নহারোল অমসুং শান্ন-খোৎনবগী মন্ত্রালয়
দা. মনসুখ মন্দাবিয়ানা নেস্নেল স্পোর্তস দে পালন তৌনবা লৈবাক শিনবা থুংনা স্পোর্তস্তা শরুক য়াবীনবা হায়খ্রে
Posted On:
24 AUG 2024 4:00PM by PIB Imphal
কেন্দ্রগী য়ুথ এফিয়র্স অমসুং স্পোর্তস অমদি লেবর অমসুং এমপ্লোইমেন্তগী কেন্দ্র মন্ত্রী, দা. মনসুখ মন্দাবিয়ানা নেস্নেল স্পোর্তস দে পালন তৌনবা য়ামদ্রবদা পুং অমা আউৎদোর স্পোর্তস্তা শরুক য়ানবা প্রজা পুম্নমক্তা হায়খ্রে।
প্রধান মন্ত্রীগী ৱাহৈশিং “খেলেগা ইন্দিয়া, খিলেগা ইন্দিয়া” (ভারতনা শান্নরবা মতমদা ভারতনা লৈশাৎ তমগনি) অসিনা ইথিল পীদুনা দা. মন্দাবিয়ানা হায়খি, “প্রধান মন্ত্রী শ্রী নরেন্দ্র মোদীগী মঙলান অসি ভারতপু মশা মউ ফবা লৈবাক অমা ওইহনবনি। মহাক্না শাগৎচখিবা ফিৎ ইন্দিয়া মুভমেন্ত অসি প্রজা খুদিংমক্কী প্রোগ্রাম অমনি, অমসুং ঐহাক্না চহি অসিগী নেস্নেল স্পোর্তস দেদা লৈবাক শিনবা থুংনা পালন তৌবা অসিদা শরুক য়াবীনবা পুম্নমক্তা হায়খি।
কেন্দ্রগী মন্ত্রীনা প্রধান মন্ত্রীগী ফিৎ ইন্দিয়া মুভমেন্ত অসি মাংলোমদা পুখৎপগী মরুওইবা অদু পনখি। মহাক্না হায়খি মদুদি ভারত মচা খুদিংমক্না মখোয়গী হকশেল ফনা থম্নবা অমসুং এক্তিব ওইদুনা লৈনবগী থৌদাং লৈ। "স্পোর্ত অমা হেক্তা শান্নবিয়ু, ফিৎতা ওইনা লৈবিয়ু!" হায়না মন্ত্রীনা মীপুম খুদিংমকপু থৌরাং অসিদা শরুক য়ানবা পুক্নিং থৌগৎখি।
নেস্নেল স্পোর্তস দে অসি ঐখোয়গী স্পোর্তস হিরোশিংবু ইকায় খুম্ননবগীদমক খুদোংচাবা অমা ওইবতা নত্তনা স্পোর্তসনা মতৌ করম্না তংদু লৈতাবা অমসুং হকচাং ফনা পুন্সি অমা হিংবদা মতেং পাংবগে হায়বদুসু নিংশিংহল্লি হায়না দা. মান্দাবিয়ানা হায়খি। নেস্নেল স্পোর্তস দেনা লাকপদা মহাক্না মীপুম খুদিংমক্তা মখোয়গী ইমুং-মনুং অমসুং মরুপ-মপাংশিংগা লোয়ননা স্পোর্তস্তা শরুক য়ানবা অমসুং ফিৎ অমসুং এক্তিব ইন্দিয়া অমা শেমগৎনবগী মায়কৈদা খোংথাং অমা লৌনবা আপিল তৌখি।
বেকগ্রাউন্দ:
নেস্নেল স্পোর্তস দে অসি চহি খুদিংগী ওগস্ত 29দা হোকীগী শক্নাইরবা মেজর ধ্যানচান্দগী মপোক কুমওন লাকপদা পাংথোকই। চহি খুদিংগী, নেস্নেল স্পোর্তস দে অসি ঐখোয়গী স্পোর্তস আইকনশিংনা মালেমগী থাক্কী ফম্পাক্তা লৈবাক অসিগী মীংচৎ পুরকপদা মখোয়গী থৌদাং অদুবু ইকায় খুম্নবা ওইনা পাংথোক্লি।
******
(Release ID: 2048509)
Visitor Counter : 39