ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜାତୀୟ କ୍ରୀଡା ଦିବସରେ ମେଜର ଧ୍ୟାନଚାନ୍ଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
Posted On:
29 AUG 2024 10:25AM by PIB Bhubaneshwar
ଜାତୀୟ କ୍ରୀଡା ଦିବସ ଅବସରରେ ନାଗରିକମାନଙ୍କୁ ଅଭିବାଦନ ଜଣାଇ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କିମ୍ବଦନ୍ତୀ ହକି ଖେଳାଳି ମେଜର ଧ୍ୟାନ ଚାନ୍ଦଙ୍କୁ ହୃଦୟରୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ପ୍ରଧାନମନ୍ତ୍ରୀ ଆଜି ତାଙ୍କ ଟ୍ୱିଟ୍ରେ ଯେଉଁମାନେ କ୍ରୀଡାରେ ଉତ୍ସାହର ସହ ଯୋଗଦାନ କରିଛନ୍ତି ଏବଂ ବିଶ୍ୱ ସ୍ତରରେ ଗର୍ବର ସହ ଭାରତର ପ୍ରତିନିଧିତ୍ୱ କରୁଛନ୍ତି ସେମାନଙ୍କୁ ଚିହ୍ନଟ କରିବା ଉପରେ ଗୁରୁତ୍ୱାରୋପ କରିଛନ୍ତି ।
ଶ୍ରୀ ମୋଦୀ ଏକ ଇକୋସିଷ୍ଟମ ସୃଷ୍ଟି କରିବା ପାଇଁ ପ୍ରତ୍ୟେକ ସ୍ତରରେ କ୍ରୀଡାକୁ ସମର୍ଥନ କରିବା ଦିଗରେ ସରକାରଙ୍କ ପ୍ରତିବଦ୍ଧତାକୁ ନିଶ୍ଚିତ କରିଛନ୍ତି, ଯେଉଁଠାରେ ପ୍ରତ୍ୟେକ ଯୁବ ଭାରତୀୟ ଖେଳିବାକୁ ଏବଂ ନିଜର ଭବିଷ୍ୟତ ଉଜ୍ଜ୍ୱଳ କରିବାର ଆଶା ରଖିପାରିବେ ।
ଏକ୍ସରେ ଏକ ପୋଷ୍ଟ ଶ୍ରୀ ମୋଦୀ ଲେଖିଛନ୍ତି;
“ଜାତୀୟ କ୍ରୀଡା ଦିବସର ଶୁଭେଚ୍ଛା । ଆଜି ଆମେ ମେଜର ଧ୍ୟାନ ଚାନ୍ଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛୁ । କ୍ରୀଡା ପ୍ରତି ଉତ୍ସାହୀ ଥିବା ସମସ୍ତ ଯୁବପିଢୀ ଏବଂ ଯେଉଁମାନେ ଭାରତ ପାଇଁ ଖେଳିଛନ୍ତି ସେମାନଙ୍କୁ ପ୍ରଶଂସା କରିବାର ଏହା ଏକ ସୁଯୋଗ । କ୍ରୀଡାକୁ ସମର୍ଥନ କରିବା ଏବଂ ଅଧିକ ଯୁବପିଢୀ କିପରି ଖେଳିବାକୁ ସୁଯୋଗ ପାଇବା ସହ ନିଜର ଭବିଷ୍ୟତ ଉଜ୍ଜ୍ୱଳ କରିବାରେ ସକ୍ଷମ ହେବେ ତାହା ନିଶ୍ଚିତ କରିବା ପାଇଁ ଆମ ସରକାର ପ୍ରତିବଦ୍ଧ ।”
SR
(Release ID: 2049696)
Visitor Counter : 15
Read this release in:
Telugu
,
English
,
Urdu
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam