حال ہی میں تباہ کن لینڈ سلائیڈنگ کے تناظر میں جس نے حال ہی میں کیرالہ کے ویاناڈ  کو متاثر کیا ہے ، ہندوستانی فضائیہ (آئی اے ایف) نے پہلے کارروائی کئے جانے کے طورپر،30 جولائی 2024کو  صبح سویرے  این ڈی آرایف  دیگر ایجنسیوں اورریاستی انتظامیہ   کے ساتھ مل کر بچاؤ اور امدادی کارروائیاں شروع کیں۔

آئی اے ایف  کے ٹرانسپورٹ طیاروں نے اہم رسد کی فراہمی کے ساتھ ساتھ باہرنکالنے  کے کاموں میں اہم کردار ادا کیا ہے۔ سی -17طیارے نے  بچاؤ کارروائیوں میں مدد فراہم کرنے کے لئے  53میٹرک ٹن ضروری اشیاء منتقل کیں ، جس میں  بیلی برج، ڈاگ اسکواڈ، طبی امداد اوردیگر ضروری  آلات شامل ہیں۔ مزیدیہ کہ ، اے این -32 اور سی -130طیاروں  کو امدادی سامان اور اہلکاروں کولانے  لے جانے کے لیے استعمال کیا جا رہا ہے۔ مجموعی طور پر، آئی اے ایف کے ان طیاروں نے 200 سے زیادہ لوگوں کے نقل و حمل میں سہولت فراہم کی ہے جن میں امدادی ٹیمیں اور بے گھرباشندے شامل ہیں ، جنھیں آفات سے متاثرہ علاقے سے نکالاگیاہے ۔ جب کہ  موسم کے دشوارگذارحالات نے  آئی اے ایف کی کارروائیوں  کو محدود کردیاہے ۔آئی اے ایف ، ایچ اے ڈی آر کارروائیوں  کے لیے مناسب وقت کے انتظارمیں  ہے۔

آئی  اے ایف نے اس کوشش کے لیے متنوع بیڑے کے ہیلی کاپٹر تعینات کیے ہیں۔ ایم آئی 17 اور دھرو ایڈوانسڈ لائٹ ہیلی کاپٹر (اے ایل ایچ) کو ایچ اے ڈی آر کارروائیاں کرنے کے لیے شامل کیا گیا ہے۔بڑے  پیمانے پر موسم کی موجودہ  خراب  صورت حال کے باوجود ، آئی اے ایف کے طیاروں نے متاثرہ علاقوں کے لوگوں کو، ان کی محفوظ اور فوری آمدورفت کو یقینی بناتے ہوئے 31 جولائی 2024 کی شام تک پھنسے ہوئے لوگوں کونزدیکی  طبی سہولیات اور محفوظ علاقوں تک پہنچانے اور ضروری سامان کی فراہمی میں سہولت فراہم  کی ۔

آئی اے ایف کیرالہ کے  قدرتی آفت کے شکار لوگوں کو ہر ممکن مدد فراہم کرنے کے لیے پرعزم ہے۔

**********

 (ش ح ۔ش م ۔ع آ)

U-9104