প্রধানমন্ত্রীগী লোইশঙ
প্রধান মন্ত্রীনা ভীদিও কনফরেন্সিংগী খুত্থাংদা বন্দে ভারত ত্রেন অহুম লমথাখ্রে
“লৈবাক অসিদা বন্দে ভারত ত্রেনশিংগী মোদর্নাইজেশন তৌবা অমসুং মশিং হেনগৎলকপা অসিগা লোইননা লৈবাক অসিনা ভিক্সিত ভারতকী পান্দম অদুগী মাইকৈ তম্না খোং থাংজিল্লি”
“খা ভারতকী রাজ্যশিংনা খোংজেল য়াংনা চাউখৎলকপা অসিনা ভিক্সিত ভারতকী পান্দম অদু শোইদনা মাইপাকহল্লগনি”
“নেস্নেল কেপিতল রিজন (NCR) অসি অনৌবা ত্রেনশিং, এক্সপ্রেসৱেশিংগী নেতৱার্ক অমসুং এয়র সর্বিসশিংনা পাকথোক-চাউথোরকপগা লোইননা লৈবাক অসিগী ইনফ্রাস্ত্রকচরদা অহোংবা অমা পুরক্নবা PM গতিশক্তিগী ভিজন অদুগী খুদম অমা ওইরক্লি”
“বন্দে ভারত অসি ভারতকী রেলৱেজকী মোদর্নাইজেশনগী অনৌবা শক্লোন অমনি”
Posted On:
31 AUG 2024 1:53PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভীদিও কনফরেন্সিংগী খুত্থাংদা বন্দে ভারত ত্রেন অহুম লমথাখ্রে। প্রধান মন্ত্রীগী ‘মেক ইন ইন্দিয়া’ অমসুং আত্মানির্ভর ভারতকী মঙলান অদুবু মঙফাওনহল্লদুনা, মতম অসিগী খ্বাইদগী নৌবা বন্দে ভারত এক্সপ্রেস অসিনা রুত অহুম: মীরুত-লখনৌ, মদুরাই-বেঙ্গলুরু, অমসুং চেন্নাই-নাগরকোইলদা কনেক্তিবিতী ফগৎহল্লগনি।
থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি ঙসি মদুরাই-বেঙ্গলুরু, চেন্নাই-নাগরকোইল অমসুং মীরুত-লখনৌ বন্দে ভারত ত্রেন্সশিং লমথাখিবগা লোইননা অৱাংদগী খাদা ভারতকী চাউখৎ-খোংথাংগী খোংচত্তা অনৌবা পন্দুপ অমা ইখ্রে।প্রধান মন্ত্রীনা লৈবাক অসিদা বন্দে ভারত ত্রেনশিংগী মোদর্নাইজেশন তৌবা অমসুং মশিং হেনগৎলকপা অসিগা লোইননা লৈবাক অসিনা ভিক্সিত ভারতকী পান্দম অদুগী মাইকৈ তম্না খোং থাংজিল্লি হায়না হায়খি। ঙসি লমথাখিবা অনৌবা বন্দে ভারত ত্রেন অহুম অদুবু পল্লদুনা, প্রধান মন্ত্রী হায়খি মদুদি মসিনা লৈবাক অসিদা লৈরিবা মরু ওইবা সিতীশিংগা লোইন-লোইননা পুৱারি ওইরবা তাউনশিংগা শম্নহল্লে। “তেমপ্ল সিতী মদুরাই অসি হৌজিক্তি IT সিতী বেঙ্গলুরুগা শম্নরে”, PM মোদীনা হায়খি মদুদি মসিনা মরু ওইনা ৱিকেন্দশিং অমসুং হরাও-কুম্হৈগী মতমদা কনেক্তিবিতীদা কোমথোকহনবদা নত্তনা লাই খুরুম্বা লাক্লিবশিংগীদমক্তশু য়াম্না কান্নহল্লগনি। চেন্নাই-নাগরকোইল রুত অসিনা মহৈরোইশিং, লৌমীশিং, IT প্রোফেস্নেলশিংদা য়াম্না চাউনা কান্নহল্লগনি। শ্রী মোদীনা বন্দে ভারত ত্রেনশিংনা য়ৌবা মফমশিংগী তুরিজম চাউখৎলগনি হায়না পনখি অমসুং হায়খি মদুদি মসিনা লমদম অসিদা লাল্লোন-ইতিক চাউখৎহনবা অমসুং থবক্কী খুদোংচাবশিং হেনগৎলকপগী খুদম্নি। মহাক্না প্রজা মীয়ামদা অনৌবা বন্দে ভারত ত্রেন অহুম অসিগীদমক্তা নুংঙাইবা ফোংদোকখি।
প্রধান মন্ত্রীনা খা ভারতকী রাজ্যশিংনা খোংজেল য়াংনা চাউখৎলকপা অসিনা ভিক্সিত ভারতকী পান্দম অদু শোইদনা মাইপাকহল্লগনি হায়না পনখি। “খা ভারত অসি তেলেন্ত, রিসোর্স অমসুং খুদোংচাবশিং য়াম্না মরাং কাইনা লৈবা লমনি”, হায়না PM মোদীনা হায়খি, লোইননা মহাক্না হায়খি মদুদি তামিল নাদুগা লোইননা খা ভারত পুম্ববু চাউখৎহনবা হায়বসি সরকারগী খ্বাইদগী মরু ওইবনি। মহাক্না হায়খি মদুদি রেলৱেজকী চাউখৎ-থৌরাংগী খোংচৎ অসিনা সরকারগী ফিরেপ অদুগী খুদম্নি। মহাক্না খঙহল্লকখি মদুদিহন্দক্কী চহিদা তামিল নাদুগী রেল বজেতকীদমক্তা লুপা করোর 6000 হেন্না কাইথোকখ্রে, হায়রিবা অসি 2014দগী শরুক 7 হেন্না হেল্লি। মহাক্না মখাতানা হায়খি মদুদি তামিল নাদুদা বন্দে ভারত ত্রেনশিংগী অপুনবা মশিং অদু ঙসিগী মতুংদগীদি মশিং 8 ফাওবা য়ৌরগনি। অসিগা চপ মান্ননা, হন্দক্কী বজেত অসিদা কর্নাতকাগীদমক্তা লুপা করোর 7000 হেনবা বজেত অমা কাইথোকখ্রে, হায়রিবা অসি 2014দগী শরুক 9 হেন্না হেল্লি। ঙসি কর্নাতকা অসি বন্দে ভারত ত্রেন 8না শম্নহল্লি হায়না মহাক্না মখা তারকখি।
প্রধান মন্ত্রীনা মমাংগী বজেতশিংগা চাংদম্নখ অমসুং হায়খি মদুদি শরুক কয়া থোক্না হেনগৎলকপা অসিনা তামিল নাদু অমসুং কর্নাতকা য়াওনা খা ভারতকী রাজ্যশিংদা রেল ত্রাফিকপু মখাতানা অমুক্কশু হেন্না কনখৎহল্লে। মহাক্না হায়খি মদুদি রেলৱে ত্রেকশিং ফগৎহল্লে, রেলৱে ত্রেকশিংগী ইলেক্ত্রিফিকেশনগী থবক পাইখৎলি, অমসুং রেলৱে স্তেশনশিং মোদর্নাইজ তৌরি। মহাক্না মখা তারকখি মদুদি মসিনা মীয়ামগী িজ ওফ লিবিং হেনগৎহল্লে অমসুং ইজ ওফ দুইং বিজনেসকী লম্বিশু য়াৎলরে।
মীরুত-লখনৌ রুত্তা অনৌবা বন্দে ভারত ত্রেন হৌদোকপা অসিবু পল্লদুনা, শ্রী মোদীনা মসিগীদমক্তা শ্রী মোদীনা নোংচুপ থংবা উত্তর প্রদেশকি মীয়ামদা নুংঙাইবা ফোংদোকখি। মহাক্না মখা তাখি মদুদি মীরুত অমসুং নোংচুপ উত্তর প্রদেশকী লম অসি অহোংবা পুরকখিবা লম অসি ঙসিদ চাউখৎ-থৌরাংগী ওইবা অহোংবা অমা উবা ফংলে। প্রধান মন্ত্রীনা হায়খি মদুদি RRTSনা মীরুতপু লৈবাক অসিগী কোনুং নই দিল্লীগা শম্নহনবদা মতেং পাংখি অদুবু হৌজিক্তি বন্দে ভারত হৌদোকপদগী রাজ্য অসিগী কোনুং লখনৌ ফাওবগী অরাপ্পা অদুশু হন্থরে। “নেস্নেল কেপিতল রিজন (NCR) অসি অনৌবা ত্রেনশিং, এক্সপ্রেসৱেশিংগী নেতৱার্ক অমসুং এয়র সর্বিসশিংনা পাকথোক-চাউথোরকপগা লোইননা লৈবাক অসিগী ইনফ্রাস্ত্রকচরদা অহোংবা অমা পুরক্নবা PM গতিশক্তিগী ভিজন অদুগী খুদম অমা ওইরক্লি”, হায়না শ্রী মোদীনা হায়খি।
“বন্দে ভারত অসি ভারতকী রেলৱেজকী মোদর্নাইজেশনগী অনৌবা শক্লোন অমনি”, হায়না PM মোদীনা হায়খি। মহাক্না সহর খুদিং অমসুং রুত খুদিং বন্দে ভারতকীদমক্তা দিমান্দ তৌখি অমসুং হায়খি মদুদি হাই-স্পীদ ত্রেনশিং অসি লাকপদগী মীয়ামদা মখোয়গী বিজনেস অমসুং থবক অমসুং মখোয়গী মঙলানশিং অদুবুশু চাউথোক্নিংবগী থাজবা অমা ফাওহল্লে। মহাক্না খঙহল্লকখি, “ঙসি, লৈবাক শিনবা থুংনা বন্দে ভারত রেল সর্বিস 102 মথৌ তৌরি অমসুং হৌজিক ফাওবদা মসিগী ত্রেনশিং অসিদা মী করোর 3 হেন্না তোংদুনা চৎখ্রে”। মসিগী মশিং অসি বন্দে ভারত ত্রেনশিংগী মাইপাকপগী খুদম খক্তা নত্তা মসি ভারতনা নিংজবা অমসুং মঙলান অদুগী খুদম অমশুনি।
প্রধান মন্ত্রীনা অনৌবা রেল ইনফ্রাস্ত্রকচর অসি বিক্সিত ভারতকী মঙলান অদুগী য়াম্না লিংবা য়ুম্বি অমশু ওইরিবনি হায়না মহাক্না পনখি। সেক্তর অসিদা খোংজেল য়াংনাখুমাং চাউশিল্লক্লিবা অসিবু পল্লদুনা, প্রধান মন্ত্রীনা রেল লাইনশিংগী দব্লিং অমসুং ইলেক্ত্রিফিকেশন, অনৌবা ত্রেনশিংচেনবা অমসুং অনৌবা রুতশিং শেম্বা অসিগী মতাংদা পনখি। মহাক্না খঙহল্লকখি মদুদি হন্দক্কী চহি অসিগী বজেত্তা রেলৱেজতা লুপা করোর লাখ 2.5 কাইথোকখ্রে অমসুং সরকারনা হান্নগী অরিবা শক্তম অদুবু হোংদোক্নবা ভারতকী রেলৱেজপু হাই-তেক সর্বিসশিংগা কনেক্ত তৌরগনি। এক্সপান্সন প্লানশিং অদুগী মতাংদা ঙাংলদুনা, প্রধান মন্ত্রীনা হায়খি মদুদি বন্দে ভারত ত্রেনশিংগা লোইননা অমৃত ভারত ত্রেনশিংশু মশিং হেনগৎহল্লগনি। মহাক্না মখাতানা হায়রকখি মদুদি বন্দে ভারতকী স্লীপর ভর্সন অদু য়াম্না থুনা লমথারগনি। মহাক্না মীয়ামগী খুদোংচানবগীদমক্তা নামো ভারত ত্রেনশিং চেনবগী মতাংদশু পনখি অমসুং সহরশিংগী মনুংদা ত্রাফিক চিনবা অসিবু কোক্ননবা বন্দে মেত্রোশু অথুবদা হৌরগনি।
প্রধান মন্ত্রীনা হায়খি মদুদি ভারতকি সহরশিং অসি মখোয়গী রেলৱে স্তেসনশিং অদুনা মতম চুপ্পদা মশক তাক্তুনা লাক্লি। মহাক্না মখাতানা হায়খি মদুদি অমৃত ভারত স্তেসন য়োজনা অসিনা সহর অদুদা অনৌবা মশক অমা পীরদুনা রেলৱে স্তেসন অদুদা অহোংবা কয়া পুরক্লগনি। শ্রী মোদীনা হায়খি, “লৈবাক অসিদা রেলৱে স্তেসন 1300 হেন্না নৌহৌননা শেমজিনখ্রে, মসিদা খরা অমদি এয়রপোর্তগুম্না শেমজিনখ্রে”। মহাক্না মখাতানা হায়রকখি মদুদি খ্বাইদগী অপিকপা স্তেসন ফাওবা মতম অসিগী খ্বাইদগী নৌবা ফেসিলিতীশিংগা লোইননা শেমগৎলি, মসিনাইজ ওফ ত্রাভেল হেনগৎহল্লগনি।
“রেলৱেজ, রোদৱেজ অমসুং ৱাতরৱেজগুম্বা কনেক্তিবিতী ইনফ্রাস্ত্রকচর মপাঙ্গল কনখৎহনবা মতমদা লৈবাক অদুশু মপাঙ্গল কনখৎকনি”, হায়না প্রধান মন্ত্রীনা হায়খি, মহাক্না মখা তাখি মদুদি মসিনা লাইরবা ওইগেরা নত্রগা মিদল ক্লাস ওইগেরা, লৈবাক অসিগী প্রজাশিংদা কান্নহল্লি। মহাক্না পনখি মদুদি ঙসিদি লৈবাক অসিনা অনৌবা মতম অসিগী ইনফ্রাস্ত্রকচর শেমগৎ-শাগৎলকপগা লোইননা লাইরবশিং অমসুং মিদল ক্লাস অসি মপাঙ্গল কনখৎহল্লে। মহাক্না ইনফ্রাস্ত্রকচর চাউখৎলকপনা মরম ওইরগা খুঙ্গংশিংদা থবক্কী খুদোংচাবশিং অমসুং অনৌবা খুদোংচাবশিং ফংবা হেনগৎলকপা অসিনা খুদম্নি হায়না হায়খি। প্রধা মন্ত্রী মোদীনা খুঙ্গংশিংদা অনৌবা ঔইথোকপা য়াবা খুদোংচাবা কয়া অমা থোরক্লিবসি অহোংবা দেতা অমসুং দিজিতেল ইনফ্রাস্তরকচরগী মপালননি হায়নসু হায়খি। “মশিং য়াম্লবা হোসপিতলশিং, তোইলেতশিং অমসুং পক্কাগী য়ুমশিং শারবদা, খ্বাইদগী হেন্না লাইরবশিংগী মরক্তা লাইরবশিং অদুশু লৈবাক অসিগী চাউখৎ-থৌরাংগী কান্নবা অদু ফংঙি। কোলেজশিং, য়ুনিভর্সিতীশিং অমসুং ইন্দস্ত্রী চাউখৎলকপা মতমদা, মসিনা নহাশিংনা খুমাং চাউশিনবগী ওইথোকপা অদুবুশু হেনগৎহল্লি”, হায়না প্রধান মন্ত্রীনা হায়খি। মহাক্না মখাতানা হায়রকখি মদুদি অসিগুম্বা থবকশিং অসিনা মরম ওইরগা হৌখিবা চহি 10 অসিদা মী করোর 25 লাইর-অনংদগী কোকখ্রে।
