ঙাকশেল মন্ত্রালয়
ওগস্ত ১৫,২০২৪ দা লাল কিলাদা প্রধান মন্ত্রী শ্রী নরেন্দ্র মোদীনা লুচিংদুনা ৭৮শুবা নিংতম্বা নুমিৎ থৌরম পাংথোক্কনি
শিংথানিঙাই ওইরবা মোনুমেন্ত অসিদা ‘বিকসিত ভারত @ 2047’ গী পান্দম লাউথোক্কনি
অচৌবা থৌরম অসিদা শরুক য়ানবা অখন্নবা অতিথি ৬,০০০ রোম চেবাউ পীখ্রে
Posted On:
14 AUG 2024 2:15PM by PIB Imphal
ওগস্ত ১৫,২০২৪ দা পুৱারি ওইরবা লাল কিলাদা প্রধান মন্ত্রী শ্রী নরেন্দ্র মোদীনা মীয়াম লুচিংদুনা ৭৮শুবা নিংতম্বা নুমিৎ থৌরম পাংথোক্কনি। মহাক্না জাতিগী ফিরাল পাইহনগনি অমসুং শিংথানিঙাই ওইরবা মোনুমেন্ত অসিদগী লৈবাক্কী মীয়ামদা ৱা ঙাংগনি। চহি অসিগী নিংতম্বা নুমিৎ থৌরমগী পান্দমদি ‘বিকসিত ভারত @ 2047’ নি। ২০৪৭ ফাওবগী মনুংদা লৈবাক অসি চাউখৎলবা লৈবাক অমা ওইহন্নবা সরকারনা পায়খৎলিবা থবকশিংদা অনৌবা ইনোৎ অমা পীনবা থৌরম অসিনা মফম অমা ওইনা থবক তৌগনি।
অখন্নবা অতিথিশিং
লৈবাক্কী হরাও-তয়াম্বা কুহ্মৈ অসিদা মীয়াম শরুক য়াবা হেনগৎহন্নবা পান্দমগা লোয়ননা, চহি অসিদা লাল কিলাদা থৌরম শরুক য়ানবা চাউরাক্নবা অখন্নবা অতিথি ৬০০০ রোম চেবাউ পীখ্রে। শরুক য়াগদৌরিবা মীওইশিং অসি তোঙান-তোঙানবা শীনফমশিংগী মীওইশিং, নহারোলশিং, ত্রাইবেলশিং, লৌমীশিং, নুপীশিং, অখন্নবা অতিথিশিং অমসুং সরকারগী স্কিমশিংগী মতেংদগী তোঙান-তোঙানবা হিরমশিংদা মাইপাক্লবা মীওইশিং য়াওরি।
অতল ইন্নোবেসন মিসন অমসুং পি.এম শ্রী স্কিমগী কান্নবা ফংলবা মহৈরোয়শিং, মেরা যুব ভারত(মাই ভারত) অমসুং নেসনেল সর্বিস স্কিমগী মখাদা ‘মেরি মাতি মেরা দেস’ স্কিমগী ভোলুন্তিয়ারশিং থৌরম অসিদা শরুক য়াগনি। অতিথিশিংগী মনুংদা ত্রাইবেল খুৎহৈবশিং/বন ধন বিকাস মেম্বরশিং অমসুং নেসনেল সেদুল ত্রাইবস ফাইনান্স এন্দ দিবলপমেন্ত কোর্পোরেসন্না শেন্থং পীবা ত্রাইবল ওন্ত্রেপ্রেনিউয়রশিং অমসুং প্রধান মন্ত্রী কিষান সম্মান নিধি, প্রধান মন্ত্রী ফাসাল বিমা য়োজনাগী বেনিফিসরিশিং অমসুং ফার্মরস প্রদুসিং ওর্গনাইজেসনশিংগী মীহুৎশিং য়াওরি।
অশা, এ.এন.এম অমসুং অঙ্গনৱাদি ৱার্করশিং, মীখলদা খল্লকপা নুপী মীহুৎশিং, সংকল্প: হব ফোর ইম্পৱারমেন্ত ওফ ৱুমেন, লাখপতি দিদি অমসুং দ্রোন দিদিগী বেনিফিসরিশিং অমসুং সাখি কেন্দ্র স্কিম অমসুং চাইল্দ ৱেলফিয়ার কম্মিতি অমসুং দিস্ত্রিক চাইল্দ প্রোতেক্সন য়ুনিতশিংগী ৱার্করশিং থৌরম অসিদা শরুক য়াগনি।
