وزیراعظم کا دفتر
وزیر اعظم نریندر مودی نے صدر بائیڈن سے بات کی
وزیر اعظم نے ہندوستان-امریکہ شراکت داری کےتئیں صدر بائیڈن کے عزم کوسراہا
رہنماؤں نے اس بات کو نمایاں کیا کہ ہندوستان-امریکہ کی شراکت داری کا مقصد دونوں ممالک کے لوگوں کے ساتھ ساتھ پوری انسانیت کو فائدہ پہنچانا ہے
انہوں نے یوکرین کی صورتحال سمیت مختلف علاقائی اور عالمی امور پر تبادلہ خیال کیا
وزیراعظم نے صدر بائیڈن کو اپنے یوکرین کے حالیہ دورے کے بارے میں تفصیلات سے آگاہ کیا
وزیر اعظم نے جلد از جلد امن اور استحکام کے لیے ہندوستان کی مکمل حمایت کا اعادہ کیا
دونوں رہنماؤں نے بنگلہ دیش میں امن و امان کی بحالی اور اقلیتوں بالخصوص ہندوؤں کے تحفظ کو یقینی بنانے پر زور دیا
انہوں نے کواڈ سمیت کثیرجہتی تعاون کو مزید مضبوط بنانے کے عزم کا اعادہ کیا
Posted On:
26 AUG 2024 10:03PM by PIB Delhi
امریکہ کے صدرعزت مآب جناب جوزف آر بائیڈن نے آج وزیر اعظم جناب نریندر مودی کو ٹیلی فون کیا۔
وزیر اعظم نے صدر بائیڈن کی ہندوستان-امریکہ جامع عالمی اسٹریٹجک پارٹنرشپ کے بارے میں گہری وابستگی کی تعریف کی، جو جمہوریت کی مشترکہ اقدار، قانون کی حکمرانی اور عوام سے عوام کے مضبوط تعلقات پر مبنی ہے۔
رہنماؤں نے دو طرفہ تعلقات میں اہم پیش رفت کا جائزہ لیا اور اس بات کو نمایاں کیا کہ ہندوستان-امریکہ شراکت داری کا مقصد دونوں ممالک کے لوگوں کے ساتھ ساتھ پوری انسانیت کو فائدہ پہنچانا ہے۔
دونوں رہنماؤں نے متعدد علاقائی اور عالمی امور پر تفصیلی تبادلہ خیال کیا۔
یوکرین کی صورتحال پر تبادلہ خیال کرتے ہوئے وزیر اعظم مودی نے صدر بائیڈن کو اپنے یوکرین کے حالیہ دورے کے بارے میں تفصیلات سے آگاہ کیا۔ انہوں نے مذاکرات اور سفارت کاری کے حق میں ہندوستان کے مستقل موقف کا اعادہ کیا اورجلد از جلد امن و استحکام کی بحالی کے لیے مکمل حمایت کا اظہار کیا۔
دونوں رہنماؤں نے بنگلہ دیش کی صورتحال پر مشترکہ تشویش کا اظہار کیا۔ انہوں نے بنگلہ دیش میں امن و امان کی بحالی اور اقلیتوں بالخصوص ہندوؤں کے تحفظ اور سلامتی کو یقینی بنانے پر زور دیا۔
دونوں رہنماؤں نے کواڈ سمیت کثیرجہتی فورمز پر تعاون کو مزید مضبوط بنانے کے اپنے عزم کا اعادہ کیا۔
انہوں نے رابطے میں رہنے پر اتفاق کیا۔
****
ش ح ۔ ف ا ۔م ش
U. No.10222
(Release ID: 2048994)
Visitor Counter : 21
Read this release in:
English
,
Marathi
,
Hindi
,
Hindi_MP
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam