رکھشا منتری جناب راج ناتھ سنگھ اور وزیر خارجہ ڈاکٹر ایس جے شنکر 20 اگست 2024 کو نئی دہلی میں جاپان کے وزیر دفاع جناب  کیہارا منورو اور امور خارجہ کی وزیر محترمہ یوکو کامیکاوا کی میزبانی کریں گے۔ 2+2 کے مذکرات  کے موقع پر، رکشا منتری اور ان کے جاپانی ہم منصب کے درمیان دو طرفہ ملاقات ہوگی۔

دو طرفہ بات چیت اور 2+2 میٹنگ کے دوران، وزراء دو طرفہ تعاون کا جائزہ لیں گے اور دونوں ممالک کے درمیان روابط کو مزید مستحکم کرنے کے لیے نئے اقدامات کا جائزہ لیں گے۔ وہ باہمی دلچسپی کے علاقائی اور عالمی امور پر بھی تبادلہ خیال کریں گے۔

ہندوستان اور جاپان جمہوریت، آزادی اور قانون کی حکمرانی کی مشترکہ اقدار پر مبنی 'خصوصی حکمت عملی اور عالمی شراکت داری' کا اشتراک کرتے ہیں۔ دفاع اس تعلق کے سب سے اہم ستونوں میں سے ایک کے طور پر ابھرا ہے۔ مضبوط ہندوستان-جاپان دفاعی شراکت داری موجودہ عالمی ماحول میں آزاد، کھلی، جامع اور خوشحال ہند-بحرالکاہل کو یقینی بنانے کے لیے بہت اہم اورضروری ہے۔

یہ دورہ دفاعی تعاون کو مزید گہرا کرے گا اور دونوں ممالک کے درمیان خصوصی اسٹریٹجک اور عالمی شراکت داری میں مزید استحکام  لائے گا۔ دوسرا  ہند-جاپان 2+2 ڈائیلاگ ستمبر 2022 میں جاپان میں منعقد ہوا تھا۔

***************

(ش ح۔ش ت۔ ج ا)

U:9976