ردھان منتری اجولا یوجنا (پی ایم یو وائی )  یکم مئی 2016 کو شروع کی گئی تھی  ، تاکہ ملک بھر کے غریب گھرانوں کی بالغ خواتین کو ڈپازٹ مفت ایل پی جی  کنکشن جاری کیا جا سکے۔ ستمبر  2019 میں 8 کروڑ کنکشن جاری کرنے کا ہدف حاصل کیا گیا تھا۔ بقیہ غریب گھرانوں کا احاطہ کرنے کے لیے، پی ایم یو وائی مرحلہ -2 (اجولا 2.0) اگست 2021 میں شروع کیا گیا تھا اور جنوری 2023 تک، 1.60 کروڑ اجولا 2.0 کنکشن جاری کیے گئے تھے۔ مزید برآں، تازہ درخواستوں کے پیش نظر، ستمبر 2023 میں، حکومت نے اضافی 75 لاکھ پی ایم یو وائی کنکشن جاری کرنے کی منظوری دی۔ او ایم سیز  نے 8 جولائی 2024 تک ،  ان 75 لاکھ پی ایم یو وائی کنکشن کا اجرا مکمل کر لیا ہے۔ یکم جولائی 2024 تک، پی ایم یو وائی کے تحت 10.33 کروڑ ایل پی جی کنکشن ہیں۔

ملک میں ایل پی جی کوریج کو بڑھانے کے لیے ،  دیگر چیزوں کے ساتھ ساتھ مختلف اقدامات کیے گئے ہیں، جن میں پی ایم یو وائی کے فروغ کے لیے مہمات کا انعقاد، کنکشنوں کے اندراج اور تقسیم کے لیے میلوں/کیمپوں کا انعقاد، گھر سے باہر (او او ایچ) ہورڈنگز، ریڈیو جِنگلز، معلومات، معلومات اور مواصلات (آئی ای سی) وین وغیرہ شامل ہیں۔  دوسرے روایتی ایندھن پر ایل پی جی کے استعمال کے فوائد اور ایل پی جی پنچایتوں کے ذریعے ایل پی جی کے محفوظ استعمال کے بارے میں بیداری پھیلانا، وکست بھارت سنکلپ یاترا کے تحت اندراج/ بیداری کیمپ، آدھار اندراج کے لیے صارفین اور ان کے خاندانوں کی سہولت اور پی ایم یو وائی کنکشن حاصل کرنے کے لیے بینک اکاؤنٹ کھولنا، ایل پی جی کنکشن حاصل کرنے کے عمل کو آسان بنانا، پی ایم یو وائی کنکشن کے لیے www.pmuy.gov.in پر آن لائن درخواست دینا، قریبی ایل پی جی ڈسٹری بیوٹرز، کامن سروس سینٹرز (سی ایس سی) وغیرہ، 5 کلو کی ڈبل بوتل کا آپشن کنکشن(ڈی بی سی)، 14.2 کلوگرام سے 5 کلوگرام تک تبادلہ کرنے کا اختیار، مہاجر خاندانوں کے لیے پتہ اور راشن کارڈ کے ثبوت کے بجائے خود اعلانیہ پر نیا کنکشن حاصل کرنے کا انتظام کرنا بھی ان اقدام میں شامل ہے۔  ان کوششوں کے نتیجے میں، مالی سال 24 - 2023 میں پی ایم یو وائی سے مستفید ہونے والوں کے لیے فی کس کھپت 3.95 تک بڑھ گئی ہے۔

یہ معلومات  پٹرولیم اور قدرتی گیس کی وزارت میں وزیر  مملکت جناب سریش گوپی نے آج لوک سبھا میں ایک تحریری جواب میں فراہم کیں۔

************

ش ح ۔  اع ۔  ت ح

 (U: 9543)