ভারতকী রাস্ত্রপতি, শ্রীমতি দ্রুপদী মর্মুনা ঙসি (ওগস্ত 2, 2024) নই দিল্লীগী রাস্ত্রপতি ভাবনদা রাজ্যপালশিংগী মীফম হৌদোকখ্রে। মীফম অসিদা কেন্দ্র-রাজ্যগী মরী শেমগৎপদা নত্তনা মীচম মীয়ামগী য়াইফ-থৌরাংগী স্কিমশিং প্রমোৎ তৌবদা মরু ওইবা থৌদাং লৌরিবা হীরম কয়াগী মতাংদা খন্নগনি।

মহাক্কী হৌদোক ৱারোলদা রাস্ত্রপতিনা হায়খি মদুদি মীফম অসিগী এজেন্দা অসিদা ঐখোয়গী নেস্নেল গোলশিং ফংবদা মরু ওইবা নীংথিনা খল্লবা ইসুশিং য়াওরি। মহাক্না হায়খি মীফম অসিগী খন্ন-নৈনবশিং অসি শরুক য়ারিবা পুম্নমক্কীদমক্তা নুংঙাইরবা এক্সপরিয়েন্স অমা ওইরগনি অমসুং মখোয়বু মখোয়গী মথৌ তৌবদা মতেং পাংগনি।

হৌদোকপগী মীফম অদুদা উপ রাস্ত্রপতি, প্রধান মন্ত্রী অমসুং কেন্দ্রগী গৃহ মন্ত্রীনা ৱা ঙাংখি। উপ রাস্ত্রপতি, শ্রী জগদীপ ধনখরনা রাজ্যপালশিংগী ৱাশক্কী মতাংদা পনখি অমসুং হৌখিবা চহি তরা অসিদা মীয়ামদা সমাজগী য়াইফ-থৌরাংগী স্কিমশিং অমসুং চাউখৎ-থৌরাংগী থবকশিং খঙহন্নবা মখোয়গী সম্বিধানগী ওইবা থৌদাংশিং পাংথোক্নবা মখোয়দা তকশিনখি।

মহাক্কী ৱারোলদা প্রধান মন্ত্রী, শ্রী নরেন্দ্র মোদীনা রাজ্যপালশিংদা কেন্দ্র অমসুং রাজ্যগী মরক্তা মপাঙ্গল কনবা থোং অমা ওইনা থৌদাং লৌনবা অমসুং শোত্থরবা মীওইশিং য়াওহন্নবা মওংদা মীয়াম অমসুং খুন্নাইগী ওইবা ওর্গনাইজেসনশিংগা ৱারী শাননবা তকশিনখি। মহাক্না হায়খি মদুদি রাজ্যপালগী পোস্ত অসি সম্বিধানগী ফ্রেমৱার্ক্কী মনুংদা, মরুওইনা ত্রাইবেল এরিয়াশিংদা রাজ্য অসিগী মীয়ামগী য়াইফনবা মরুওইবা থৌদাং অমা লৌবা ঙম্বা মরুওইবা ইন্সতিত্যুসন অমনি। কেন্দ্রগী গৃহ মন্ত্রী, শ্রী অমিত শাহনা নুমিৎ নিনিগী মীফম অসিদা খন্ন-নৈনবগী খোঙথাং অদু শন্দোক্না তাকখি। মহাক্না রাজ্যপালশিংদা মীয়ামগী মরক্তা থাজবা পোকহন্নবা অমসুং চাউখৎপগী থবকশিংদা খোঙজেল য়াংনা চংশিন্নবা, ভাইব্রেন্ত ভিলেজ অমসুং এস্পিরেস্নেল দিস্ত্রিক্তশিংদা চৎনবা তকশিনখি।

মীফম অসি হৌদোকখিবগা লোয়ননা রাস্ত্রপতিনা হায়খি মদুদি ক্রিমিনেল জস্তিসকা মরী লৈনবা অনৌবা আইন অহুম চৎনবা হৌখিবগা লোয়ননা লৈবাক অসিদা জস্তিস সিস্তেমগী অনৌবা চহিচা অমা হৌরে। মহাক্না হায়খি মদুদি ঐখোয়গী ৱাখল্লোনগী অহোংবা অসি লোশিং অসিগী মমিংশিং অসিদগী উবা ফংই: ভারত ন্যায় সনহিতা, ভারতীয় নাগরিক সুরক্ষা সনহিতা, অমসুং ভারত সাক্ষ অধিনিয়ম।

দেমোক্রেসী অসি অপনবা লৈতনা মথৌ তৌহন্নবগীদমক, তোঙান তোঙানবা সেন্ত্রেল এজেন্সীশিংনা রাজ্য পুম্নমক্তা হেন্না ফবা কোওর্দিনেসনগা লোয়ননা থবক তৌমিন্নবা অসি য়াম্না মরু ওই হায়না রাস্ত্রপতিনা হায়খি। মহাক্না রাজ্যপালশিংদা মখোয়না করম্না মরী লৈনবা রাজ্যশিংগী সম্বিধানগী মকোকশিং ওইনা হায়রিবা কোওর্দিনেসন অসি প্রমোৎ তৌবা য়াবগে হায়বদু খন‌্নবা খঙহনখি।

