రిలయన్స్ ఇండస్ట్రీస్ లిమిటెడ్ (ఆర్ఐఎల్), వయకామ్ 18 మీడియా ప్రైవేట్ లిమిటెడ్ (వయకామ్ 18), డిజిటల్ 18 మీడియా లిమిటెడ్, స్టార్ ఇండియా ప్రైవేట్ లిమిటెడ్ (ఎస్ఐపిఎల్), స్టార్ టెలివిజన్ ప్రొడక్షన్స్ లిమిటెడ్ (ఎస్ టి పి ఎల్) లతో కూడిన ప్రతిపాదిత కలయికను స్వచ్ఛంద మార్పులకు లోబడి  ఉండేలా కాంపిటీషన్ కమిషన్ ఆఫ్ ఇండియా (సిసిఐ) ఆమోదించింది.

రిలయన్స్ ఇండస్ట్రీస్ లిమిటెడ్(ఆర్ఐఎల్) గ్రూప్‌ లో భాగమైన  వయకాం 18 ,  వాల్ డిస్నీ కంపెనీ (టీడబ్ల్యూబీసీ)  పూర్తి అధీనం లో ఉన్న ఎస్ఐపిఎల్  వంటి సంస్థల వినోద వ్యాపారాలను ( గుర్తించిన కొన్ని ఇతర వ్యాపారాలు సహా) కలపడం ప్రతిపాదిత కలయిక  ఉద్దేశం. ఈ ఒప్పందం ఫలితంగా, ప్రస్తుతం తన అనుబంధ విభాగాల ద్వారా టీడబ్ల్యూబీసీ పూర్తి యాజమాన్యంలో ఉన్న ఎస్ఐపీఎల్- ఆర్ఐఎల్, వయకామ్ 18 , ప్రస్తుత టీడబ్ల్యూబీసీ అనుబంధ సంస్థలు సంయుక్తంగా నిర్వహించే జాయింట్ వెంచర్ (జెవి) గా మారతాయి.

ఆర్ఐఎల్ ప్రత్యక్షంగా లేదా పరోక్షంగా చమురు , ఖనిజ వాయువు అన్వేషణ , ఉత్పత్తి;  పెట్రోలియం శుద్ధి , మార్కెటింగ్; పెట్రో కెమికల్స్ తయారీ , అమ్మకాలు; రసాయనాల తయారీ , అమ్మకాలు; వ్యవస్థీకృత రిటైల్; మీడియా, వినోద కార్యకలాపాలు; భారతదేశం తో పాటు ప్రపంచవ్యాప్తంగా టెలికమ్యూనికేషన్ డిజిటల్ సేవలు వంటి అనేక వ్యాపారాలను కలిగి ఉంది.

వయకామ్ 18 టెలివిజన్ (టివీ) ఛానళ్ల ప్రసారం, ఓటీటీల నిర్వహణ, టివీ ఛానెళ్లలో వాణిజ్య ప్రకటనలకు సమయాన్ని విక్రయించడం, సరుకుల లైసెన్స్ , భారతదేశంలోనూ, ప్రపంచవ్యాప్తంగా ప్రత్యక్ష ప్రసార (లైవ్ ) ఈవెంట్ల నిర్వహణ మొదలైన వ్యాపారాలు కలిగి ఉంది. వయకామ్ 18 సినీ నిర్మాణం, పంపిణీ వ్యాపారంలో కూడా నిమగ్నమైంది.

ఇక ఎస్ఐపీఎల్  టీవీ బ్రాడ్ కాస్టింగ్, ఏవీ కంటెంట్, చిత్ర నిర్మాణం, ఓటీటీల నిర్వహణ, టీవీ ఛానళ్లు, ఓటీటీలలో వాణిజ్య ప్రకటనల సమయాన్ని విక్రయించడం వంటి పలు మీడియా కార్యకలాపాల్లో నిమగ్నమైంది. ఎస్ఐపీఎల్  ప్రత్యక్షంగాలేదా, పరోక్షంగా పూర్తిగా టీడబ్ల్యూడీసీ యాజమాన్యం లోని  సంస్థ.

ఎస్ టీపీఎల్ బ్రిటిష్ వర్జిన్ దీవులలో నమోదైన సంస్థ. ఇది పరోక్షంగా టీడబ్ల్యూడీసీ  యాజమాన్యంలో ఉంది.

స్వచ్ఛంద మార్పులకు లోబడి ప్రతిపాదిత కలయికను కమిషన్ ఆమోదించింది.

సీసీఐ సవివరమైన ఉత్తర్వును కూడా వెలువరించనున్నారు.  

***