লৈবাক অসিদা মরুওইবা মিনরেলশিং, হায়বদি আইরন ওর অমসুং লাইমস্তোন পুথোকপা অসি FY 2023-24দা রিকোর্দ ওইনা পুথোকপগী লেবেলশিং য়ৌখ্রবা মতুংদা FY 2024-25গী Q1দা মপাঙ্গল কন্না হেনগৎলক্লি। MCDR গী অপুনবা মেনরেল প্রদক্সনগী ভেল্যুগী চাদা 80 রোমদি আইরন ওর অমসুং লাইমস্তোন্না ওইখি। FY 2023-24দা আইরন ওর পুথোকপা অসি 275 মিলিয়ন মেত্রিক তন (MMT) ওইখি অমসুং লাইমস্তোন পুথোকপা অসি 450 MMT ওইখি।

প্রোভিজনেল দেতাগী মতুং ইন্না নন-ফেরস মেতল সেক্তর, প্রাইমারী এলুমিনিয়ম পুথোকপা অসি FY 2024-25(এপ্রিল-জুন)দা মমাং চহিগী চপ মান্নবা মতমগা য়েংনবদা 1.2% গ্রোথ লৈখি, FY 2023-24(এপ্রিল-জুন)দা 10.28 LT দগী FY 2024-25 (এপ্রিল-জুন)দা 10.43 লাখ তন (LT)দা হেনগৎলকখি।

ভারত অসি মালেমগী অনিশুবা খ্বাইদগী চাউবা এলুমিনিয়ম পুথোকপা লৈবাক, অহুমশুবা খ্বাইদগী চাউবা লাইম পুথোকপা লৈবাক অমসুং মরিশুবা খ্বাইদগী চাউবা আইরন ওর পুথোকপা লৈবাক ওইরি। চৎলিবা শেনবা চহি অসিদা আইরন ওরস অমসুং লাইমস্তোন পুথোকপগী লেপ্তনা হেনগৎলকপা অসিনা য়ুজর ইন্দস্ত্রীশিং হায়বদি স্তীল অমসুং সিমেন্ততা মপাঙ্গল লৈরবা দিমান্দগী ফিভম উৎলি। এলুমিনিয়মদা হেনগৎলকপগা লোয়ননা, হেনগৎলকপগী চৎনবীশিং অসিনা ইনর্জী, ইনফ্রাস্ত্রকচর, কন্সত্রক্সন, ওতোমোতিব অমসুং মেছিনরীগুম্বা শীজিন্নরিবা সেক্তরশিংদা মখা তানা মপাঙ্গল লৈরবা শেন্মিৎলোনগী থৌওংশিং লৈগনি হায়বগী মমি উৎলি।

আইরন ওর পুথোকপা অসি FY 2023-24(এপ্রিল-জুন)দা 72 MMT দগী FY 2024-25 (এপ্রিল-জুন)দা 79 MMT দা হেনগৎলক্তুনা 9.7%গী গ্রোথ লৈ উৎলি। লাইনস্তোন পুথোকপা অসি FY 2023-24(এপ্রিল-জুন)দা 114 MMT দগী FY 2024-25 (এপ্রিল-জুন)দা 116 MMT দা হেনগৎলক্তুনা 1.8%  হেনগৎখি। মেঙ্গানিজ পুথোকপা অসি মমাং চহিগী চপ মান্নবা মতমদা 0.9  MMT দগী FY 2024-25 (এপ্রিল-জুন)দা 1.0 MMT দা হেনগৎলক্তুনা 11% হেনগৎখি।

****