ঙাকশেল মন্ত্রী রাজনাথ সিংহ অমসুং মপাল থৌরম মন্ত্রী, দা. এস. জয়শঙ্করনা ওগস্ত 20, 2024দা নই দিল্লীদা 3শুবা ভারত-জপান 2+2 মিনিস্ত্রিএল দাইলোগকীদমক জপানগী ঙাকশেল মন্ত্রী শ্রী কিহারা মিনোরু অমসুং মপাল থৌরম মন্ত্রী, কুমারি য়োকো কমিকাৱাগা উনগনি। 2+2 দাইলোগ মনুংদা বাইলেতরেল মীফম অমা ঙাকশেল মন্ত্রী অমসুং মহাক্কী জপানিজ কাউন্তরপার্তগী মরক্তা পাংথোক্কনি।

বাইলেতরেলগী ৱারী শাবা অমসুং 2+2 মীফম মনুংদা মন্ত্রীশিংনা বাইলেতরেল কোওপরেসন য়েংশিনগনি অমসুং লৈবাক অনিগী মরক্তা থবক তৌমিন্নবা হেন্না মপাঙ্গল কনখৎহন্নবা অনৌবা থৌশিলশিংসু থীদোক্কনি। মখোয়না নাকল অনিমক্কী ওইবা রিজনেল অমদি গ্লোবেলগী হীরমশিংদা ৱাখল্লোনসু ফোংদোক্নগনি।

ভারত অমসুং জপান্না দেমোক্রেসী, নীংতম্বা অমসুং রুল ওফ লোগী মান্নবা ভেল্যুশিংদা য়ুম্মফ ওইবা ‘স্পেসিএল স্ত্রেতেজিক অমসুং গ্লোবেল পার্তনরশিপ’ শিয়র তৌরি। ঙাকশেল অসি মরী অসিগী খ্বাইদগী মরু ওইবা মরীশিংগী মনুংদা অমা ওইরি। ভারত-জপান দিফেন্স পার্তনরশিপ মপাঙ্গল কনখৎহনবা অসি ওইরিবা গ্লোবেল এনভাইর্নমেন্তদা ফ্রী, ওপন, ইনক্লুসিব অমসুং চাউখৎপা ইন্দো-পেসিফিক অমা ওইহনবদা মরু ওই।

খোঙচৎ অসিনা লৈবাক অনিগী মরক্তা ঙাকশেলদা তেংবাং পীনবা হেনগৎহনগনি অমসুং স্পেসিএল স্ত্রেতেজিক অমসুং গ্লোবেল পার্তনরশিপ চেৎশিনহনগনি। অনিশুবা ভারত-জপান 2+2 দাইলোগ অসি জপানদা সেপ্তেম্বর 2022দা পাংথোকখি।

*****