নেস্নেল স্তেন্দর্দ্স বোদী ওফ ইন্দিয়া ওইরিবা ব্যুরো ওফ ইন্দিয়ন স্তেন্দর্দ্স (বি.আই.এস.)না এনভাইরনমেন্ত অমসুং ইকোলোজীগা মরী লৈনবা হীরমশিংগী স্তেন্দার্দাইজেসন তৌনবগীদমক এনভাইরনমেন্ত এন্দ ইকোলোজী দিপার্তমেন্ত (ই.ই.দি.) কৌবা অনৌবা দিপার্তমেন্ত অমা শেম্লে‍।

নৌনা শেম্লবা দিপার্তমেন্ত অসিগী তুংগী থবক থৌরমশিংগী মরা চেৎপা য়ুম্ফম অমা থোন্নবগীদমক, ব্যুরো অসিনা ১২.০৮.২০২৪দা মফম অসিদা ‘স্তেন্দার্দাইজেসন ফোর এনভাইরনমেন্ত এন্দ ইকোলোজী’ হায়বা হীরমসিদা ৱর্কসোপ অমা পাঙথোকখ্রে‍।

শ্রী প্রমোদ কুমার তিৱারী, দাইরেক্তর জেনেরেল, বি.আই.এস.না, মহাক্কী হৌদোকপগী ৱারোলদা, “অনৌবা এনভাইরনমেন্ত এন্দ ইকোলোজী দিপার্তমেন্ত অসি শেম্বগা লোয়ননা, ঐখোয়না খ্বায়দগী ফবা স্তেন্দর্দ্সকী মথৌ তাবশিং ফংহন্বদা নত্তনা ইকোলোজীগী মথৌ তাবা পুম্নমক পায়খৎনবা মপুং ফাবা থবক থৌওংগী থৌরাং অমা শেম্লিবনি” হায়খি‍। ব্যুরো অসিনা ভারত অমসুং মালেমগী ওইবা স্তেন্দর্দশিং শেম্নবা পান্দম থম্লি হায়না মহাক্না হায়খি‍। এনভাইরন্মেন্তেল স্তেন্দার্দাইজেসনগী লমদা লুচিংবা অমা ওইনবা অমদি মালেমগী ওইনা সস্তেনেবিলিতীগী লমদা বেঞ্চমার্ক শেম্নবগী মঙলানগা লোয়ননা মথঙগী থা অনিসিদা বি.আই.এস.না সেমিনারশিং পাঙথোক্কনি হায়বা ৱাফমসু মহাক্না ফোঙদোকখি‍।

ৱর্কসোপ অদুদা অথোইবা মীথুং ওইনা শরুক য়াখিবা শ্রীমতী লীনা নন্দন, সেক্রেতরী, এনভাইরনমেন্ত, ফোরেস্ত এন্দ ক্লাইমেত চেঞ্জ মন্ত্রালয় (এম.ও.ই.এফ.সি.সি.)না মহাক্কী ৱারোলদা, “ঐখোয়না স্তেন্দর্দ্সকী মরমদা ৱারী শানবা মতমদা, খ্বায়দগী মরুওইবদি অখঙ অহৈ অমদি কন্সল্তেন্তশিংগা মরী লৈনবা স্তেকহোল্দর কাঙলুপ পুম্নমক্কা অনিগী মরক্তা ৱারী ৱাতায় শান্নবদুনি,” হায়খি‍। খুন্নাইদা পাক শন্না ইথিল পীরিবা খেন্নবা ৱাফমশিংদা স্তেন্দর্দ পুরক্নবগীদমক বি.আই.এস., এনভাইরনমেন্ত অমসুং ফোরেস্ত মন্ত্রালয় অমদি অতৈ স্তেকহোল্দরশিংগী মরক্তা খুৎশম্ননা চৎমিন্নবগী মরুওইবা ৱাফমসু মহাক্না থমখি‍। অসুম্না খুৎশম্ননা চৎমিন্নবনা ইমো-মার্ক, তুং কোইগদবা শেমগৎপা উমংশিংগা মরী লৈনবা স্তেন্দর্দশিং অমসুং থবক থৌওংশিং নৎত্রগা ব্লু ফ্লেগ বীচেসনচিংবশিংগী লমদা কান্নবা পুরক্কনি হায়বা ৱাফমসু ফোঙদোকখি‍।

লৈবাক্কী তোঙান তোঙানবা মফমশিংদগী অখঙ অহৈ ১০০ হেন্বনা ৱর্কসোপ অদুদা শরুক য়াখি‍।

***