ঙসি মালেসিয়াগী প্রধান মন্ত্রী অনৱার ইব্রাহিমনা রাস্ত্রপতি ভাবন্দা ভারতকী রাস্ত্রপতি শ্রীমতি দ্রৌপতি মুর্মু উনখ্রে।

মালেসিয়াগী প্রধান মন্ত্রী ওইনা মহাক্না ভারত্তা অহানবা ওইনা লাকপদা প্রধান মন্ত্রী ইব্রাহিম তরাম্না ওক্লদুনা, রাস্ত্রপতিনা হায়খি মদুদি গনতন্ত্রগী গুনশিং, নাত কয়া লৈবা অমসুং লৈবাক অমা অমবু ইকায়খুম্নবা অসিনা ভারত-মালেসিয়াগী মরীশিং লমজিংলি।

লৈবাক অনিগী মরী অসি কমপ্রেহেন্সিপ স্ত্রাতেজিক পার্তনরশিপকী থাক্তা পুখৎতুনা ভারত-মালেসিয়াগী মরী হেন্না ফগৎহন্নবা লৈবাক অনিনা ৱারেপ লৌবদা অমসুং হিরম কয়াদা মতেং পীন্নবা মসি থবক ওইনা পাংথোক্নবা লম্বী অমা শেম্নবা মাইকৈদা থবক তৌরকপদা রাস্ত্রপতিনা হরাওবা ফোঙদোকখি।

রাস্ত্রপতিনা হায়খি গ্লোভেল সাউথতা ভারতনা মালেসিয়া অসি অচেৎপা মরুপ অমা ওইনা লৌরি। অসিয়ানদা মালেসিয়া অসি ভারতকী মরুওইবা মরুপ অমশু ওইরি অমসুং ঐখোয়গী এক্ত ইস্ত পোলিসি অমসুং ইন্দো-পেসিফিক ভিজন্দা মরুওইবা লৈবাক অমা ওইরি।

২০২৫ দা মালেসিয়ানা অসিয়ানগী চিয়ারমেন ওইগদৌরিবা অসিদা রাস্ত্রপতিনা য়াইফ-পাউজেল পীখি অমসুং ভারতনা মখা তানা মালেসিয়াগা থবক তৌমিন্নগনি হায়না অমুক হন্না থাজবা পীখি অমসুং শান্তি লৈবা অমসুং নুংঙাই-য়াইফবা ইন্দো-পেসিফিক লমদম অমা পুরক্নবা ঐখোয়গী পান্দমশিং ফংনবা মতেং পাংগনি হায়না রাস্ত্রপতিআন ফোঙদোকখি।

প্রধান মন্ত্রী ইব্রাহিমগী খুৎথাংদা, মালেসিয়াগী নিংথৌ সুলতান ইব্রাহিমনা হন্দক ফম্বাল তোংখিবা অদুদা মহাক্কী মাইকৈদগী মালেসিয়াগী নিংথৌগী মফমদা য়াইফ-পাউজেল পীখি।

*****