তেলিকোম রিগুলেতরী ওথোরিতী ওফ ইন্দিয়া (তি.আর.এ.আই.)না ফোঙবা চহিগী রিপোর্ত্তা পনখিবগুম্না ভারতকী তেলিকোম সেক্তরনদা শেন্বা চহি ২০২৩-২০২৪ মনুংদা শিংথানিংঙাই ওইবা গ্রোথ লাকপা উরি‍।

রিপোর্ত অসিনা তোঙান তোঙানবা সর্ভিসশিংদা মশক থোক্না গ্রোথকী ত্রেন্দ অমসুং মরুওইবা পেরামিতরশিং ফোঙদোক্লি‍। রিপোর্ত অসি সর্ভিস প্রোভাইদরশিংনা পীখৎলকপা ৱাফমগী মখা পোন্না শেম্বনি‍। রিপোর্ত অসিনা ভারতকী মপুং ওইবা তেলি-দেন্সিতী মার্চ ২০২৩ লোইশিল্লকপদা ৮৪.৫১% ওইরম্বদগী মার্চ ২০২৪ লোইশিল্লকপদা ৮৫.৬৯%দা কাখৎলক্তুনা ১.৩৯%গী চহিগী গ্রোথ উবা ফংলি‍।

রিপোর্ত অসিগী মরুওইবা ফাইন্দিংশিং:

১.       অপুন্বা ইন্তরনেত সব্সক্রাইবর হেনগৎলকপা: ইন্তরনেত সব্সক্রাইবরগী অপুন্বা মশিং মার্চ ২০২৩ লোইশিল্লকপদা করোর ৮৮.১ ওইরম্বদগী মার্চ ২০২৪ লোইশিল্লকপদা করোর ৯৫.৪ ওইদুনা চহিগী গ্রোথকী চাং ৮.৩০% ওইইববগা লোয়ননা হৌখিবা চহি অমসিদা ইন্তরনেত সব্সক্রাইবর মশিং করোর ৭.৩ হাপচিল্লকখ্রে‍।

২.       ব্রোদবেন্দ সব্সক্রাইবরগী দোমিনেন্স: ব্রোদবেন্দ সর্ভিসশিংনা মখোয়গী মথক্তা কাখৎপগী লম্বীদা চত্তুনা, ব্রোদবেন্দ সব্সক্রাইবর মশিং মার্চ ২০২৩দা করোর ৮৪.৬ ওইরম্বদগী মার্চ ২০২৪দা করোর ৯২.৪ য়ৌরে‍। ব্রোদবেন্দ সব্সক্রাইবর মশিং করোর ৭.৮ হাপচিল্লক্তুনা ৯.১৫%গী অচৌবা গ্রোথ রেত অসিনা খোঙজেল য়াঙবা কন্নেক্তিবিতীগী মরুওইবা উৎলি‍।

৩.       এক্সপোনেন্সিএল দেতা কঞ্জুম্পসন: ৱাইয়রলেস দেতা সব্সক্রাইবর মশিং মার্চ ২০২৩ লোইশিল্লকপদা করোর ৮৪.৬ ওইরম্বদগী মার্চ ২০২৪ লোইশিল্লকপদা করোর ৯১.৩দা হেনগৎলক্তুনা, চহিগী গ্রোথ রেত ৭.৯৩% ওইরি‍। মখা তানা, ৱাইয়রলেস দেতা শীজিন্নবগী অপুন্বা ভোল্যুম, ২১.৬৯%গী চহিগী গ্রোথ রেতকা লোয়ননা ২০২২-২৩ মনুংদা ১,৬০,০৫৪ পি.বি. ওইরম্বদগী ২০২৩-২৪ মনুংদা ১,৯৪,৭৭৪ পি.বি. ওইরে‍।

৪.       তেলি-দেন্সিতী হেনগৎলকপা: ভারতকী তেলিফোন সব্সক্রাইবর মশিং মার্চ ২০২৩ লোইশিল্লকপদা করোর ১১৭.২ ওইরম্বদগী মার্চ ২০২৪ লোইশিল্লকপদা করোর ১১৯.৯ ওইদুনা চহিগী গ্রোথ রেত ২.৩০% ওইরি‍। ভারতকী মপুং ওইবা তেলি-দেন্সিতী ১.৩৯৯%গী চহিগী গ্রোথ রেতকা লোয়ননা মার্চ ২০২৩ লোইশিল্লকপদা ৮৪.৫১% ওইরম্বদগী মার্চ ২০২৪ লোইশিল্লকপদা ৮৫.৬৯% য়ৌরে‍।

৫.       থাদা সব্সক্রাইবর অমমমগী এভরেজ মিনতস ওফ য়ুজেজ (এম.ও.য়ু.) ৪.৭৩%গী চহিগী গ্রোথ রেতকা লোয়ননা ২০২২-২৩ মনুংদা ৯১৯ ওইরম্বদগী ২০২৩-২৪ মনুংদা ৯৬৩দা হেনগৎলকখি‍।

৬.       এদজস্তেদ গ্রোস রিভিন্যু (এ.জি.আর.)সু  ৮.২৪%গী চহিগী গ্রোথ রেতকা লোয়ননা ২০২২-২৩দা লুপা করোর ২,৪৯,৯০৮ ওইরম্বদগী ২০২৩-২৪দা লুপা করোর ২,৭০,৫০৪দা হেনগৎলে‍।

রিপোর্ত অসিনা শেন্বা চহি ২০২৩-২৪গী ওইবা ভারতকী তেলিকোম সর্ভিসশিংগী মরুওইবা পেরামিতরশিং অমসুং গ্রোথ রেত উৎপগা লোয়ননা, তেলিকোম সর্ভিসশিংগী চাউরক্পা মীৎয়েঙ অমসু পীরি অমদি তোঙান তোঙানবা স্তেকহোল্দরশিং, রীছর্চ এজেন্সীশিং অমসুং এনালিস্তশিংগী রিফরেন্স দোকুমেন্ত অমসু ওইরগনি‍।

***