক পুম্নমক্না সপোর্ত তৌখি। ভারতনা লেপ্লি মদুদি ২০৩০ ফাওবদা মিলিয়ন তন ৫গী গ্রীন হাইদ্রোজেন পুথোক্নবগি কেপাসিতী দেবেলপ তৌরগনি। ভারতকী পান্দমদি ২০৩০ ফাওবদা গিগাৱাত ৫০০গী রিন্যুৱেবল ইএনর্জী পুথোকপা অসিনি।

মরুপশিং,

হৌখিবা চহিশিংদা তেক্নোলোজীনা ঐখোয়গী শাহৌদা খোংজেল হাপ্পীরি। হৌজিক্তি তেক্নোলোজীগা লোইন-লোইননা তুরিজমশু ভারতকী শাহৌগী অরিবা পিলর অমা ওইরগনি। মালেম পুম্বগী তুরিস্তশিংগীদমক্তা ভারতনা তোপ দেস্তিনেশন ওইহন্নবা ঙসিদি লৈবাক অসিনা কন্না হোৎনরি। ঙসি ভারতনা হিস্তোরিক অমসুং কলচরেল সেন্তরশিং অদুবু চাউথোকহন্দুনা অমসুং পুক্নিং হুনিংঙাই ওইহল্লি। ঐখোয়গী সমুদ্র খোংবানশিং, অপিকপা আইলেন্দশিং অদুবু দেবেলপ তৌখৎলক্লি। অমসুং হৌজিক্কী মত অসি লৈবাক অসিগী তোপ-তোপ্পা কেমপেন অমশু চত্থরি। দেখো অপ্না দেশ, মসিদা মীয়ামগী অপাম্বা হায়সিদা ভারতকী মিয়াম্না পাম্নবাতুরিস্ত দেস্তিনেশনশিংগী লিস্ত শেম্নবগীদমক্তা ভোতিং তৌরি। ভারতকী মীয়াম্না তোপ দেস্তিনেশনশিং ওইনা খল্লবা মফমশিং অদু তুরিস্ত প্লেস ওইনা মিসন মোদতা দেবেলপ তৌরগনি। অমসুং মসিদগী মশিং য়াম্লবা এমপ্লোইমেন্তশু জেনরেত তৌহল্লগনি।

মরুপশিং,

ঙসি ঐখোয়গী লৈবাক অসিনা অহোংবা পুরক্নবা কন্না হোৎনরি। G-20গী প্রেসিদেন্সী মনুংদা ঐখোয়না অফ্রিকাগী মরুপশিংবু মপাঙ্গল কনখৎহন্নবগীদমক্তা মতেং পাংখি। ঐখোয়না গ্লোবল সাউথকী খোলাও লাউখি। হৌজিক্তি ঐখোয়না মরুোইনা গ্লোবল সাউথকী ইনক্লুসিব দেবেলপমেন্ত লৈহনগদবা অদুগুম্বা ৱার্ল্দ ওর্দর অদু পাম্মি। লাক্কদবা মতমশিংদা গওবল সাউথকী লৈবাকশিংদা মালেম অসিগী খ্বাইদগী চাউবা ওইথোকপা য়াবশিং লৈগনি। মীওইবা জাতি পুম্নমক্কী য়াম্না চাউবা শরুক অমা মসিগী লৈবাকশিং অসিদা লৈরি। অমসুং ভারতনা বিস্বাবন্ধুগী ৱাখল্লোনদা হায়রিবা লৈবাকশিং অসিগী খোঞ্জেল ওইরি।

মরুপশিং,

ঙসিগী মালেম অসি দাইনামিক ওই। মরম অদুনা ঐখোয়গী সরকারগী পোলিসীশিং অমসুং স্ত্রেতেজীশিংশু দাইনামিক ওই। মথৌতাবা পুম্নমক্কী য়েংলগা ঐখোয়না থবক পাইখৎলি। ঐখোয়না ঐখোয়গী পোলিসীশিং অদু হৌখ্রবা মতমগী  মতুং ইন্না নত্তনা তুংলমচৎকী য়েংলগা শেম্মি। ঐখোয়গী ফোকস অসি ফ্যুচরদনি। ঐখোয়না তুংলমচত্তা থেংনগদবা শিংনবশিং অমসুং কুদোংচাবশিং অদুগীদমক্তা লৈবাক অসিগী ঙসিবু শেমগৎলি। গ্রীন হাইদ্রোজেনগী মিসনবু ওইরো, ক্বান্তম মিসনবু ওইরো, সেমিকন্দক্তর মিসনবু ওইরো, দীপ ওসিয়ন মিসনবু ওইরো, হায়রিবশিং অসিদা ভারতনা হোজিক কন্না থবক তৌরি।  হৌজিক নখোয়না উরম্লগনি সরকারনা স্পেস তেক্নোলোজীবু পুক্নিং থৌগৎনবগীদমক্তা লুপা করোর ১০০০গী ফন্দ লাউথোকখ্রে। ঙসিগী ভারত অসি খুদোংচাবশিংগী মফম্নি। ঐখোয়না থাজৈ মদুদি ভারতকী ফ্যুচর অসি অসিদগীশু হেন্না ফগৎলগনি।

