থাগী লৈমায়গী সাউথ পোলগী মনাক্তা বিক্রম লেন্দরবু মায় পাক্না তাহনখিবা অমসুং প্রগ্যান রোল্লর থৌহনখিবা চন্দ্রয়ান-3 মিসন মশক থোক্না মায় পাকখিবগী থৌওংবু নীশিংবা ওইনা ভারত সরকারনা ওগস্ত 23বু ‘লৈবাক্কী স্পেস নুমিৎ’ হায়না লাওথোকখ্রে। পুৱারী ওইরবা মায় পাকপা অসিনা ভারতপু স্পেস্তা মায় পাক্না য়ৌবা ঙম্বা অখন্নবা লৈবাকশিংগী মনুং চলহনখি অমসুং থৌওং অসিনা ভারতপু থা লৈমায়দা তাবা ঙমখিবা মরিশুবা লৈবাক অমসুং থাগী সাউথ পোলদা তাবা ঙমখিবা অহানবা লৈবাক ওইহনখি। মায় পাকপা অসি লৈবাক শিনবা থুংবদা জুলাই অমসুং ওগস্ত 2024 মনুংদা নুংঙাইবা ফোংদোক্নরি অমসুং মসিগী মপুং ওইবা পান্দমদি নহাশিংবু স্পেস সাইন্স অমসুং তেক্নোলোজীগী লমদা শরুক য়াহনবা অমসুং ইথিল পীবনি।

ফিশরীজ বিভাগনা শিন লাঙদুনা ফিশরীজ, এনিমেল হসবেন্দরী অমসুং দাইরিয়িং অমদি পঞ্চায়তী রাজকী রাজ্য মন্ত্রী, প্রোফঃ এস.পি. সিংহ বাঘেল অমসুং শ্রী জোর্জ কুরিয়ন, ফিশরীজ বিভাগকী সেক্রেতরী দাঃ অভিলক্ষ লিখী অমদি অতোপ্পা মীথুংলেন কয়া য়াওনা নই দিল্লীগী কৃষি ভবন্দা  হয়েংগী অয়ুক্কী পুং 10 তাবা মতমদা পাংথোক্কদবা “লৈবাক্কী স্পেস নুমিৎকী নুংঙাইবা ফোংদোকপা” হায়বা থৌরম অসিদা ফিশরীজ, এনিমেল হসবেন্দরী অমসুং দাইরিয়িং অমদি পঞ্চায়তী রাজকী কেন্দ্র মন্ত্রী, শ্রী রজিব রঞ্জন সিংহনা শরুক য়াগনি।  

চন্দ্রয়ান-3 মিসনগী মায় পাকপা অদু নীংশিংবা ওইনা, ফিশরীজ বিভাগনা দা: অভিলক্ষ লিখিগী লমজিং মখাদা "ফিশরীজ সেক্তরদা স্পেস তেক্নোলোজীশিং শীজিন্নবা" হায়বা সেমিনার অমসুং দেমোন্সত্রেসন কয়া অমা সমুদ্র পান্দা লৈবা রাজ্য অমসুং য়ু.তি.শিংদা পাংথোক্কনি। স্পেস তেক্নোলোজী ইন ফিশরীজ – এন ওভর্ভ্যু, মেরিন দোমেনগী কম্ম্যুনিকেসন অমসুং নেভিগেসন সিস্তেম, স্পেসতা য়ুম্ফম ওইবা ওবজর্বেসন অমসুং ফিশরীজ সেক্তর ফগৎহনবদা মসিগী ইম্পেক্ত হায়বনচিংবা হীরমশিং কোল্লিবা সেমিনার অমসুং দেমোন্সত্রেসনশিং অসি মফম 18দা পাংথোক্কনি।

স্পেস বিভাগ, আই.এন.সি.ও.আই.এস., ন্যু স্পেস ইন্দিয়া লিমিতেদ অমসুং ঙামী, সাগর মিত্র, এফ.এফ.পি.ও., ফিশরীজ কোওপরেতিব, আই.সি.এ.আর. ফিশরীজ রিসর্চ ইন্সতিত্যুত, রাজ্য/য়ু.তি.শিংগী ফিশরীজ বিভাগ, ফিশরীজ য়ুনিভর্সিতী অমসুং কোলেজকী মহৈরোই য়াওনা অতোপ্পা স্তেকহোল্দরশিংনা থৌরম অসিদা হাইব্রিদ মোদতা শরুক য়াগনি।