হন্দক পাংথোকখিবা পেরিস ওলেম্পিক্সতা শরুক য়াখিবা ভারতকী শান্নরোয়শিং থৌরম অসিদা শরুক য়াগনি। এস্পিরেসনেল ব্লোকস প্রোগ্রামগী ব্লোক অমমমদগী মীওই অমা, বি.আর.ওগী শিন্মীশিং, প্রেরানা স্কুল প্রোগ্রামগী মহৈরোয়শিং অমসুং মরুওইবা স্কিমশিং মপুংফানা পায়খৎলবা গ্রাম পঞ্চায়তশিংগী সরপঞ্চশিং থৌরম অসিদা শরুক য়াগনি।
তোঙান-তোঙানবা রাজ্যশিং/য়ু.তিশিংগী মীওই ২,০০০ রোম নাতকী ফিজোল শেৎতুনা থৌরম অসি শরুক য়াগনি। দিফেন্স মিনিস্ত্রিনা MyGov অমসুং অকাসবানিগা লোয়ননা শীনখিবা তোঙান-তোঙানবা ওনলাইন চাংদম্নবশিংদা মাইপাক্লবা মীওই ৩০০০ রোম থৌরম অসিদা শরুক য়াগনি।
থৌরম
প্রধান মন্ত্রীনা লাল কিলাদা থুংলবদা দিফেন্স মিনিস্তর শ্রী রাজনাথ সিংহ, দিফেন্সকী রাজ্য মন্ত্রী শ্রী সঞ্জয় সেথ অমসুং দিফেন্স সেক্রেতরি শ্রী গিরিধার অরামানেনা তরাম্না ওক্কনি। দিফেন্স সেক্রেতরিনা জেনেরেল ওফিসার কমান্দিং(জি ও সি), দিল্লি এরিয়া লেপ্তনেন্ত জেনেরেল ভাবনিস কুমার প্রধান মন্ত্রীদা শক তাক্কনি। জি.ও.সি, দিল্লি এরিয়ানা প্রধান মন্ত্রী সেলুতিং বেজ ফাওবা পুগনি অমসুং মফম অদুদা প্রধান মন্ত্রীদা ইন্তর-সর্বিসেস অমসুং দিল্লি পুলিসকী অপুনবা জেনেরেল সেলুত পীগনি। তুংদা, প্রধান মন্ত্রীনা গার্দ ওফ ওনর য়েংগনি।
প্রধান মন্ত্রীগী গার্দ ওফ ওনর কন্তিঞ্জেন্তদা ওফিসার অমা অমসুং লান্মী, নেভি, এয়ার ফোর্স অমসুং দিল্লি পুলিসতগী মীওই ২৪/২৪ য়াওরি। চহি অসিগী ওইনা ভারত নেভিনা মতেং পাংবগী থবক তৌরি। গার্দ ওফ ওনর অসি কমান্দর অরুন কুমার মহেতানা লুচিংগনি। প্রধান মন্ত্রীগী গার্দকী আর্মি কন্তিঞ্জেন্ত মেজর অর্জুন সিংহনা লুচিংগনি, নেভিগী কন্তিঞ্জেন্তনা লেপ্তনেন্ত কমান্দর গুলিয়া ভাবেস এন.কেনা লুচিংগনি অমসুং এয়র ফোর্স কন্তিঞ্জেন্তনা ইসক্বাদ্রোন লিদর এক্ষারা উনিয়ালনা লুচিংগনি। দিল্লি পুলিসকী কন্তিঞ্জেন্তনা এদিসেনল দি.সি.পি অনুরাগ দ্বিবেদিনা লুচিংগনি।
গার্দ ওফ ওনর য়েংলবা মতুংদা, প্রধান মন্ত্রীনা লাল কিলাদা চঙশিনখিবা মতমদা মফম অদুদা মহাক দিফেন্স মিনিস্তর শ্রী রাজনাথ সিংহ, দিফেন্সকী রাজ্য মন্ত্রী শ্রী সঞ্জয় সেথ, চীফ ওফ দিফেন্স স্তাফ জেনেরেল অনিল চৌহান, চীফ ওফ আর্মি স্তাফ জেনেরেল উপেন্দ্র দ্বিবেদি, চীফ ওফ নেভেল স্তাফ এদিমরেল দিনেস কে ত্রিপাথি অমসুং চীফ ওফ এয়র স্তাফ এয়র চীফ মার্সেল ভি.আর চৌধুরিনা তরাম্না ওক্কনি। জাতিগী ফিরাল পাইহন্নবগীদমক জি.ও.সি দিল্লি এরিয়ানা প্রধান মন্ত্রী লাল কিলাগী দাইজ ফাওবা পুখৎকনি।
