ভারত অমসুং মলেসিয়াগী মরক্তা অচেৎপা রাজনিতীগী, শেন্মিৎলোনগী অমসুং সোসিও-কলচরেলগী ওইবা মরী লৈনৈ‍। মরী অসিবু হেন্না চেৎশিলহন্নবগীদমক, ভারত অমসুং মলেসিয়ানা তুরিজমগী লমদা তেংবাংনবা হেনগৎহন্নবগীদমক ভারত লৈঙাক্কী তুরিজম মন্ত্রালয় অমসুং মলেসিয়া লৈঙাক্কী তুরিজম, আর্তস অমসুং কলচর মন্ত্রালয় অনিগী মরক্তা মেমোরেন্দম ওফ অন্দরস্তেন্দিং (MoU) অমা খুৎয়েক পীনখ্রে‍।

MoU অসিভারতকী তুরিজম অমসুং কলচর মন্ত্রী শ্রী গজেন্দ্র সিংহ সেখাৱত অমসুং মলেসিয়াগী তুরিজম, আর্তস অমসুং কলচরগী মন্ত্রী মিস্তর ৱাই বি দাতো স্রি তিওং কিং সিং অনিনা ওগস্ত ২০, ২০২৪দা খুৎয়েক পীনখিবনি‍।

মেমোরেন্দম ওফ অন্দরস্তেন্দিং অসিগী মরুওইবা পান্দমদি:

১. 

ক.       তুরিজমগী পোত্থোকশিং অমসুং সর্ভিসশিং য়োকখৎপা অমসুং মার্কেতিং;

খ.       এক্সচেঞ্জ প্রোগ্রাম য়াওনা তুরিজম রিছর্চ, ত্রেনিং অমসুং দিভেলপমেন্তকী লমদা পাকথোক চাউথোকহন্বা;

গ.       তুরিজম ইনফ্রাস্ত্রকচর, ফেসিলিতীশিং, পোত্থোক অমসুং সর্ভিসকী লমদা শেল থাদবদা পুক্নিং থৌগৎপা;

ঘ.       মেদিকেল তুরিজমগী লমদা ইনফোর্মেসন পীথোক পীশিন তৌনবা অমসুং পোত্থোকশিং য়োকখৎনবা স্তেকহোল্দরশিং পুক্নিং থৌগৎপা;

ঙ.       মীফম, ইন্সেন্তিব, কন্ফরেন্স, এগজিবিসন (MICE) য়াওবা বিজিনেস তুরিজম;

চ.       তুরিজম স্তেকহোল্দরশিং, তুর ওপরেতরশিং অমসুং ত্রাভেল এজেন্তশিংগী মরক্তা তেংবাংনবা হেনগৎহন্বা;

ছ.       কম্ম্যুনিতী-বেজ তুরিজম অমসুং ইকো-তুরিজম অমসুং থৌদাং চাউবা তুরিজম য়োকখৎপা অমসুং শেমগৎপা‍।

মলেসিয়া অসি ভারতকী ওইনা লমদমসিদা চঙলকপা মরুওইবা তুরিস্ত সোর্স কৈথেল অমনি‍। ইং ২০২২দা, মলেসিয়ন লমকোয়বা মীওই লাখ ২.৫ হেন্না ভারত্তা লাকখি‍। মেমোরেন্দম ওফ অন্দরস্তেন্দিং অসিনা মলেসিয়াদগী লমকোয়বা মীওইশিং লাকপগী চাং মখা তানা হেনগৎহনগনি হায়না থাজবা থম্লি‍।

***