অরোইবদা, প্রধান মন্ত্রীনা হায়খি মদুদি রেলৱেজনা চহি কয়া অসিদা দেকেদ কয়াদগী মায়োক্নরক্লিবা খুদোংচাদবশিং অদুবু কোকহন্নবা আশাদা থবক খন্না তৌদুনা লাকখি। মসিগী মাইকৈদা ভারতনা চৎকদবা খোংচৎ অসি য়াম্না শাংঙি হায়বা খঙই অমসুং লাইরবা ওইগেরা নত্রগা মিদল ক্লাস ওইগেরা মীপুম খুদিংমক্কীদমক্তা ভারতকী রেলৱেজনা য়াম্না নুংঙাইবা খোংচৎ অমা শোইদনা ফংহন্দ্রবফাওবা লৈপ্লোই হায়না ৱাশকখি। মহাক্না থাজবা ফোংদোকখি মদুদি লৈবাক অসিদা ইনফ্রাস্ত্রকচর চাউখৎপনা লাইর-অনং কোকহনবদা য়াম্না চাউবা থৌদাং অমা লৌরগনি। “ঐহাক্না অমুক্কশু হন্না তামিল নাদু, কর্নাতকা অমসুং উত্তর প্রদেশকী প্রজা মীয়ামদা অনৌবা বন্দে ভারত ত্রেন অহুম অসিগীদমক্তা নুংঙাইবা ফোংদোক্লি”, হায়না হায়রগা শ্রী মোদীনা লোইশিনখি।
রেলৱেজকী কেন্দ্র মন্ত্রী, শ্রী অশ্বিনি বৈশ্নৱ, উত্তর প্রদেশকী গোবর্নর, শ্রীমতি আন্দি বেন পতেল, তামিল নাদুগী গোবর্নর, শ্রী R N রবি অমসুং উত্তর প্রদেশকী মুখ্য মন্ত্রী, শ্রী য়োগী আদিত্যনাথনা থৌরম অদুদা ভর্চুৱল ওইনা অতোপ্পা কয়া অমাগা লোইননা শরুক য়াখি।
বেকগ্রাউন্দ
মীরুত সিতী-লখনৌ বন্দে ভারতনা সহর অনি অসিগী মরক্তা চেল্লিবা হৌজিক্কী ওইনা খ্বাইদগী য়াংবা ত্রেন অদুগা চাংদম্নবদা পুং 1 ময়া নক্না কনবদা পেসেঞ্জরশিংগী মতেং পাংগনি। অসিগুম্না চেন্নাই এগমোর-নাগরকোইল বন্দে ভারত অমসুং মদুরাই-বেঙ্গলুরু বন্দে ভারত ত্রেনশিংনা মখোয়গী খোংচৎশিং অদুদা মথংশিৎনা পুং 2 অমসুং পুং 1গা মিনত 30 হন্থহল্লগনি।
মসিগী অনৌবা বন্দে ভারত ত্রেনশিং অসিনা লমদম অসিগী মীয়ামদা খোংজেল য়াংনা অমসুং য়াম্না নুংঙাইনা চৎনবগী মালেম অসিগী থাক্তা লৈবা পাম্বৈশিং পীরগনি অমসুং মসিনা রাজ্য অহুম- উত্তর প্রদেশ, তামিল নাদু, অমসুং কর্নাতকাদা চেনগনি। বন্দে ভারত ত্রেনশিং অসি হৌদোরকপনা তোইনা চৎপা মীশিং, প্রফেস্নেলশিং, বিজনেস অমসুং মহৈরোইশিংগী কম্যুনিতীশিংদা খ্বাইদগী হেন্না ফবা মওংদা মখোয়না তঙাইফদনা মথৌতাবা রেল সর্বিসশিং অদু পীনবগী অনৌবা থাক অমগী খুদম অমা ওইনা মশক তাক্লগনি।
***
(Release ID: 2050420)
Visitor Counter : 20