জাতিগী ফিরাল পাইহনবদা লেপ্তনেন্ত সনজিৎ সাইনিনা প্রধান মন্ত্রীগী মতেং পাংগনি। ফিরাল চিংখৎলিঙৈ মনুংদা ১৭২১ ফিল্দ বেত্তরি(সেরিমোনিএল)গী গন্নরশিংনা গন সেলুত ২১ পীগনি। সেরিমোনিএল বেত্তরি অসিনা ১০৫ এম.এম লাইত ফিল্দ গনশিং শীজিন্নগনি অমসুং মেজর সাবনিস কাউসিকনা লুচিংগনি অমসুং গন পোজিসন ওফিসারনা নাইক সুবেদার অনুতোস সরকারনা ওইগনি।
লান্মী, নেভি অমসুং এয়র ফোর্সতগী ওথর রেঙ্ক ৩২/৩২ অমসুং দিল্লি পুলিসকী পর্সোনেল ১২৮ অমসুং ওফিসার অমা য়াওবা নেসনেল ফ্লেগ গার্দনা প্রধান মন্ত্রীনা জাতিগী ফিরাল পাইহনবা মতমদা রাস্ত্রিয়া সেলুত পীগনি। মসিগী ইন্তর-সর্বিসেস অমসুং পুলিস গার্দ অসি কমান্দর বিনয় দুবেনা লুচিংগনি।
নেসনেল ফ্লেগ গার্দতা আর্মিগী কন্তিঞ্জেন্ত মেজর দিনেস ঙাঙোম, নেভেল কন্তিঞ্জেন্তনা লেপ্তনেন্ত কমান্দর সাচিন ধানখার অমসুং এয়র ফোর্স কন্তিঞ্জেন্তনা ইসক্বাদ্রোন লিদর সি.এস শ্রাধন দেবাইয়ানা লুচিংগনি। এদিসনেল দি.সি.পি অচিন গার্গনা দিল্লি পুলিস কন্তিঞ্জেন্ত লুচিংগনি।
ফিরাল পাইহল্লবা মতুংদা, মচু অহুমগী ফিরালদা ‘রাস্ত্রিয়া সেলুত’ পীগনি। জাতিগী ফিরাল পাইহল্লিঙৈ মনুংদা জে.সি.ও অমা অমসুং অতোপ্পা রেঙ্ক ২৫ য়াওবা পঞ্জাব রেজিমেন্ত মিলিতরি বেন্দনা নেসনেল এন্থেম খোঙগনি অমসুং রাস্ত্রিয়া সেলুত পীগনি। বেন্দ অদু সুবেদার মেজর রাজিন্দর সিংহনা লুচিংগনি।
প্রধান মন্ত্রীনা জাতিগী ফিরাল পাইহনবা হেক লোইবগা, ইন্দিয়ান এয়র ফোর্সকী এদভান্স লাইত হেলিকোপ্তর ধ্রুব অনিনা লাইন এস্তর্ন ফোর্মেসন্দা মফম অদুদা লৈনাশিং চাইথরক্কনি। হেলিকোপ্তরশিং অদুগী কেপ্তেনশিং ৱিং কমান্দর অম্বর অগরৱাল অমসুং ৱিং কমান্দর রাহুল নাইনৱালনা ওইগনি।
লৈনাশিং চাইথবা লোইরবা মতুংদা, প্রধান মন্ত্রীনা মীয়ামদা ৱা ঙাংগনি। মহাক্কী ৱারোল লোইশিল্লকপদা, এন.সি.সিগী কেদেদশিংনা নেসনেল এন্থেম শক্কনি। থৌরম অসিদা লৈবাক শীনবা থুংবগী তোঙান-তোঙানবা স্কুলশিংগী অপুনবা নুপামচা অমসুং নুপীমচা কেদেদ ২০০০ শরুক য়াগনি। হায়রিবা কেদেদশিং অসি লাল কিলাগী মায়োক্নবদা লৈবা গ্যানপথতা ফমগনি। মখোয়না মচু অহুমগী কিতশিংগা লোয়ননা ‘My भारत’ লোগো শেমগনি। থৌরম অসিদা এন.এস.এস ভোলুন্তিয়ার ৫০০ শরুক য়াগনি।
***
(Release ID: 2045242)
Visitor Counter : 42
Read this release in:
Odia
,
Bengali
,
Malayalam
,
Tamil
,
Assamese
,
English
,
Urdu
,
Marathi
,
Hindi
,
Hindi_MP
,
Telugu
,
Kannada