মরুপশিং,

ঐখোয়না ভারতপু ২০৪৭ ফাওবদা ভিক্সিত ভারত ওইহন্নবগী অচেৎ ফিরেপ লৌখ্রে। ঐহাক্না খঙঙি মদুদি নখৌয়নশু লৈবাক অসিগী খোংচৎ অসিদা নুংঙাইবদা শরুক য়াবা পাম্লি। ভারত্তা অয়াম্বা কমপনী গ্লোবল ব্রেন্দ ওইহনবা পাম্লি, ভারতনা মালেম অসিগী সেক্তর খুদিংমক্তা লুচিংবা অমা ওইহনবা পাম্লি, ঐখোয়না ৱাশক্লি মদুদি নখোয়না ইনোভেত তৌগনি হায়না ৱাশকউ ঐখোয়না মদুবু ফেসিলিতেত তৌগনি। ঐখোয়না ৱাশক্লি মদুদি ঐখোয়না রিফোর্মশিং পুরক্কনি অদুগা নখোয়না পর্ফোর্ম তৌগনি হায়না ৱাশকউ। ঐখোয়না স্তেবল পোলিসী রেজীম লৈহনগনি হায়না ৱাশক্লি, নখোয়না পোজিতিব দিসরপশনশিং পুরক্কনি হায়না ৱাশকউ। ঐখোয়না ৱাশক্লি মদুদি ঐখোয়না হাই গ্রোথতা মিৎয়েং থমগনি, অদুগা নখোয়না হাই ক্বালিতীদা মিৎয়েং থমগনি হায়না ৱাশকউ। য়াম্না চাউনা খনবীয়ু, লৈবাক অসিগী মাইপাক্নবগীদমক্তা ৱারি কয়া অমা পুন্না ইমিন্নসি। ঙসিগী ভারত অসি মালেম অসিদা ওইথোকপা য়াবা কয়া অমগী খ্বাইদগী হেন্না চাউরবা মফম্নি। ঙসিগী ভারত অসি ৱেল্থ ক্রিয়েতরশিংবু ইকাই খুম্নৈ। অরিংবা ভারতনা মীওইবা খুনাই পুম্নমকপু চাউখৎহনবা ঙমগনি। অরিংবা ভারতনা মালেম পুম্বগী নুংঙাই-য়াইফবগী লম্বি শেমগনি। ঐখোয়না ইনোভেশন, ইনক্লুজন অমসুং ইন্তর্নেস্নেল কোওপরেশনগী মন্ত্র অসিবু নিংশিংগদবনি। ঐহাক্না লৈবাক অসিদা লৈরিবা অমসুং লৈবাক অসিগী মপান্দা লৈরিবা ভারতমচাশিংদা হায়রি , ভারতপু সপোর্ত তৌরিবা পুম্নমক্তা হায়রি মদুদি, লাক্লো মসিগী খোংচৎ অসিদা ঐখোয় পুন্না অমত্তা ওইনা চৎমিন্নসি। লাক্লো ভারতপু ভিক্সিত ওইহল্লসি, মরমদি ভারতকী নুংঙাই-য়াইফবদা মালেমগী নুংঙাই-য়াইফবনি। অমসুং ঐহাক্না থাজৈ মদুদি, ঐখোয়না মসিগী পান্দম অসি ফংবা ঙমগনি। অমসুং মসিগী থাজবা অসিগা লোইননা ঐহাক্না নখোয় ময়াম্বু থমোই নুংদগী হন্না-হন্না থাগৎপা ফোংদোকচরি।

থাগৎচরি।

***