7শুবা রাস্ত্রিয় পোশন মাহ অসি ঙসি গুজরাতকী গান্ধিনাগরগী মাহাত্মা মন্দিরদগী হৌদোকখি। লৈবাক শিনথুংনা ন্যুত্রিশনগা মরি লৈনবা এৱেয়রনেস অমসুং ৱেল-বিংবু য়োকখৎপদা মাইপুনবা থৌরম অসি কেন্দ্রগী ৱিমেন অমসুং চাইল্দ দেবেলপমেন্তগী মন্ত্রী, শ্রীমতি অন্নপুর্না দেবি, গুজরাতকী মুখ্য মন্ত্রী, শ্রী ভুপেন্দ্রভাই পতেল, গুজরাত সরকারগী ৱিমেন অমসুং চাইল্দ দেবেলপমেন্তকী মন্ত্রী, শ্রীমতি ভানুবেন বাবারিয়া, ভারত সরকার অমসুং গুজরাত সরকারগী সেনিয়র ওফিসরশিং, অমসুং অতোপ্পা অঙম-অথৌশিংনা শরুক য়াখি।

নুমিৎ অদু অয়ুক্কী পুং 10:00 দগীনা 11:30 ফাওবা “এক পের মা কে নাম”গী মখাদা লৈবাক শিনথুংনা উ থাবগী দ্রাইব অমা চত্থখি। কেন্দ্রগী মন্ত্রীনা গুজরাতকী WCD মন্ত্রী অমসুং সেনিয়র ওফিসরশিংগা লোইননা দ্রাইব অদুবু লুচিংখি অমসুং গান্ধিনাগরদা অঙ্গনৱাদি সেন্তরদা মহৈ পানবা উশিং থাখি, মসিনা ন্যুত্রিশন অমসুং এনভাইরনমেন্তেল সস্তেনেবিলিতীগী য়াম্না মরু ওইবা খুদম-চাংদম অমা ওইখি।

মরু ওইবা থৌরম অদু মাহাত্মা মন্দিরদা পাংথোকখি। কীনোত এদ্রেস অদু অথোইবা মীথুংলেন, গুজরাতকী মুখ্য মন্ত্রীনা পীখি। থৌরম অদুদা ৱা ঙাংলদুনা, শ্রী ভুপেন্দ্র পতেলনা লৈবাক অসিগী চাউখৎ-থৌরাংদা শাহৌ পুরক্নবগীদমক্তা অরিবা অমসুং মশা-মউ ফনা লৈবা তিঞ্জং-কাইজংদবা হ্যুমেন রিসোর্সশিং শেম্বদা ন্যুত্রিশনগী মরু ওইবা অদুগী মতাংদা য়াম্না মরু ওইনা পনখি।

কেন্দ্রগী ৱিমেন অমসুং চাইল্দ দেবেলপমেন্তকী মন্ত্রী, শ্রীমতি অন্নপুর্না দেবীনা ৱা ঙাংবা মতমদা অঙাংশিং অমসুং ইনখৎলক্লিবা নহাশিংগী অফবা হক-শেল লৈহন্নবা অমসুং লাইফসাইকল এপ্রোচতা অখন্নবা মিৎয়েং থমদুনা মালন্যুত্রিশনগা লান্থেংনবগী মতাংদা য়াম্না মরু ওইনা পনখি। মহাক্না য়ুম্বি মরি-অফবা গোবর্নেন্স, কনভর্জেন্স, কেপাসিতী বিল্দিং, কম্যুনিতী পার্তিসিপেশন অমসুং ওনরশিপতা য়াম্না মরু ওইনা পনখি, হায়রিবশিং অসিদা পোশন 2.0গী মাইপাকপা হায়বদু লেপকদৌরিবনি হায়না য়াম্না মরু ওইনা পনখি।

