প্রধানমন্ত্রীগী লোইশঙ
নেপালগী ফোরেন এফেয়ার্স মিনিস্তর দোক্তর অর্জু রনা দিউবানা প্রধান মন্ত্রী উনখ্রে
প্রধান মন্ত্রীনা মহাক তরাম্না ওকখি অমসুং অৱাংবা থাক্কী ৱারি শান্নবা হেনগৎলকপা অসিদা থাগৎপা ফোঙদোকখি
মহাক্কী য়াইফ-পাউজেল পীরকপা অমসুং চেবাউ পীরকপীদমক প্রধান মন্ত্রীনা নেপালগী প্রধান মন্ত্রী থাগৎপা ফোঙদোকখি
Posted On:
19 AUG 2024 10:14PM by PIB Imphal
এক্সতর্নেল এফেয়ার্স মিনিস্ত্রিনা চেবাউ পীবদগী ওফিসিএল ওইবা খোঙচৎ অমদা ভারত্তা লাকখিবা নেপালগী ফোরেন এফেয়ার্স মিনিস্তর দোক্তর অর্জু রনা দিউবানা ঙসি প্রধান মন্ত্রী শ্রী নরেন্দ্র মোদী উনখ্রে।
মহাক নেপালগী ফোরেন মিনিস্তর ওইনা হাপ্পদা প্রধান মন্ত্রীনা ফোরেন মিনিস্তর দিউবা থাগৎপা ফোঙদোকখি অমসুং লৈবাক অনিগী মরক্তা হৌজিক ৱারি শান্নবা হেনগৎলকপদা থাগৎপা ফোঙদোকখি। লৈবাক অনিগী মরী অসিদা হায়রিবা ৱারি শান্নবশিং অদুগী অফবা ফলশিং পল্লদুনা, ভারতনা য়ুম্বু ওইদুনা পাংথোকখিবা অহুমশুবা ভোইস ওফ গ্লোবেল সাউথ মীফমদা নেপালগী প্রধান মন্ত্রী শরুক য়াখিবদা মহাক্না থাগৎপা ফোঙদোকখি।
ভারতকী য়ুম্লোন্নবনা অহানবা থৌশিল অমসুং নেপালগা লোয়ননা ভারতকী পায়খৎলিবা তোঙান-তোঙানবা চাউখৎ-থৌরাংগী থবকশিংগীদমক ফোরেন মিনিস্তর দিউবানা প্রধান মন্ত্রী থাগৎপা ফোঙদোকখি। মখা তানা ভারত-নেপালগী মরীশিং মপাঙ্গল কনখৎহন্নবা ফোরেন মিনিস্তরনা থাজবা থমখি। প্রধান মন্ত্রী মোদী নেপালদা লাক্নবা নেপালগী প্রধান মন্ত্রীনা পীরকপা চেবাউ অমা মহাক্না খুৎশীন্নখি। দিপ্লোমেতিক চেন্নেলশিংগী খুৎথাংদা লৈবাক অনিনা খুদোংচাগদবা মতম অমা লেপ্লবা মতুংদা নেপালদা চৎনবা প্রধান মন্ত্রীনা চেবাউ অদু লৌশিনখি।
***
(Release ID: 2046792)
Visitor Counter : 18
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam