ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್‌ ವ್ಯವಹಾರಗಳ ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್‌ ಅವರು ಇಂದು ನವದೆಹಲಿಯಲ್ಲಿಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳ (ಆರ್‌ಆರ್‌ಬಿ) ಪರಿಶೀಲನಾ ಸಭೆಯ ಅಧ್ಯಕ್ಷ ತೆ ವಹಿಸಿದ್ದರು. ಸಭೆಯಲ್ಲಿಹಣಕಾಸು ಸೇವೆಗಳ ಇಲಾಖೆಯ (ಡಿಎಫ್‌ಎಸ್‌) ನಿಯೋಜಿತ ಕಾರ್ಯದರ್ಶಿ, ಹೆಚ್ಚುವರಿ ಕಾರ್ಯದರ್ಶಿ, ಡಿಎಫ್‌ಎಸ್‌ನ ಇತರ ಹಿರಿಯ ಅಧಿಕಾರಿಗಳು, ಆರ್‌ಬಿಐ, ಎಸ್‌ಐಡಿಬಿಐ, ನಬಾರ್ಡ್‌ ಪ್ರತಿನಿಧಿಗಳು, ಆರ್‌ಆರ್‌ಬಿಗಳ ಅಧ್ಯಕ್ಷ ರು ಮತ್ತು ಪ್ರಾಯೋಜಕ ಬ್ಯಾಂಕುಗಳ ಸಿಇಒಗಳು ಭಾಗವಹಿಸಿದ್ದರು.

ಪ್ರಸ್ತುತ ಎಲ್ಲಾ 43 ಆರ್‌ಆರ್‌ಬಿಗಳೊಂದಿಗಿನ ಸಭೆ, ವ್ಯವಹಾರ ಕಾರ್ಯಕ್ಷ ಮತೆ, ಡಿಜಿಟಲ್‌ ತಂತ್ರಜ್ಞಾನ ಸೇವೆಗಳನ್ನು ನವೀಕರಿಸುವುದು ಮತ್ತು ಎಂಎಸ್‌ಎಂಇ ಕ್ಲಸ್ಟರ್‌ಗಳಲ್ಲಿವ್ಯವಹಾರ ಬೆಳವಣಿಗೆಯನ್ನು ಉತ್ತೇಜಿಸುವ ಬಗ್ಗೆ ಗಮನ ಹರಿಸಿತು.

ಗ್ರಾಮೀಣ ಆರ್ಥಿಕತೆಯನ್ನು ಬೆಂಬಲಿಸುವಲ್ಲಿಆರ್‌ಆರ್‌ಬಿಗಳ ನಿರ್ಣಾಯಕ ಪಾತ್ರವನ್ನು ಗಮನದಲ್ಲಿಟ್ಟುಕೊಂಡು, ಕೇಂದ್ರ ಹಣಕಾಸು ಸಚಿವರು ಆರ್‌ಆರ್‌ಬಿಗಳನ್ನು ತಮ್ಮ ಪ್ರಾಯೋಜಕ ಬ್ಯಾಂಕುಗಳ ಸಕ್ರಿಯ ಬೆಂಬಲದೊಂದಿಗೆ ಪಿಎಂ ವಿಶ್ವಕರ್ಮ ಮತ್ತು ಪಿಎಂ ಸೂರ್ಯ ಘರ್‌ ಮುಫ್ಟ್‌ ಬಿಜ್ಲಿಯೋಜನೆಯಂತಹ ವಿವಿಧ ಯೋಜನೆಗಳ ಅಡಿಯಲ್ಲಿಸಾಲಗಳನ್ನು ಮಂಜೂರು ಮಾಡುವಾಗ ಫಲಾನುಭವಿಗಳನ್ನು ಸ್ಪಷ್ಟವಾಗಿ ಗುರುತಿಸಲು ಹೆಚ್ಚಿನ ಒತ್ತು ನೀಡುವಂತೆ ಒತ್ತಾಯಿಸಿದರು . ತಳಮಟ್ಟದ ಕೃಷಿ ಸಾಲ ವಿತರಣೆಯಲ್ಲಿತಮ್ಮ ಪಾಲನ್ನು ಹೆಚ್ಚಿಸಲು ಆರ್‌ಆರ್‌ಬಿಗಳಿಗೆ ನಿರ್ದೇಶಿಸಲಾಯಿತು.

ಪರಿಶೀಲನಾ ಸಭೆಯಲ್ಲಿ ಪ್ರಸ್ತುತಿಯ ಸಮಯದಲ್ಲಿ, ಶ್ರೀಮತಿ ಸೀತಾರಾಮನ್‌ ಅವರು 2022ರಲ್ಲಿನಿಯಮಿತ ಪರಿಶೀಲನೆಯನ್ನು ಪ್ರಾರಂಭಿಸಿದಾಗಿನಿಂದ ಆರ್‌ಆರ್‌ಬಿಗಳ ಆರ್ಥಿಕ ಕಾರ್ಯಕ್ಷ ಮತೆ ಮತ್ತು ತಂತ್ರಜ್ಞಾನ ನವೀಕರಣಗಳಲ್ಲಿನ ಸುಧಾರಣೆಗಾಗಿ ಶ್ಲಾಘಿಸಿದರು ಮತ್ತು ಭವಿಷ್ಯದಲ್ಲಿಆವೇಗವನ್ನು ಮುಂದುವರಿಸುವಂತೆ ಗ್ರಾಮೀಣ ಬ್ಯಾಂಕುಗಳನ್ನು ಒತ್ತಾಯಿಸಿದರು. 2023-24ರ ಹಣಕಾಸು ವರ್ಷದಲ್ಲಿಆರ್‌ಆರ್‌ಬಿಗಳು 7,571 ಕೋಟಿ ರೂ.ಗಳ ಏಕೀಕೃತ ನಿವ್ವಳ ಲಾಭವನ್ನು ದಾಖಲಿಸಿವೆ. ಒಟ್ಟು ಅನುತ್ಪಾದಕ ಆಸ್ತಿ (ಜಿಎನ್‌ಪಿಎ) ಅನುಪಾತವು ಶೇ. 6.1ರಷ್ಟು ಆಗಿದ್ದು, ಇದು ಹಿಂದಿನ 10 ವರ್ಷಗಳಲ್ಲಿಅತ್ಯಂತ ಕಡಿಮೆಯಾಗಿದೆ.

ಪರಿಶೀಲನಾ ಸಭೆಯಲ್ಲಿ, ಕೇಂದ್ರ ಹಣಕಾಸು ಸಚಿವರು ಎಲ್ಲಾ ಆರ್‌ಆರ್‌ಬಿಗಳು ಪ್ರಸ್ತುತವಾಗಿರಲು ತಮ್ಮದೇ ಆದ ನವೀಕೃತ ತಂತ್ರಜ್ಞಾನವನ್ನು ಹೊಂದಿರಬೇಕು ಎಂದು ಒತ್ತಿಹೇಳಿದರು ಮತ್ತು ಮೊಬೈಲ್‌ ಬ್ಯಾಂಕಿಂಗ್‌ನಂತಹ ಡಿಜಿಟಲ್‌ ಬ್ಯಾಂಕಿಂಗ್‌ ಸೇವೆಗಳು ತುಲನಾತ್ಮಕವಾಗಿ ಸವಾಲಿನ ಭೌತಿಕ ಸಂಪರ್ಕ ಹೊಂದಿರುವ ಪ್ರದೇಶಗಳಿಗೆ (ಈಶಾನ್ಯ ರಾಜ್ಯಗಳು ಮತ್ತು ಗುಡ್ಡಗಾಡು ಪ್ರದೇಶಗಳಂತಹ) ವರದಾನವಾಗಲಿದೆ ಎಂದು ಗಮನಿಸಿದರು. ತಾಂತ್ರಿಕ ಸಹಾಯವನ್ನು ಒದಗಿಸುವ ಮೂಲಕ, ಉತ್ತಮ ಅಭ್ಯಾಸಗಳನ್ನು ಹಂಚಿಕೊಳ್ಳುವ ಜತೆಗೆ ಆರ್‌ಆರ್‌ಬಿಗಳು ಯಶಸ್ವಿಯಾಗಲು ಅಗತ್ಯವಾದ ಸಂಪನ್ಮೂಲಗಳಿಗೆ ಪ್ರವೇಶವನ್ನು ಹೊಂದಿವೆ ಎಂದು ಖಚಿತಪಡಿಸಿಕೊಳ್ಳುವ ಮೂಲಕ ಪ್ರಾಯೋಜಕ ಬ್ಯಾಂಕುಗಳು ಈ ಪ್ರಯತ್ನಗಳಲ್ಲಿಮಹತ್ವದ ಪಾತ್ರವನ್ನು ಹೊಂದಿವೆ.

ಜವಳಿ, ಕರಕುಶಲ ವಸ್ತುಗಳು, ಮರದ ಪೀಠೋಪಕರಣಗಳು, ಮಣ್ಣಿನ ಮಡಕೆಗಳು, ಸೆಣಬಿನ ಕರಕುಶಲ ವಸ್ತುಗಳು, ಚರ್ಮ, ಆಹಾರ ಸಂಸ್ಕರಣೆ, ಹೈನುಗಾರಿಕೆ, ಪ್ಯಾಕಿಂಗ್‌ ಸಾಮಗ್ರಿಗಳು ಮುಂತಾದ ಕ್ಷೇತ್ರಗಳಲ್ಲಿಸಣ್ಣ ಮತ್ತು ಸೂಕ್ಷ್ಮ ಉದ್ಯಮಗಳಿಗೆ ಸಾಲವನ್ನು ಖಚಿತಪಡಿಸಿಕೊಳ್ಳಲು ಎಂಎಸ್‌ಎಂಇ ಕ್ಲಸ್ಟರ್‌ಗಳಲ್ಲಿಇರುವ ಆರ್‌ಆರ್‌ಬಿ ಶಾಖೆಗಳು ಸಕ್ರಿಯವಾಗಿ ತಲುಪುವುದನ್ನು ಕೇಂದ್ರ ಹಣಕಾಸು ಸಚಿವರು ಒತ್ತಿ ಹೇಳಿದರು.

ಶ್ರೀಮತಿ ಸೀತಾರಾಮನ್‌ ಅವರು ಎಲ್ಲಾ ಆರ್‌ಆರ್‌ಬಿಗಳಿಗೆ ತಮ್ಮ ಕ್ಲಸ್ಟರ್‌ ಚಟುವಟಿಕೆಗಳಿಗೆ ಅನುಗುಣವಾಗಿ ಸೂಕ್ತವಾದ ಎಂಎಸ್‌ಎಂಇ ಉತ್ಪನ್ನಗಳನ್ನು ರೂಪಿಸುವಂತೆ ಮತ್ತು ಬ್ಯಾಂಕಿಂಗ್‌ ನುಗ್ಗುವಿಕೆಯನ್ನು ಹೆಚ್ಚಿಸಲು ವೈಯಕ್ತಿಕ ಮತ್ತು ಸ್ಥಳೀಯ ಸಂಪರ್ಕವನ್ನು ಬಳಸಿಕೊಳ್ಳುವಂತೆ ಪ್ರೇರೇಪಿಸಿದರು. ಸಹ-ಸಾಲ / ಅಪಾಯ-ಹಂಚಿಕೆ ಮಾದರಿಗಳನ್ನು ಅನ್ವೇಷಿಸಲು ಮತ್ತು ಎಂಎಸ್‌ಎಂಇ ಪೋಟ್‌ ಫೋಲಿಯೊಗೆ ಮರು ಹಣಕಾಸು ವಿಸ್ತರಿಸಲು ಆರ್‌ಆರ್‌ಬಿಗಳಿಗೆ ಸಹಾಯ ಮಾಡಲು ಎಸ್‌ಐಡಿಬಿಐಗೆ ನಿರ್ದೇಶಿಸಲಾಯಿತು.

ಶ್ರೀಮತಿ ಸೀತಾರಾಮನ್‌ ಅವರು ಪ್ರಾಯೋಜಕ ಬ್ಯಾಂಕುಗಳು ಮತ್ತು ಆರ್‌ಆರ್‌ಬಿಗಳಿಗೆ ಮುಂದೆ ಇರುವ ಸವಾಲುಗಳನ್ನು ಗುರುತಿಸಲು ಮತ್ತು ಆಸ್ತಿ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು, ಡಿಜಿಟಲ್‌ ಸೇವೆಗಳನ್ನು ವಿಸ್ತರಿಸಲು ಮತ್ತು ದೃಢವಾದ ಸಾಂಸ್ಥಿಕ ಆಡಳಿತವನ್ನು ಖಚಿತಪಡಿಸಿಕೊಳ್ಳಲು ಗಮನ ಹರಿಸುವುದನ್ನು ಮುಂದುವರಿಸುವಂತೆ ಕೋರಿದರು

*****