দিপার্তমেন্ত ওফ পোস্তনা শগোলশেল নুমিত্তা, লৈবাক পুম্বদা লৈরিবা পোস্তেল সর্কলশিং শিন-থুংনা শান্ন-খোৎনবগী থৌরম কয়া পাঙথোক্তুনা, অমত্তা ওইনা নেস্নেল স্পোর্তস দে পাঙথোকখ্রে‍। শিন্মীশিংনা ভোলিবোল, কেরোম, চেস অমসুং নুংঙাইবনা থল্লবা থৌরি চিংনবী অমসুং প্লেঙ্ক কন্তেস্ত য়াওনা মখল মখা কয়াগী মপানগী অমসুং মনুংগী মশান্না কয়াদা শরুক য়াখি‍। থৌরমশিং অসিনা অকন্বা শান্ন-খোৎনবা অমসুং মশা মউ ফবগী চৎনবী অমা য়োকখৎনবগীদমক দিপার্তমেন্তনা লেপ্লিবা খোঙফম উত্তুনা তোৎন-তিন্নবা, তীমৱর্ক অমসুং পুম্নমক কোনশিন্বগী ৱাখল্লোন পুরক্নবা পান্দম থমখি‍।

ফিত ইন্দিয়া মুভমেন্তকী পরিংদা, লৈবাক শিন্বা থুংনা; পোস্তেল এমপ্লোয়ীশিংনা ফিত ইন্দিয়া প্লেদ্জ লৌদুনা হকচাঙ ফবা অমসুং পাঙ্গল ফুদোকপা থবক থৌওংশিংদা মখোয়না থম্লিবা মীৎয়েঙবু তাকখি‍। থৌরাং অসি দিপার্তমেন্ত অসিগী শিন্মীশিংগী মরক্তা মশা মউ ফবা পুন্সি মহিং অমা পুক্নিং থৌগৎনবা হোৎনরিবা থৌওংগী শরুক অমনি‍।

দিপার্তমেন্ত ওফ পোস্তকী শান্ন-খোৎনববু শৌগৎপা অমসুং লৈবাক্কী অমসুং মালেমগী থাক্কী তুর্নামেন্তশিংদা শরুক য়াবদা শৌগৎপগী মতম কুইরবা মচৎ অমা লৈরি‍।

মাগী রেঙ্ক মনুংদা শান্ন-খোৎনববু শৌগৎপগী মথক্তা, দিপার্তমেন্ত ওফ পোস্তনা ফাইলেতলীগী খুত্থাঙদা ভারতকী শান্ন-খোৎনবগী হেরিতেজপু সেলেব্রেত তৌবদা মরুওইবা থৌদাং য়াদুনা লাক্লি‍। দিপার্তমেন্ত অসিনা ওলিম্পিক গেম্স, কম্মনৱেল্থ গেম্স, অমসুং মশক মমিং নাইরবা শান্নরোয়শিং অসিনচিংবা থীমশিংদা মশিং থিঙমদ্রবা নিংশিং স্তাম্পশিং ইসু  তৌদুনা লৈবাক্কী শান্নরোয়শিংবু মখা তানা পুক্নিং থৌগৎলি‍।

দিপার্তমেন্ত ওফ পোস্তনা নেস্নেল স্পোর্তস দে ২০২৪দা শরুক য়াখিবা অমসুং মসিবু মায় পাকহনখিবা মাগী এমপ্লোয়ী পুম্নমক্কী মফমদা পুকচেল শেংনা তৌবিমল খঙবা উৎলক্লি‍।

***