ভারত সরকারগী ৱিমেন অমসুং চাইল্দ দেবেলপমেন্ত মন্ত্রালয়গী সেক্রেতরী, শ্রী অনিল মালিকনশু ওগস্তকী মীফম অদুদা ৱা ঙাংখি অমসুং দাইত দাইভর্সিতী অমসুং নুমিৎ খুদিংগী চারিবা চিঞ্জাক অদুদা লমদম অসিদা মশানা থাজবা মপুং ওইবা মচি লৈবা চিঞ্জাকশিং য়াওহনবগী মরু ওইবা অদুগী মতাংদা ৱা ঙাংখি।

মীরোল্লবী নুপীশিং অমসুং অঙাং খোম পীথক্লিবী মমা ওইবীশিংদা ন্যুত্রি বাস্কেতশিং পীখ্রে অমসুং পোকপা কুইদ্রিবা অঙাংশিংগীদমক্তা অন্নপ্রাশন পাংথোকখি। ভালি দিক্রি য়োজনা, ৱিদো পেন্সন স্কীম, ৱিদো রিমেরিয়েজ এসিস্তেন্স স্কীম অমসুং মহিলা স্বালাম্বন য়োজনানচিংবশিং অসি য়াওনা স্কীম কয়া অমগী মখাদা বেনিফিসরিশিংদা লেংলক্লিবা অঙম-অথৌশিং অদুনা মশা-মশাগী স্কীমগী ফংফম থোকপশিং অদুবু খুৎশিন্নখি।

মরু ওইবা অনৌবা থৌরাং কয়া অমা উৎপা একজিবিশন অমং খুদম ওইনা পোশন ত্রেকর, পোশন ভি পর্হাই ভি অমসুং রাজ্য সরকারনা পাইখৎপা ন্যুত্রিশন অমসুং ৱিমেন সেফতিগা মরি লৈনবা অনৌবা থৌরাংশিং খুদম ওইনা ‘ভাঙ্গি প্রদর্শন’, 181 হেল্পলাইননচিংবা কয়া অমশু মফম অদুদা শিনখি।

ব্রেস্তফীদিং অমসুং কমপ্লিমেন্তরী ফীদিংগুম্বা মরু ওইবা থীমশিং  অসিদা রিজনেল কলচরেল পার্ফোর্মেন্স কয়া অমা পাংথোকখি, মসিনা ন্যুত্রিশনগী মরু ওইবা অদুবু অমুক্কশু হেন্না ফজনা তাকই।

7উবা রাস্ত্রিয়া পোশন মাহ 2024না অনেমিয়া, গ্রোথ মোনিতরিং, কমপ্লিমেন্তরী ফীদিং, পোশন ভি পর্হাই ভি, হেন্না ফবা গোবর্নেন্স তৌনবগী তেক্নোলোজী, অমসুং এক পের মা কে নামদা অখন্নবা মিৎয়েং থমগনি।

প্রধান মন্ত্রীগী ‘সুপোশিত ভারত’ অমগী মঙলান অদুবু মাং লোমদা পুখৎনবা, কেন্দ্রগী মন্ত্রীনা হায়খি “পোশন মাহ অসি লৈবাক পুম্বগী ওইবা কুম্মৈ অমা ওইরক্লি অমসুং জন অন্দোলনগী শক্তম অমা ওইনা ওইরক্লি। ৱিমেন অমসুং চাইল্দ দেবেলপমেন্তকী মন্ত্রালয়না মিসন পোশন 2.0গী খুত্থাংদা লৈবাক শিনথুংনা অঙাংশিং, ইনখৎলক্লিবা নুপীমচাশিং, মীরোল্লবী নুপীশিং অমসুং অঙাং খোম পীথক্লিবা মমা ওইবীশিংগী মরক্তা মালন্যুত্রিশন থোকহন্দনবা অচেৎপা ফিরেপ লৌরি”। থা অমা লিশাং-শিৎনা পাংথোকপা কেমপেন অসিনা লৈবাক শিনথুংনা মালন্যুত্রিশনগা মায়োক্ননবা অমসুং ময়াম পুন্না হকচাং ফনা য়াইফনা লৈববু প্রোমোত তৌনবা হোৎনরিবশিং অসিবু হেন্না কনশিলহন্নবা পান্দম থম্লি।

****