পঞ্চায়তী রাজগী মন্ত্রালয়
পঞ্চায়ত রিপ্রজেন্তেতিবশিংনা ওগস্ত ১৫, ২০২৪দা লাল কিলাদা পাংথোকপা ৭৮শুবা ইন্দিপেন্দেন্স দেগী সাক্ষি ওইখ্রে
Posted On:
15 AUG 2024 6:56PM by PIB Imphal
ভারতকী ৭৮শুবা ইন্দিপেন্দেন্স দেগী পাংথোকপা পুৱারী ওইরবা থৌরমদা লৈবাক পুম্বদগী পঞ্চায়তি রাজ ইন্সতিত্যুসনশিংগী খনগৎলবা রিপ্রজেন্তেতিব চাউরাক্না ৪০০না অখন্নবা মীথুংলেন ওইনা লাল কিলাদা তিনখি। কেন্দ্র সরকারগী লীচিং মখাদা হৌদোকপা ইনিসিয়েতিব অসিনা রুরেল ইন্দিয়াগী ইহুলশিংবু লৈবাক্কী কোনুং ফাওবা পুরক্তুনা য়ুনিতী অমসুং সেয়ার্দ পর্পজগী সেন্স অমা থৌগৎলি।
![](https://static.pib.gov.in/WriteReadData/userfiles/image/image001JFVY.jpg)
লাল কিলাগী লানবনদগী প্রধান মন্ত্রী শ্রী নরেন্দ্র মোদীনা লৈবাক মীয়ামদা ৱা ঙাংলদুনা ভারতকী প্রোগ্রেস অমসুং প্রোসপেরিতীদা লোকেল গবর্নান্সকী মরুওইবা থৌদাংদা অকনবা ৱাফমশিং থমখি। মহাক্না পঞ্চায়তশিং য়াওনা লৈবাক্কী ইন্সতিত্যুস্নেল য়ুনিত লাখ অহুমদা চহিগী ওইনা অর্থ থোকপা রিফোর্ম অনি ইমপ্লিমেন্ত তৌনবা ফোংদোকখি। প্রধান মন্ত্রীনা হায়খি, “করিগুম্বা ঐখোয়না চহি অমদা রিফোর্ম লাখ ২৫-৩০ ফংবা ঙমলগদি, মীচম প্রজাগী থাজবা হেনগৎকনি অমসুং ঐখোয়গী লৈবাক অসি অনৌবা অৱাংবা থাক্তা য়ৌরগনি।”
তোঙান তোঙানবা রিজনশিংদগী ত্রেদিসনগী ওইবা ফিজোলশিংনা লৈতেংলবা পঞ্চায়ত রিপ্রজেন্তেতিবশিংনা লাল কিলাগী কোর্তয়ার্দপু ভারতকী দাইবরসিতীগী ময়েক লারবা কেনভাস অমদা ত্রান্সফোর্ম তৌখি। ত্রাইকলর অমসুং লৈবাক নিংবগী শেয়র্দ স্পিরিতনা পুন্সিন্দুনা গ্রাসরুত লুচিংবশিং অসিনা ‘য়ুনিতী ওফ দাইবরসিতী’গী ফজবশিং উৎথোকখি।
![](https://static.pib.gov.in/WriteReadData/userfiles/image/image002LEHT.jpg)
৭৮শুবা ইন্দিপেন্দেন্স দেগী মাংওইননা, পঞ্চায়তি রাজ ইন্সতিত্যুসনশিং (পি.আর.আই.)গী ইলেক্তেদ ৱুমেন গিপ্রজেন্তেতিবশিং (ই.দবল্যু.আর.)বু ইকায় খুম্ননবা অখনবা ফেলিসিতেসন থৌরম অমা পাংথোকখি। থৌরমদুদা লৈবাক্কী তোঙান তোঙানবা মফমশিংদগী পার্তিসিপেন্ত চাউরাক্না ৪০০না শরুক য়াখি অমসুং নিংথিনা মথৌ তৌরিবা পঞ্চায়ত লুচিংবশিংবু অখন্নবা মীথুংলেন ওইনা বার্তন তৌখি। পঞ্চায়তি রাজগী কেন্দ্র মন্ত্রী শ্রী রজিব রঞ্জন সিংহ অমসুং পঞ্চায়তি রাজগী কেন্দ্র রাজ্য মন্ত্রী প্রোফেসর এস. পি. এস. বাঘেলনা লোকেল গবর্নান্সতা নুপীগী চাউরবা থৌদাংবু শকখংদুনা মখোয়গী পার্তিসিপেসন অমসুং লীদরশিপ্পু থৌগৎখি। থৌরম অদুদা পঞ্চায়তি রাজ মন্ত্রালয়গী সেক্রেতরী শ্রী বিবেক ভারদ্বাজ, স্পিসিয়েল সেক্রেতরী দা. চন্দ্র শেখর কুমার, জোইন্ত সেক্রেতরীশিং শ্রী অলোক প্রেম নগর, শ্রীমতী মমতা বর্মা, শ্রী বিকাস অনন্দ, শ্রী রাজেশ কুমার সিংহ, ইকোনোমিক এদবাইজর দা. বিজয়া কুমার বেহরা, তোঙান তোঙানবা রাজ্যশিংদগী ওফিসিয়েলশিং অমসুং অতোপ্পা পার্তিসিপেন্তশিংনা শরুক য়াখি।
পঞ্চায়তি রাজ মন্ত্রালয়না লেংলক্লিবা পঞ্চায়ত রিপ্রজেন্তেতিবশিংগীদমক থৌরম লোইরবা মতুং নুংথিলগী চাকলেন য়াওনা থোইদোক হেনদোকপা এক্সপরিয়েন্স অমা লান্থোকখি। প্লেতফোর্ম অসিনা দেলেগেতশিংবু এক্সপরিয়েন্স শেয়র তৌবা, অমনা অমগী খ্বাইদগী ফবা প্রেক্তিসশিংদগী তম্বা, অমসুং ২০২৪গী ওগস্ত ১৪-১৫গী মনুংদা মন্ত্রালয়গী ইনোবেতিব ইনিসিয়েতিবশিংগী মতাংদা খংনবগী তাঞ্জা ফংখি।
![](https://static.pib.gov.in/WriteReadData/userfiles/image/image003YABU.jpg)
পঞ্চায়ত রিপ্রজেন্তেতিবশিংদা পীরিবা অমুক্তা ওইখিদ্রিবা বার্তন অসিনা লৈবাক পুম্বদা গ্রাসরুত গবর্নান্সতা অনৌবা ইনর্জী অমা পীরে। মসিনা রুরেল লোকেল বোদীশিং শক্তি লৈহন্নবা সরকারগী ৱারেপ অমসুং নেসন-বিলদিংদা মখোয়গী শোইফদ্রবা থৌদাং অদু খংহনবদা শাহৌ পীরে। ভারতনা মসিগী নিংতম্বগী ৭৮শুবা চহিদা থাজবগা লোয়ননা চংশিনলিবগী পুৱারী ওইরবা থৌরম অসিদা পঞ্চায়ত রিপ্রজেন্তেতিবশিংনা এক্তিব ওইনা শরুক য়াবা অসিনা ইনক্লুসিব গ্রোথ অমসুং সস্তেনেবল দেবেলপমেন্তকী মায়কৈদা লৈবাক্কী খোংচৎতা মশক নায়বা মাইলস্তোন অমা মার্ক তৌরি।
***
(Release ID: 2046225)
Visitor Counter : 4