ৱালিতী লৈবা হায়র এজুকেসন অসি ইন্দিভিজুএল দিবেলপমেন্ত অমসুং সোসিএল চেঞ্জ, ইনোবেসন অমসুং ইকনোমিক প্রোগ্রেসতা মতেং পাংলি। মহাক্না হায়খি মদুদি নেস্নেল এজুকেসন পোলিসীনা এজুকেস্নেল ইন্সতিত্যুসনশিংগী এক্রেদিতেসন অমসুং এসেসমেন্ত সিস্তেম ফগৎহনবদা মরুওই ফোঙদোকখি। রাজ্যগী য়ুনিভর্সিতীশিংগী চাঞ্চেল্লরশিং ওইনা মখোয়গী কেপাসিতীদা রিফোর্ম প্রোসেস অসিদা তেংবাংনবা মহাক্না রাজ্যপালশিংদা তকশিনখি।

ভারত সরকারনা লায়রবশিং, ঙমখৈগী মফমশিং, শোত্থরবা কাংলুপশিং অমসুং মফমশিং অমসুং চাউখৎপগী খোঙচৎতা তুংদা লৈহৌরবা মীওইশিংগী চাউখৎপদা খ্বাইদগী মরুওইবা মীৎয়েং থম্মি হায়না রাস্ত্রপতিনা হায়খি। মহাক্না হায়খি মদুদি ঐখোয়গী ত্রাইবেল মীয়ামগী অচৌবা শরুক অমা সেদ্যুল্দ অমসুং ত্রাইবেল এরিয়াশিংদা লৈরি। মহাক্না রাজ্যপালশিংদা মফমশিং অসিগী মীয়ামগী ইনক্লুসিব দিবেলপমেন্ত ফংহন্নবা পাম্বৈশিং পুথোক্নবা তকশিনখি।

রাস্ত্রপতিনা হায়খি মদুদি করিগুম্বা নহাশিংগী ইনর্জী অসি পোজিতিব অমসুং কন্সত্রক্তিব ওইবা থবকশিংদা শিজিন্নবা ঙম্লবদি "য়ুথ দিবেলপমেন্ত" অমসুং "য়ুথ-লেদ দিবেলপমেন্ত"না হেন্না থৌনা ফংগনি। "মাই ভারত" কেম্পেন অসিনা মসিগীদমক্তা থোত-আউৎ সিস্তেম অমা পীরি। মহাক্না হায়খি মদুদি রাজ্যপালশিংনা কেম্পেন অসিগা মরী লৈনবা মীওইশিংবু পুক্নিং থৌগৎকদবনি। মসিনা নহারোল কয়া অমা কান্নবা ফংগনি।

"এক ভারত শ্রেস্থ ভারত" কেম্পেনগী মতাংদা পল্লদুনা মহাক্না হায়খি মদুদি মসিনা তোঙান তোঙানবা রাজ্যশিং অমসুং য়ু.তি.শিংগী মীয়ামদা অমনা অমবু খঙনবা অমসুং অমনা অমগা শম্ননবা খুদোংচাবা পীরি। মহাক্না রাজ্যপালশিংদা অপুনবগী ৱাখল্লোন অসিবু হেন্না মপাঙ্গল কনখৎহনবদা মতেং পাংনবা হায়খি।

ক্লাইমেৎ চেঞ্জ অমসুং গ্লোবেল ৱার্মিংগুম্বা শীংনবশিং অসি থেংননবা হোৎনরি হায়না রাস্ত্রপতিনা হায়খি। রাজ্যপালশিংনা "এক পেদ মা কে নাম" কেম্পেন অসি মীয়ামগী খোঙজং অমা ওইহন্দুনা হেন্না পাক-চাওনা ওইহন্দুনা মতেং পাংবা য়াই।

রাস্ত্রপতিনা হায়খি মদুদি নেচরেল ফার্মিংবু পুক্নিং থৌগৎতুনা, ঐখোয়না লৈহাউগী ফর্তিলিতী হেনগৎহনবা অমসুং লৌমীশিংগী ইনকম হেনগৎহনবা ঙমগনি। মহাক্না হায়খি মদুদি নেচরেল ফার্মিং প্রমোৎ তৌনবগীদমক, রাজ ভবনশিংনা খুদম অমা ওইদুনা লমজিংবা য়াই।

রাজ্যপাল খুদিংমক্না মখোয়না ৱাশক লৌখিবা অদু ঙাক্তুনা মীয়ামগী শেবা অমসুং য়াইফনবা মখা তানা থৌদাং লৌগনি হায়না রাস্ত্রপতিনা থাজবা থমখি।

মীফম অসি রাজ্যপালশিংগী সব-গ্রুপশিংনা এজেন্দাগী পোইন্ত খুদিংমক্তা খন্ন-নৈনগদবা তোঙান-তোঙানবা মীফমশিং পাংথোক্নবা দিজাইন তৌরি। রাজ্যপালশিং অসি নত্তনা, অসিগুম্বা সেসনশিং অসিদা কেন্দ্রগী মন্ত্রীশিং অমসুং মরী লৈনবা মন্ত্রালয়শিংগী ওফিসিএলশিংসু শরুক য়াগনি। সব-গ্রুপশিং অসিগী ওবজর্ভেসনশিং অমসুং সজেসনশিং অসি হয়েং (ওগস্ত 3, 2024) পাংথোক্কদৌরিবা অরোইবা মীফমদা রাস্ত্রপতি, উপ-রাস্ত্রপতি, প্রধান মন্ত্রী অমসুং অতৈ শরুক য়ারিবশিংগী মমাংদা পুথোক্কনি।

***