ভারতকী ফিশরীজ সেক্তরনা মরুওইনা খুঙ্গংগী লমশিংদা পুন্সি মহিং, থবক পীবা অমসুং শেন্মিৎলোনগী খুদোংচাবশিং ফংহনবদা মরুওইবা থৌদাং অমা লৌদুনা লৈবাক অসিগী শেন্মিৎলোনদা মরুওইবা থৌদাং অমা লৌরি। কিলোমীতর 8,118 শাংবা পাক চাউবা কোস্তলাইন অমা, স্ক্বার কিলোমীতর মিলিয়ন 2.02 কোনবা পাক চাউবা এক্সক্লুসিব ইকোনোমিক জোন (ই.ই.জে.দ.) অমা, অমসুং মরাং কায়না লৈবা ইনলেন্ত ৱাতর রিসোর্সশিংগা লোয়ননা, ভারতনা মরাং কায়বা অমসুং চাউখৎলক্লিবা ফিশরীজ ইকোসিস্তেম অমা উৎলি।

স্পেস তেক্নোলোজীশিংনা ভারতকী মেরিন ফিশরীজ মেনেজমেন্ত অমসুং দিবেলপমেন্তদা চাউনা মতেং পাংগনি। সেতিলাইত রিমোৎ সেন্সিং, আর্থ ওবজর্ভেসন, সেতেলাইত বেজ নেভিগেসন সিস্তেম অমসুং জি.আই.এস., সেতিলাইত কম্ম্যুনিকেসন, দেতা এনালাইতিক্স অমসুং এ.আই.নচিংবা তেক্নোলোজী খরনা সেক্তর অসিদা অহোংবা পুরকখি। সেতিলাইত রিমোৎ সেন্সিংনা মহাসাগরগী মচু, ক্লোরোফিল য়াওবগী মতৌ অমসুং সমুদ্রগী লৈমায়গী অইং-অশা য়েংশিন্নবা, ঙা ফাবা য়াবা মফমশিং মশক খঙদোক্নবা, অমসুং মহাসাগরগী হকশেল খঙদোক্নবগীদমক ফাইতোপ্লানক্তন হৌবগী মতৌ, সেদিমেন্ত অমসুং পোল্যুতেন্তশিং মশক খঙদোক্নবা ওসিন-সেত অমসুং ইন্সেতকুম্বা সেতিলাইতশিং শীজিন্নৈ। আর্থ ওবজর্বেসন্না সমুদ্রগী ইথক ইপোম য়েংশিন্নবা, অইং অশাগী তম্থীবা মতৌ য়েংশিন্নবা, ঙা ফাবগী থৌওং হেন্না চাউখৎহন্নবা অমসুং তেক্ত কায়দবা ওইহন্নবা ইন্সেত, ওসিন-সেত, এস.এ.আর.নচিংবা সেতিলাইতশিং শিজিন্নরি। সেতেলাইত বেজ নেভিগেসন সিস্তেম অমসুং জি.আই.এস.না ঙা ফাবগী জহাজশিংগীদমক নেভিগেসন ৱিথ ইন্দিয়ন কনস্তেলেশন (নেভিক)কী খুদোংচাবা লৈহল্লবা জি.এন.এস.এস. ত্রেক্কিং শিজিন্নরি অমসুং মেরিন হেবিতেৎ, ঙা ফাবগী মফমশিং অমসুং ঙাক-শেন্দুনা থম্লবা মফমশিং খঙদোক্নবা জি.আই.এস. মেপ্পিং শীজিন্নরি। সমুদ্রদা পাউ ফাওনবা ঙমলিবা অসি সেতেলাইত শিজিন্নবদগী ঙম্লিবনি। সেতিলাইত শিজিন্নবা কম্ম্যুনিকেসন নেৎৱার্কশিংনা জহাজ, কংফালদা লৈবা স্তেসন অমসুং রিসর্চ ইন্সতিত্যুসনশিংগী মরক্তা রিএল তাইমদা দেতা লান্নবা ঙমহন্দুনা ঙামীশিংদা মেরিতাইম দোমেন এৱিয়র্নেস, সেফতী অমসুং লাইবলিহুদ ফগৎহল্লি। দেতা এনালাইতিক্স অমসুং এ.আই.না ঙাগী দিস্ত্রিব্যুসনশিং মাংজৌননা তাকপা ঙম্মি, এনোমেলীশিং খঙদোকপা ঙম্মি, অমসুং তোঙান তোঙানবা সোর্সশিংদগী ফংলকপা দেতা শিজিন্নদুনা ফিশরীজ মেনেজমেন্ত হেন্না নীংথিনা অমসুং কান্ননা তৌবা ঙমহল্লি। মসিগুম্বা অৱাংবা থাক্কী সিস্তেমশিং অসিনা সেতিলাইত মোনিতরিংগী খুত্থাংদা ঈশিংদা ইফিসিএন্সি অমসুং সেফতী হেনগৎহল্লি অমসুং মসিনা আইন্না য়াদবা থবক থৌরমশিং খঙদোকই, এক্বা মেপিং তৌবদা তেংবাংই, অমসুং দিজাজতরগী ৱার্নিং পী। মসিগী মথক্তা, ইমেজ সেন্সিং অমসুং এক্বা জোনশিংগুম্বা তেক্নোলোজীশিংনা ফিশরী মেনেজমেন্ত তৌনবা অখন্নবা অমসুং কান্নবা খুৎলাইশিং পীরি।

পোতেন্সিএল ফিসিং জোন (পি.এফ.জেদ.)গী এদভাইজরীশিংনা মেরিন ফিশরীজ সেক্তরদা মশক থোকপা অহোংবা পুরক্লি। ওসিন-সেত সেতলাইত্তগী মহাসাগরগী মচু য়েংশিনবগী দেতা পুথোক্তুনা, ঙা মরাং কায়না লৈবা মফমশিং মশক খঙদোক্তুনা ঙা ফারিবশিংদা খঙহল্লি। ভারতকী মেরিন ফিশরীজ পোতেন্সিএল অসি 2014দা তন লাখ 3.49 ওইরম্বা অদুদগী 2023দা তন লাখ 5.31 ওইহনবা ঙম্লিবা অসি পি.এফ.জেদ. এদভাইজরীশিং অসিনা ওইহনবনি। মসিনা সমুদ্রদা লৈবগী মতম হন্থহন্দুনা অমসুং মেরিন রিসোর্স্পু সস্তেনেবল ওইবা মওংদা মেনেজ তৌবদা তেংবাংদুনা ঙামীশিংগী মফমদা ঙা হেন্না ফাবা ঙমহল্লি।

ভারত সরকারগী ফিশরীজ বিভাগনা তেক্নোলোজিকেল এদভান্সমেন্তশিং অসিদা প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.)গী মখাদা মোনিতরিং, কন্ত্রোল অমসুং সর্ভিলেন্স (এম.সি.এস.)কী থৌওংগী খুত্থাংদা  মতেং পাংলি। তেংবাংশিং অসিগী মনুংদা কম্ম্যুনিকেসন অমসুং ত্রেকিং দিভাইসশিং হায়বদি য়াম্না ৱাংবা ফ্রিক্বেন্সি (ভি.ঐচ.এফ.) রেদিও, দিস্ত্রেস এলর্ত ত্রান্সমিতর (দি.এ.তি.শিং), অমসুং নেভিগেসন ৱিথ ইন্দিয়ন কন্সতেলেসন (নেভিক) ইনেবল গ্লোবেল নেভিগেসন সেতেলাইত সিস্তেম (জি.এন.এস.এস.), ওতোমেতিক আইদেন্তিফিকেসন সিস্তেম (এ.আই.এস.), অমসুং পোতেন্সিয়েল ফিসিং জোন (পি.এফ.জেদ.)গী ইনফোর্মেসনগুম্বা সর্ভিসশিংগা লোয়ননা ঙা ফাবগী জহাজশিংদা ত্রান্সপোন্দরশিং পীবা য়াওরি।

মসিগী মথক্তা, ভারত সরকারগী ফিশরীজ বিভাগনা পি.এম.এম.এস.ৱাই.গী মখাদা মেরিন ফিসিং ভেসলশিংদা মোনিতরিং, কন্ত্রোল অমসুং সর্ভিলেন্সকীদমক ভেসল কম্ম্যুনিকেসন অমসুং সপ্পোর্ত সিস্তেমগী নেস্নেল রোলআউত প্লানগী প্রোজেক্ত অমগী অয়াবা পীখ্রে। নেস্নেল রোলআউত প্লান অসিনা লুপা করোর 364 থাদদুনা মেরিন ফিসিং ভেসেল, মেকানাইজ অমসুং মোতোরাইজ তৌরবা ভেসেলশিং য়াওনা সমুদ্র মপানগী রাজ্য 9 অমসুং য়ুনিয়ন তেরিতোরী 4দা ত্রান্সপোন্দর 1,00,000 থম্নবা পান্দম থম্লি।

***