কোওপরেসন মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা ঙসি রাইপুর, ছত্তিসগরদা, স্তেত অসিদা কোওপরেতিব পাকথোক চাউথোকহন্বগী মতাঙদা য়েংশিন মীফম অমা পাঙথোকখ্রে
প্রধান মন্ত্রী শ্রী নরেন্দ্র মোদীগী ‘সাহকার সে সমৃদ্ধী’গী মঙলান মঙফাওনহন্নবগীদমক লৈবাকসিগী পঞ্চায়ত খুদিংদা কোওপরেতিব সোসাইতী অমমম লিংখৎলি
PACS কী খুত্থাঙদা পায়খৎলিবা তোঙান তোঙানবা থবক থৌওংশিংগী কান্নবশিং খুঙ্গংগী মীয়ামদা য়ৌহন্নবগীদমক PACS খুদিংমক, কম্প্যুতরাইজেসন মতুংদা, কম্মন সর্ভিস সেন্তর অমা ওইনা থবক তৌগদবনি
লৌউ-শিংউগী পোত্থোকশিং য়োন্নবগীদমক NAFED অমসুং NCCF পোর্তেলদা PACSনা ১০০% রেজিস্ত্রেসন তৌগদবনি
কৈথেল পুম্নমক্কী ত্রেদর খুদিংমক, PACS অমসুং কোওপরেতিব সোসাইতিজ পুম্নমক্না মখোয়গী দিস্ত্রিক্তকী কোওপরেতিব বেঙ্কশিংদা একাউন্ত অমমম লৈগদবনি
ছত্তিসগর লৈঙাক্না PACS পাকথোক চাউথোকহন্নবগীদমক অনৌবা দিস্ত্রিক্ত কোওপরেতিব সেন্ত্রেল বেঙ্ক ৪ লিংখৎকদবনি
ছত্তিসগরগী দিস্ত্রিক্ত ৩৩ মক্তা ৱাতর কম্মিতী ওইনা থবক তৌনবগীদমক শ্রী অমিত সাহনা PACS হৌদোকখ্রে
‘এক পের মা কে নাম’ কেম্পেনগী শরুক অমা ওইনা, শ্রী অমিত সাহনা “পীপল ফোর পীপল” প্রোগ্রামগী মখাদা উ চারা থাখ্রে, অমসুং ছত্তিসগর লৈঙাক্কী তোঙান তোঙানবা চাওখৎ থৌরাংগী থবকশিং হৌদোকখ্রে
Posted On:
25 AUG 2024 5:13PM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা ঙসি রাইপুর, ছত্তিসগরদা, স্তেত অসিদা কোওপরেতিব পাকথোক চাউথোকহন্বগী মতাঙদা য়েংশিন মীফম অমা পাঙথোকখ্রে। শ্রী অমিত সাহনা মখোয় মখোয়গী দিস্ত্রিক্তশিংদা ৱাতর কম্মিতীশিং ওইনা থবক তৌনবগীদমক দিস্ত্রিক্ত ৩৩ মক্তা প্রাইমারী এগ্রিকলচর ক্রেদিত সোসাইতী (PACS)সু হৌদোকখ্রে। থৌরমদুদা, ছত্তিসগরগী মুখ্য মন্ত্রী শ্রী বিষ্ণু দিও সাই, কোওপরেসনগগী কেন্দ্রগী রাজ্য মন্ত্রী শ্রী মুর্লিধর মোহোল, ছত্তিসগরগী উপ মুখ্য মন্ত্রী শ্রী অরুন সাও অমসুং কোওপরেসনগী কেন্দ্রগী মন্ত্রালয়গী সেক্রেতরী দোক্তর অসিস কুমার ভুতানীসু শরুক য়াখি।
![](https://static.pib.gov.in/WriteReadData/userfiles/image/image001ICQ9.jpg)
‘এক পের মা কে নাম’ কেম্পেনগী শরুক অমা ওইনা, শ্রী অমিত সাহনা “পীপল ফোর পীপল” প্রোগ্রামগী মখাদা উ চারা থাখ্রে, অমসুং ছত্তিসগর লৈঙাক্কী তোঙান তোঙানবা চাওখৎ থৌরাংগী থবকশিং শঙ্গাখি।
কোওপরেতিব রিভিউ মীফমদা মহাক্না পীখিবা ৱারোলদা, কেন্দ্রগী কোওপরেসন মন্ত্রীনা প্রধান মন্ত্রী শ্রী নরেন্দ্র মোদীগী ‘সাহকার সে সমৃদ্ধী’গী মঙলান মঙফাওনহন্নবগীদমক লৈবাকসিগী পঞ্চায়ত খুদিংদা কোওপরেতিব সোসাইতী অমমম লিংখৎলি হায়খি। ছত্তিসগর লৈঙাক্না ত্রাইবেল দিভেলপমেন্ততা মীৎয়েঙ থম্লগা অনৌবা পব্লিক দেরী স্কীম অমা শেমগৎকদবনি হায়না শ্রী সাহনা হায়খি। স্কীম অসিনা PACS পু মল্তি-পর্পজ য়ুনিত অমা ওইনা থবক তৌনবা অমসুং দেরী অমসুং ফিসরিজ কোওপরেতিব ইন্সতিত্যুসন ওইনা থবক তৌনবা মীৎয়েঙ থমগদবনি হায়না মহাক্না হায়খি।
![](https://static.pib.gov.in/WriteReadData/userfiles/image/image002VNJ1.jpg)
কেন্দ্রগী গৃহ মন্ত্রী অমসুং কোওপরেসন মন্ত্রীনা ছত্তিসগরগী PACS ২০৫৮ মক্না মোদেল বাই-লোশিং শীজিন্নরে হায়খি। নেস্নেল কোওপরেতিব দেতাবেজ অসি ছত্তিসগরদা অকংবা মফম থিবদা শীজিন্নগদবনি, মসিনা কোওপরেতিব পাকথোক চাউথোকহন্বদা মতেঙ পাংগনি হায়না মহাক্না হায়খি। PACS কী খুত্থাঙদা পায়খৎলিবা তোঙান তোঙানবা থবক থৌওংশিংগী কান্নবশিং খুঙ্গংগী মীয়ামদা য়ৌহন্নবগীদমক PACS খুদিংমক, কম্প্যুতরাইজেসন মতুংদা, কম্মন সর্ভিস সেন্তর অমা ওইনা থবক তৌগদবনি হায়বা ৱাফম মহাক্না ফোঙদোকখি।
![](https://static.pib.gov.in/WriteReadData/userfiles/image/image003W0MM.jpg)
লৌমীশিং চুজাক থাবদা পুক্নিং থৌগৎনবগীদমক ইথানোল পুথোক্নবা NCCF, NAFED অমসুং স্তেতকী মরক্তা কনত্রেক্ত অমা লৈগদবনি হায়না শ্রী অমিত সাহনা হায়খি। চুজাক থাবগী শেঞ্জংসু নেম্মি অমসুং লৌমীশিংনা পুথোকপা চুজাক পুম্নমক কেন্দ্র লৈঙাক্না মিনিমম সপ্পোর্ত মমলদা লৈগনি হায়না মহাক্না হায়খি। লৌউ-শিংউগী পোত্থোকশিং য়োন্নবগীদমক NAFED অমসুং NCCF পোর্তেলদা PACSনা ১০০% রেজিস্ত্রেসন তৌগদবনি হায়না শ্রী সাহনা হায়খি।
কৈথেল পুম্নমক্কী ত্রেদর খুদিংমক, PACS অমসুং কোওপরেতিব সোসাইতিজ পুম্নমক্না মখোয়গী দিস্ত্রিক্তকী কোওপরেতিব সেন্ত্রেল বেঙ্কশিংদা একাউন্ত অমমম লৈগদবনি হায়না কেন্দ্রগী কোওপরেসন মন্ত্রীনা হায়খি। ছত্তিসগরদা কোওপরেতিব সুগর মিল ৪ লৈ মসিগী মনুংদা মিল অমখক্তা ইথানোল প্রদক্সন প্লান্ত লৈ। চুজাক অমসুং চুদগী ইথানোল পুথোক্নবগগীদমক থা ৬ কী মনুংদা লেমহৌরিবা কোওপরেতিব সুগর মিল ৩ অসিদা মল্তি-ফীদ ইথানোল প্রদক্সন প্লান্তশিং হাপচিনগদবনি হায়না শ্রী সাহনা হায়খি। হীরমসিদা কেন্দ্র লৈঙাক্না মতেঙ পাংগনি হায়না মহাক্না ফোঙদোকখি। ছত্তিসগরদা চুজাক অমসুং হৱায় থাবা য়োকখৎপা মথৌ তাই অমসুং মসিগীদমক স্তেত এগ্রিকলচর দিপার্তমেন্তনা থৌদাং য়াগদবনি হায়না মহাক্না মখা তাখি।
![](https://static.pib.gov.in/WriteReadData/userfiles/image/image004KTD7.jpg)
হৌজিক হৌজিক, ছত্তিসগরগী দিস্ত্রিক্ত ৩৩দা পুন্না দিস্ত্রিক্ত কোওপরেতিব সেন্ত্রেল বেঙ্ক (DCCBs) ৬ লৈ অমসুং স্তেত অসিদা অথুবা মতমদা PACS পাকথোক চাউথোকহন্বদা মীৎয়েঙ থম্লগা, য়ামদ্রবদা DCCBs ৪ অমগা লিংখৎপা তাই হায়না শ্রী অমিত সাহনা হায়খি। স্তেত লৈঙাক্কী এনিমেল হসবেন্দ্রী, এগ্রিকলচর, ত্রাইবেল এফ্যার্স অমসুং কোওপরেতিব দিপার্তমেন্তনা ছত্তিসগরগী খুঙ্গং অমসুং ত্রাইবেল মীয়ামগী শেন্মিৎলোন চাওখৎহন্নবগীদমক হোল ওফ গভর্নমেন্ত এপ্রোচকী মখাদা পুন্না থবক তৌমিন্নগদবনি হায়না মহাক্না মখা তাখি।
*****
(Release ID: 2048802)
Visitor Counter : 7