ঙসি ওগস্ত 13, 2024 অসিদা দিল্লীগী লম্বীশিং ফাওদুনা হর ঘর তিরঙ্গা বাইক রেল্লী চৎখিবনা মরম ওইদুনা লৈবাক অসিগী কোনুংদা জাতিগী চাউথোকচবা অমসুং মীয়ামগী থৌনাগী ফজরবা শক্তম অমা উবা ফংখ্রে। নীংতম্বা অমসুং অপুনবগী ৱাখল্লোন পালন তৌনবা লৈবাক শিনবা থুংবদা পায়খৎপা থৌশিল অমগী শরুক ওইনা পাংথোকখিবা রেল্লী অসিদা জাতিগী চাউথোকচবগী খুদম তিরঙ্গা পায়দুনা শরুক য়ারিবা কয়না লৈবাক নুংশিবা, অপুনবগী ৱাখল্লোন অমসুং জাতিগী শক্তাক পুক্নিং থৌগৎনবা অমত্তা ওইনা পুনশিনবা উবা ফংখি।

রেল্লী অসি ইকাই খুম্নরবা ভারতকী উপ রাস্ত্রপতি, শ্রী জগদীপ ধনখরনা লমথাখি। মহাক্না বাইকরশিংদা ইথিল পীখি অমসুং হায়খি, আজাদী কা অমৃত মহোৎসবকী শরুক অমা ওইনা হৌখিবা হর ঘর তিরঙ্গা ইনিসিএতিব অসি পাক শন্না চত্থবা খোঙজং অমা ওইরক্লি। চহি কয়া অসিদা মসিনা মায়পাকপা ঙমলকপদা “জনভাগীদারী”না কয়া য়াম্না মরু ওইখিবা হায়বদু মহাক্না ফোংদোকখি। ঙসিগী নুমিৎ অসি ভারতকী ভিকসিৎ ভারত@2047গী খোঙচৎকী মরু ওইবা মাইলস্তোন অমা ওইনা নীংশিংদুনা লৈহৌরগনি হায়না মহাক্না মখা তাখি। মহাক্না মখা তানা হায়খি, "ঐখোয় অসি হৌজিক্তি পোতেন্সিএল নত্ত্রগা ৱাশক অমগা লোয়ননা লৈবা লৈবাক অমা ওইদ্রে। ঐখোয়না ঙসিদি মমাংদা অমুক্তা ওইখিদ্রিবা মওংদা চাউখৎলক্লিবা লৈবাক অমা ওইরে। ঐখোয়গী খুমাং চাউশিল্লকপা অসি থিংবা ঙম্লোই। ঐখোয়গী চাউখৎপা অসিনা ঐখোয়বু 2047 ফাওবদা চাউখৎলবা লৈবাক অমা ওইহল্লগনি। মতম অদুদা ঐখোয়না ঐখোয়গী নীংতম্বা চহি 100শুবা থৌরম পাংথোক্কনি।

কলচর অমসুং তুরিজম মন্ত্রী, শ্রী গজেন্দ্র সিংহ শেখাৱতনা থৌরম অসিবু মহাক্কী পুক্নিং থৌগৎপা ফোংদোকখি অমসুং হায়খি মদুদি হর ঘর তিরঙ্গা বাইক রেল্লী অসি ঐখোয়গী লৈবাক্কী নীংতম্বগী কুহ্মৈ অমা ওইবতা নত্তনা ঐখোয়বু পুন্না শম্নহল্লিবা অপুনবগী ৱাখল্লোন অমসুং মপাঙ্গল অদুসু নীংশিংহল্লি।

রেল্লী অসি ভারত মন্দপমদগী হৌখি অমসুং শরুক য়ারিবশিংনা মখোয়গী ইঞ্জিনশিং ঙংখি অমসুং মখোয়গী বাইকশিংদা জাতিগী ফিরাল উৎখি। থৌরম অদুদা বাইক থৌবা মীওইশিংনা তিরঙ্গা হায়দুনা নুংঙাইবা ফোংদোক্নখি। মখোয়না সহর অসিগী মরুওইবা মফমশিংদা চৎপা মতমদা নুংঙাইবা ফোংদোক্নখি। লম্বী অসি কুহ্মৈগী লৈতেংশিং অমসুং লৈবাক নুংশিবগী পাউজেলশিংনা মশক তাক্তুনা, নুংঙাইবা ফীভম অমা ওইখি।

কলচর মন্ত্রালয়না হৌদোকখিবা হর ঘর তিরঙ্গা কেম্পেন্না প্রজাশিংদা মখোয়গী য়ুমদা জাতিগী ফিরাল থেৎনবা অমসুং লৈবাক অসিগী হেরিতেজবু ইকাই খুম্নবা উৎলিবা থবক থৌরমশিংদা শরুক য়ানবা পুক্নিং থৌগৎলি। বাইক রেল্ লী অসিনা মীচম মীয়ামগী মরক্তা লৈরিবা কম্ম্যুনিতি অমসুং পেত্রিওতিজমগী মপাঙ্গল অদু উৎতুনা কেম্পেন অসি মায় পাকপগী খুদম ওইখি। থৌরম অসিদা শরুক য়ানবা অরাপ্পা লমদমশিংদগী লাকখিবা থৌনা ফরবা শরুক য়ারিবা মীওই কয়া অমনা মখোয়গী লৈবাক নুংশিবগী ইথিল অদু মঙাল নাইনা উৎখি, ফিরাল হায়খি, অমসুং থৌনা ফনা লাউখি।

লোক সভাগী হান্নগী মেম্বর শ্রীমতী মীনাক্ষি লেখি, পার্লিয়ামেন্তরী এফিয়র্স অমসুং মাইনোরিতী এফিয়র্সকী মন্ত্রীমন্দলগী কিরেন রিজিজু, লেবর অমসুং ইমপ্লোইমেন্তকী মন্ত্রী মনসুখ এল. মান্দাবিয়া, অমসুং সিভিল এভিয়েসন মন্ত্রী, কিঞ্জারাপু রাম মোহন নাইদু য়াওনা য়াওনা পার্লিয়ামেন্তকী শক্নাইরবা মেম্বরশিং শরুক য়াদুনা থৌরাং অসিগী ইম্পেক্ত হেনগৎহনখি অমসুং লৈবাক শিনবা থুংনা মীওই কয়া অমা পুক্নিং থৌগৎখি।

রেল্লী অসি ধ্যান চান্দ স্তেদিয়মদা শরুক য়ারিবশিং অমসুং কম্ম্যুনিতীগী লুচিংবশিংনা থৌরম অসিগী মরুওইবা অদু উৎনবা অপীকপা থৌরম অমা পাংথোক্তুনা লোইশিনখি। নুমিৎ অসিগী থবক থৌরমশিং অসি কলচরেল পর্ফোমেন্স, স্পিচ অমসুং কম্ম্যুনেল মীফম অমনা মপুং ফাহনখি, মসিনা পুন্না লৈমিন্নবগী ৱাখল্লোনবু হেন্না মপাঙ্গল কনখৎহনখি। সেন্তর ফোর কলচরেল রিসোর্স এন্দ ত্রেনিং (CCRT) অমসুং ললিত কালা একাদেমীনা শিন্দুনা লৈবাক্কী কোনুং অসিদা তিরঙ্গা রেল্লী কয়া পাংথোকখি। মসিগী মথক্তা, তিরঙ্গা রেল্লীশিং, তিরঙ্গা কন্সর্তশিং, তিরঙ্গা রনশিং অমসুং মেরাথোনশিংগা লোয়ননা লৈবাক অসিগী মফম কয়াদা লৈবাক নীংবগী ওইবা থবক থৌরমশিং হায়বদি একজিবিসনশিংসু য়াম্না পুক্নিং থৌগৎনা পাংথোক্লি।

হরঘর তিরঙ্গা বাইক রেল্লী অসি মীয়ামগী পুক্নিং থৌগৎপা অমসুং মীয়ামগী থৌদাংনা মতৌ করম্না লৈবাক্কী ভেল্যুশিংবু মগুন লৈবা মওংদা পাংথোকপদা মতেং পাংবগে হায়বগী মশক থোকপা খুদম অমনি। লৈবাক অসিনা আগী হেরিতেজ অসিবু ইকাই খুম্নবা উৎনবা অসিগুম্বা থৌরমশিং অসিনা ঐখোয়গী লৈবাক অসিবু মপাঙ্গল কনখৎহনবদা মরুওইবা থৌদাং অমা লৌরি।

****