وزیراعظم کا دفتر
وزیر اعظم 31 اگست کو تین وندے بھارت ٹرینوں کو ہری جھنڈی دکھا کر روانہ کریں گے
یہ ٹرینیں اتر پردیش، تمل ناڈو اور کرناٹک میں رابطے کو فروغ دیں گی
نئی وندے بھارت ٹرینیں مسافروں کو عالمی معیار کا تجربہ فراہم کریں گی، سفر کے وقت کو کم کریں گی اور سیاحت کو فروغ دیں گی
Posted On:
30 AUG 2024 2:59PM by PIB Delhi
وزیر اعظم جناب نریندر مودی ویڈیو کانفرنسنگ کے ذریعے 31 اگست 2024 کو دوپہر 12:30 بجے تین وندے بھارت ٹرینوں کو ہری جھنڈی دکھا کر روانہ کریں گے۔ 'میک ان انڈیا' اور آتم نر بھر بھارت کے وزیر اعظم کے وژن کو عملی جامہ پہناتے ہوئے، جدید ترین وندے بھارت ایکسپریس تین راستوں: میرٹھ - لکھنؤ؛ مدورئی - بنگلورو اور چنئی - ناگرکوئل پر رابطے کو بہتر بنائے گی۔
میرٹھ سٹی - لکھنؤ وندے بھارت مسافروں کو دونوں شہروں کے درمیان موجودہ تیز ترین ٹرین کے مقابلے میں تقریباً 1 گھنٹہ بچانے میں مدد کرے گی۔ اسی طرح، چنئی ایگمور – ناگرکوئل وندے بھارت اور مدورئی – بنگلورو وندے بھارت ٹرینیں بالترتیب 2 گھنٹے سے زیادہ اور تقریباً 1 گھنٹہ 30 منٹ کی بچت کریں گی۔
یہ نئی وندے بھارت ٹرینیں خطے کے لوگوں کو رفتار اور آرام کے ساتھ سفر کرنے کے لیے عالمی معیار کا ذریعہ فراہم کریں گی اور یہ تین ریاستوں - اتر پردیش، تمل ناڈو اور کرناٹک کی ضروریات کو پورا کریں گی۔ ان وندے بھارت ایکسپریس ٹرینوں کا تعارف باقاعدہ مسافروں، پیشہ ور افراد، کاروباری اور طلباء برادری کی ضرورتوں کو پورا کرنے کے لیے ریل سروس کے ایک نئے معیار کا آغاز کرے گا۔
ش ح۔ا ک ۔ رب
U:10349
(Release ID: 2050078)
Visitor Counter : 20
Read this release in:
Odia
,
Tamil
,
Assamese
,
English
,
Manipuri
,
Marathi
,
Hindi
,
Hindi_MP
,
Bengali
,
Bengali-TR
,
Punjabi
,
Gujarati
,
Telugu
,
Kannada
,
Malayalam