U Myntri Sorkar Pdeng ba dei khmih ia ka Tnat Social Justice and Empowerment, Dr. Virendra Kumar un plie paidbah ia ka Divya Kala Mela kaba 18 ha Ranchi lashai ka sngi. Kane ka prokram kaba 11 sngi bad kaba kham pher, kan sdang naduh 29 tarik Nailar haduh 8 tarik Nailur, 2024 kan long ka jingrakhe ia ki sap ba phylla bad ka mynsiem seng kam lajong jong ki nongtrei kti kiba don jingduna ha ki dkhot met bad ki briew kiba seng kam lajong na kylleng ka ri. La pynlong ia ka Divya Kala Mela da ka Tnat Empowerment of Persons with Disabilities (Divyangjan) [DEPwD], hapoh ka Tnat Social Justice & Empowerment, Sorkar India.

Ka Divya Kala Mela kaba 18 kan long ka exhibition kaba heh bha, kaba wanrah lang ia ki tiar bapher bapher ba la shna da ki nongtrei kti kiba don jingduna ha ki dkhot met na kylleng ka ri, kynthup Jammu and Kashmir, ki jylla ka thain shatei lammihngi bad shibun kiwei kiwei. Ki briew kiba leit sha kane ka mela kin iohi ia ki jingsaindur kaba bun bynta ha kaba yn don ki tiar ba shna da ki kti, ki jain, ki jait jingbam bapher bapher bad ki tiar ki bym ktah ia ka mariang. Kane ka prokram ym tangba ka pyni ia ka jingriewspah ka deiriti jong ka India hynrei ka kyntiew ruh ia ka jingpynkupbor ia ki briew kiba don jing duna ha ki dkhot met

Ka Divya Kala Mela ka ban long ka Ranchi kadei ka bynta ba 18 jong kane ka kam kaba la sdang ha u snem 2022,  bad ki bynta ba ladep la pynlong ha ki nongbah kum Delhi, Mumbai, Bhopal, Guwahati bad kiwei kiwei. Ka Mela kadei ka nuksa jong ka kam ‘Vocal for Local’, kaba plie lad ia ki briew ban thied ia ki tiar kiba bha, kiba shna hi ha ka thain ba la saindur da ka jingkut jingmut bad ka bor pyrkhat kaba khraw. Kane ka prokram kan long ruh kum ka jingrakhe ia ki sap jong ki nongtrei kti kiba don jingduna ha ki dkhot met, bad ka prokram deiriti Divya Kala Shakti kan long ka rynsan ia ki barikor ban pyni ia ka jingtbit jong ki ha ka put ka tem, ka rwai, ka jingshad bad ka drama.

*****