প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা রাস্ত্রাপতি জো বাইদেনগা ৱারি শান্নখ্রে
রাস্ত্রপতি বাইদেন্না ভারত-য়ু.এস মরীদা থম্লিবা থাজবা প্রধান মন্ত্রীনা থাগৎপা ফোঙদোকখ্রে
লৈবাক অনিমক্কী মীয়াম অমসুং অপুনবা মীওইবা খুন্নাইদা কান্নবা পীনবা ভারত-য়ু.এস মরীনা পান্দম থম্লি হায়না লুচিংবশিংনা ফোঙদোকখি
লুচিংবা অনিনা য়ুক্রেনগী ফিবম য়াওনা লমদম-লমদমগী অমসুং মালেমগী তোঙান-তোঙানবা থৌদোক-ৱাথোকশিং খন্নখি
মহাক্না হন্দক য়ুক্রেনদা চৎলুবা অদুগী মতাংদা প্রধান মন্ত্রীনা রাস্ত্রপতি বাইদেনদা পাউদমখি
অথুবা মতমদা শান্তি অমসুং তুংদু-লৈতাবা হঞ্জিল্লক্নবা ভারতনা মপুংফানা শৌগৎলিবা অদু প্রধান মন্ত্রীনা অমুক হন্না ফোঙদোকখি
বাংলাদেসতা লো অমসুং ওর্দর হঞ্জিল্লক্নবা অমসুং হিন্দুশিং য়াওনা মাইনোরিতিশিং অশোই-অঙাম থোকহন্দনবা লুচিংবা অনিনা তকশিনখি
ক্বাদ য়াওনা মালেমগী লুপশিং মখা তানা মতেং পীনবা হেনগৎহন্নবা লুচিংবশিংনা অমুক হন্না থাজবা ফোঙদোকখি
Posted On:
26 AUG 2024 10:03PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ু.এস.এগী রাস্ত্রপতি জোসেফ আর বাইদেন্দগী তেলিফোন কোল অমা ওকখ্রে।
শরুক য়ামিন্নরিবা গনতন্ত্রগী গুনশিং, আইনগী মতুংইন্না লৈবাক ঙাকপা অমসুং মীগা-মীগা লৈনবা অচেৎপা মরীশিংদা য়ুম্ফম ওইবা ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনরশিপতা রাস্ত্রপতি বাইদেনা অচেৎপা থাজবা থম্লিবা অসিদা প্রধান মন্ত্রীনা মহাক্কী মাইকৈদগী থাগৎপা ফোঙদোকখি।
লুচিংবশিংনা লৈবাক অনিগী মরীশিং শিংথাবা য়ানা ফগৎলক্লিবা অসি হন্না য়েংশিনখি অমসুং লৈবাক অনিমক্কী মীয়াম অমসুং অপুনবা মীওইবা খুন্নাইদা কান্নবা পীনবা ভারত-য়ু.এস মরীনা পান্দম থম্লি হায়না লুচিংবশিংনা ফোঙদোকখি।
লুচিংবা অনিনা য়ুক্রেনগী ফিবম য়াওনা লমদম-লমদমগী অমসুং মালেমগী তোঙান-তোঙানবা থৌদোক-ৱাথোকশিং কুপ্না খন্নখি।
য়ুক্রেনগী মতাংদা খন্নরকপা মতমদা, মহাক্না হন্দক য়ুক্রেনদা চৎলুবা অদুগী মতাংদা প্রধান মন্ত্রী মোদীনা রাস্ত্রপতি বাইদেনদা পাউদমখি। ৱারি শান্নবা অমসুং কুতনিতিগী থবকশিং পায়খৎনবা ভারতনা লেপ্তনা তকশিল্লিবা অদু মহাক্না অমুক হন্না পনখি অমসুং অথুবা মতমদা শান্তি অমসুং তুংদু-লৈতাবা হঞ্জিল্লক্নবা ভারতনা মপুংফানা শৌগৎলিবা অদু প্রধান মন্ত্রীনা অমুক হন্না ফোঙদোকখি।
লুচিংবা অনিনা বাংলাদেসকী ফিবম অসিদা মখোয়গী নুংনাংবা অদু ফোঙদোকখি। বাংলাদেসতা লো অমসুং ওর্দর হঞ্জিল্লক্নবা অমসুং হিন্দুশিং য়াওনা মাইনোরিতিশিং অশোই-অঙাম থোকহন্দনবা লুচিংবা অনিনা তকশিনখি।
ক্বাদ য়াওনা মালেমগী লুপশিং মখা তানা মতেং পীনবা হেনগৎহন্নবা লুচিংবা অনিনা অমুক হন্না থাজবা ফোঙদোকখি।
মখা তানা পাউ ফাওনবা হায়না লুচিংবশিংনা য়ানখ্রে।
****
(Release ID: 2049028)
Visitor Counter : 13
Read this release in:
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam