মেদিয়া রিপোর্ত খরনা সোসিএল মেদিয়া পোস্তশিংনা NEET PG 2024 একজামিনেসনগী পেপর লীক ওইবগী ওইথোকপা য়াবা লৈ হায়না ফোঙদোক্লি হায়রি। অসিগুম্বা পাউশিং অসি অরানবনি অমসুং লান্না লমজিংবনি।

নেস্নেল বোর্দ ওফ একজামিনেসন ইন মেদিকেল সাইন্সেস (NBEMS)না শেংদবা এজেন্ত খরনা সোসিএল মেদিয়া প্লেৎফোর্ম মদুদি তেলিগ্রাম মেসেঞ্জরদা অরানবা অমসুং য়ুম্ফম য়াওদবা ক্লেমশিং তৌরে হায়বা খঙলে। কোজেনর্সনা য়াম্লবা শেনফমগীদমক পাঙথোক্কদৌরিবা NEET-PG 2024 পরিক্ষাগীদমক NEET-PG 2024গী ৱাহংশিং পীরি হায়না ক্লেম তৌরি।

NBEMSনা অরানবা তৌরিবশিং অমসুং মখোয়গী মতেং পাংলিবা মীওইশিংনা শেলগীদমক NEET-PG 2024গী ৱাহংশিং পীগনি হায়বগী মীংদা NEET-PGগী এস্পিরেন্তশিংদা নমথাক তৌনবা হোৎনরম্বগীদমক পুলিস কম্প্লেন্ত অমা রেজিস্তর তৌখ্রে হায়না শেংদোরকখ্রে।

থোক্লিবা নোতিস অসিগী খুত্থাংদা তেলেগ্রাম চেনেল “NEET PG লীজ মেতরিএল’ হায়বা অসিনা ফোঙদোক্লিবা অসি অরানবনি হায়না NBEMSনা ফোঙদোক্লি অমসুং NEET-PG 2024গী এপ্লিকেন্তশিংনা পাঙথোক্কদৌরিবা NEET-PG 2024গী ৱাহংশিং এক্সেস তৌবা ফংগনি হায়না ফোঙদোকচরিবা শেংদবা ইলিমেন্তশিংনা মখোয়বু নমথাক তৌনবা/লান্না লমজিংনবা হোৎনরিবা অসিদগী চেকশিন্নবা হায়রি।

NEET-PG 2024গীদমক ৱাহং চেশিং অসি NBEMSনা  শেমদ্রি হায়না কন্দিদেৎ পুম্নমক্তা থাজবা পীরি অমসুং সোসিএল মেদিয়া প্লেৎফোর্মশিংদা পেপর লীক ওইরকপগী ওইথোকপা লৈরে হায়না ফোঙদোক্লিবা অসি অরানবনি

অসিগুম্বা থবক-থৌওংশিং নত্ত্রগা অচুম্বা ৱাফম ভেরিফাই তৌদনা তোকঙা ফোঙবা/শন্দোকপদা কনাগুম্বনা হকথেংননা নত্ত্রগা নাকোইননা য়াওরম্বা তারবদি NBEMSনা মতিক চাবা চৈরাক পীগনি হায়না মখা তানা ফোঙদোক্লি।

কেন্দিদেৎশিংদা অসিগুম্বা শেংদবা এজেন্তশিং/তোতশিংনা স্পুফ ইমেলশিং/SMS নত্ত্রগা তেলিফোন কোল নত্ত্গা শাশিন্নবা চে-চাংশিং নত্ত্রগা লনাই ওইনা নত্ত্রগা সোসিএল মেদিয়াগী খুত্থাংদা NBEMS পরিক্ষাগী ৱাহং চেশিং পীগনি হায়না থাজবা পীরকপা তারবদি মদুবু NBEMSতা মাগী কম্ম্যুনিকেসন ৱেব পোর্তেলগী https://exam.natboard.edu.in/communication.php?page=main খুত্থাংদা নত্ত্রগা লোকেল পুলিস্তা রিপোর্ত তৌনবা হায়রি।

****