পি.এম.-সুর্য় ঘর: মুফত বিজলি য়োজনাগী মখাদা 'মোদেল সোলর ভিলেজ' ইমপ্লিমেন্ত তৌনবা স্কিম গাইদলাইনশিং অসি ন্যু অমসুং রিন্যুএবল ইনর্জী মন্ত্রালয়না ওগস্ত 9, 2024দা থোকখ্রে।

স্কিম অসিগী 'মোদেল সোলর ভিলেজ'গী মখাদা ভারত শিনবা থুংনা জিলা খুদিংদা মোদেল সোলর ভিলেজ অমা শেমগৎপদা মরুওইবা মীৎয়েং থম্মি। মসিগী পান্দমদি সোলর ইনর্জী শীজিন্নবা হেনগৎহনবা অমসুং খুঙ্গংগী কম্ম্যুনিতীশিংবু মখোয়গী ইনর্জীগী মথৌ তাবশিং মপুং ফাহন্নবগীদমক্তা মশা-মরোমদোম লেপচবা ঙম্নবা হোৎনবনি। কম্পোনেন্ত অসিগীদমক লুপা করোর 800গী অপুনবা শেলগী তেংবাং এল্লোকেৎ তৌখি। খনগৎলবা মোদেল সোলর ভিলেজ অমদা লুপা করোর 1 পীরগনি।

কম্পিতিতিব মোদকী মখাদা খুঙ্গং অমা ওইনা লৌনবা, খুঙ্গং অমা অসি 5,000 (নত্ত্রগা অখন্নবা কাংলুপকী রাজ্যশিংগীদমক্তা 2,000) গী মথক্তা মীশিং লৈবা রেভেন্যু খুঙ্গং অমা ওইগদবনি। সেলেক্সন প্রোসেস অসিদা দিস্ত্রিক্ত লেভেল কমিতী (DLC) না পোতেন্সিএল কেন্দিদেৎ অদুগী দিক্লেরেসন পীরবা মতুং থা 6গী মনুংদা ইনস্তোল তৌরবা মখোয়গী অপুনবা দিস্ত্রিব্যুতেদ রিন্যুএবল ইনর্জী (RE) কেপাসিতীদা খুঙ্গংশিং অসি এসেসমেন্ত তৌরিবা কম্পিতিতিব মোদ অমা য়াওরি।

জিলা খুদিংগী খ্বাইদগী ৱাংবা RE গী কেপাসিতী লৈবা মায়পাক্লবা খুঙ্গং অদুদা লুপা করোর 1গী সেন্ত্রেল ফাইনান্সিএল এসিস্তেন্স গ্রান্ত ফংলগনি। স্কিম অসি রাজ্য/য়ু.তি. রিন্যুএবল ইনর্জী দিবেলপমেন্ত এজেন্সীনা দিস্ত্রিক্ত লেভেল কমিতী (DLC) গী মীৎয়েং মখাদা পায়খৎকনি। মসিনা খনগৎলবা খুঙ্গংশিং অসি লৈবাক অসিগী অতোপ্পা খুঙ্গংশিংগীদমক্তা মোদেল অমা ওইনা থবক তৌদুনা সোলর পাৱর শীজিন্নবা খুন্নাইদা মপুং ফানা ওন্থোকপা ঙম্লগনি।

ভারত সরকারনা 2024গী ফেব্রুৱারী 29দা পি.এম.-সুর্য় ঘর: মুফত বিজলী য়োজনাগী অয়াবা পীখি। মসিগী পান্দমদি সোলর রুফতোপ কেপাসিতী হেনগৎহনবা অমসুং রেসিদেন্সিএল হাউজহোল্দশিংদা মশাগী ইলেক্ত্রিসিতী পুথোক্নবা শক্তি পীনবনি। স্কিম অসিগী শেনফম লুপা করোর 75,021 ওইগনি অমসুং মসি FY 2026-27ফাওবা ইমপ্লিমেন্ত তৌগনি।

স্কিমগী গাইদলাইনশিং মসিদা এক্সেস তৌবা য়াগনি।

****