آج، یعنی 13 اگست، 2024 کو دہلی کی سڑکوں پر ہر گھر ترنگا بائیک ریلی کے دوران قومی فخر اور برادری کے جذبے کا شاندار مظاہرہ قومی دارالحکومت نے دیکھا۔ آزادی اور اتحاد کے جذبے کو منانے کے لیے ملک گیر پہل کے حصے کے طور پر منظم کردہ  ریلی میں سینکڑوں شرکاء قوم کا فخر ترنگا اٹھائے ہوئے دِکھے اور حب الوطنی، اتحاد اور قومی شناخت  کو فروغ دینے کے لیے ایک ساتھ جمع ہوئے۔

ریلی کا آغاز ہندوستان کے عزت مآب نائب صدر جناب جگدیپ دھنکھڑ نے کیا، جنہوں نے بائیک چلانے والوں کوتحریک دی اور کہا کہ ہر گھر ترنگا پہل، جو آزادی کا امرت مہوتسو کے حصے کے طور پر شروع ہوئی ہے، ایک وسیع تحریک میں تبدیل ہو گئی ہے۔  انہوں نے اس بات پر روشنی ڈالی کہ کس طرح ‘‘جن بھاگیداری’’ گزشتہ برسوں میں اپنی کامیابی کے لیے اہم رہی ہے۔ انہوں نے مزید کہا کہ یہ دن وِکست بھارت@2047 کے لیے بھارت کے سفر میں ایک اہم سنگ میل کے طور پر ہمیشہ یاد رکھا جائے گا۔ انہوں نے مزید کہا،‘‘ہم اب ایک صلاحیت یا وعدے کی حامل قوم نہیں رہے۔ ہم آج ایک ایسی قوم ہیں جو پہلے سے کہیں زیادہ عروج پرہیں۔ ہمارا عروج  رکنے والا نہیں ہے۔ ہمارا عروج ہمیں 2047 تک ایک ترقی یافتہ ملک بنائے گا، جب ہم اپنی آزادی کی صد سالہ جشن منارہے ہوں گے۔

ثقافت اور سیاحت کے وزیر جناب گجیندر سنگھ شیخاوت نے اس تقریب کے لیے اپنے جوش و خروش کا اظہار کیا اور کہا کہ ہر گھر ترنگا بائیک ریلی نہ صرف ہمارے ملک کی آزادی کا جشن ہے بلکہ اس اتحاد اور طاقت کی یاد دہانی بھی ہے جو ہمیں ایک دوسرے سے مربوط رکھتی  ہے۔

ریلی کا آغاز بھارت منڈپم سے ہوا جس میں شرکاء نے اپنے انجنوں کو بحال کیا اور اپنی بائک پر قومی پرچم کو فخریہ انداز میں دکھایا۔ اس تقریب میں بائیک سواروں کا ایک شاندار جلوس جب وہ شہر کے اہم مقامات سے گزرتے تھے، ترنگا لہراتے اور خوشی مناتے ہوئےدیکھا گیا۔ راستے نے تہوار کی سجاوٹ اور حب الوطنی کے پیغامات کامشاہدہ کیا  جس سے ایک برقی ماحول پیدا ہورہا تھا۔

ہر گھر ترنگا مہم، جو وزارت ثقافت کی طرف سے شروع کی گئی ہے، شہریوں کی حوصلہ افزائی کرتی ہے کہ وہ اپنے گھروں پر قومی پرچم آویزاں کریں اور ملک کے ورثے کو منانے والی سرگرمیوں میں حصہ لیں۔ یہ بائیک ریلی مہم کی کامیابی کا منہ بولتا ثبوت تھی، جس نے شہریوں میں کمیونٹی اور حب الوطنی کے مضبوط جذبے کو اجاگر کیا۔ پرجوش شرکاء، جن میں سے بہت سے دور دراز علاقوں سے اس پروگرام کا حصہ بننے کے لیے آئے تھے، نے جاندار پرفارمنس، پرچم لہرانے اور پرجوش نعروں کے ذریعے اپنی حب الوطنی کا اظہار کیا۔

لوک سبھا کے سابق ممبر سمیت ممتاز ممبران پارلیمنٹ محترمہ  میناکشی لیکھی، کابینی وزیر برائے پارلیمانی امور اور اقلیتی امور، کرن رجیجو، ​​محنت اور روزگار کے وزیر منسکھ ایل منڈاویہ، اور شہری ہوابازی کے وزیر، کنجراپو رام موہن نائیڈو کی موجودگی اور فعال شرکت نے اس پہل کے اثرات کو بڑھایا اور ملک بھر کے بے شمار افراد کو حوصلہ بخشا۔

ریلی دھیان چند اسٹیڈیم میں ایک چھوٹی سی تقریب کے ساتھ اختتام پذیر ہوئی، جہاں شرکاء اور کمیونٹی لیڈر اس تقریب کی اہمیت پر غور کرنے کے لیے جمع ہوئے۔ اس دن کی سرگرمیاں ثقافتی پرفارمنس، تقاریر اور فرقہ وارانہ اجتماع سے مکمل ہوئیں، جس سے اتحاد کے احساس کو مزید تقویت ملی۔ کئی ترنگا ریلیاں  قومی دارالحکومت میں دِکھائی دیں ، جیسے کہ ثقافتی وسائل اور تربیت کے مرکز (سی سی آرٹی) اور لِلت کلا اکادمی کی طرف سے منعقد کی گئی ریلیاں۔ مزید برآں، ملک بھر میں ترنگا ریلیاں، ترنگا کنسرٹس، ترنگا دوڑ اور میراتھن کے ساتھ ساتھ دیگر حب الوطنی کی سرگرمیوں جیسے نمائشوں کا انعقاد پورے ملک میں بڑے جوش و خروش سے کیا جا رہا ہے۔

ہر گھر ترنگا بائیک ریلی اس بات کی ایک روشن مثال  ہے کہ کس طرح اجتماعی جوش و خروش اور شہری مصروفیت قومی اقدار کے بامعنی جشن کو آگے بڑھا سکتی ہے۔ چونکہ پوراملک اپنے ورثے  کا احترام کرتارہتا ہے، اس طرح کے واقعات ہماری قوم کے تانے بانے کو تقویت دینے میں اہم کردار ادا کرتے ہیں۔

***********

(ش ح۔ا ک۔ ع آ)

U: 9766