প্রধান মন্ত্রী শ্রী নরেন্দ্র মোদীনা জুলাই 27, 2024দা নই দিল্লীগী রাস্ত্রপতি ভাবন কলচরেল সেন্তরদা নিতি আয়োগকী 9শুবা গভর্নিং কাউন্সিল মীতিংদা ময়াই তাংবল লৌগনি। ভারতপু চাউখৎপা লৈবাক অমা ওইহন্নবা মপুং ওইবা মীৎয়েংগা লোয়ননা চহি অসিগী থিম অসি ‘ভিকসিৎ ভারত@2047’না ওইরি।

গভর্নিং কাউন্সিল মীতিং অসিনা ভিকসিৎ ভারত @2047গী ভিজন দোক্যুমেন্তগীদমক এপ্রোচ পেপর খন্নগনি। মীফম অসিগী পান্দমদি  গভর্নমেন্ত ইন্তর্ভেন্সনশিংগী দেলিভরী মেকানিজমশিং মপাঙ্গল কনখৎহন্দুনা খুঙ্গং অমদি সহরগী অনিমক্কী মীয়ামগী পুন্সিগী ক্বালিতী ফগৎহন্নবা কেন্দ্র অমসুং রাজ্য সরকারশিংগী মরক্তা পার্তিসিপেতিব গভর্নান্স অমসুং কোল্লাবোরেসন য়োকখৎপনি। মীফম অসিনা ভিকসিৎ ভারত@2047গী পান্দ ফংনবা হোৎনবদা রাজ্যশিংগী থৌদাংদা কুপ্না নৈনবসু উবা ফংগনি।

ভারতনা GDPনা US$ 5 ত্রিলিয়ন লানবগা লোয়ননা মালেমগী অহুমশুবা খ্বাইদগী চাউবা ইকনোমী ওইনবা অমসুং এস্পিরেসশিংনা 2047 ফাওবদা US$ 30 ত্রিলিয়ন ইকনোমী অমা য়ৌনবা লম্বীদা চংশিল্লি। 2047 ফাওবদা ‘ভিকসিৎ ভারত’ অমগী মঙলান ফংবা ঙম্নবা হোৎনবদা কেন্দ্র অমসুং রাজ্য সরকারশিংগী মরক্তা কোল্লাবোরেতিব এপ্রোচ অমা মথৌ তাগনি। 9শুবা গভর্নিং কাউন্সিল মীতিংগী পান্দমদি ভিজন অসিগীদমক রোদমেপ অমা শেম্বা, ‘তীম ইন্দিয়া’ ওইনা কেন্দ্র অমসুং রাজ্যশিংগী মরক্তা তীমৱার্ক লৈহনবনি।

নিতি আয়োগকী গভর্নিং কাউন্সিলনা দিসেম্বর 27-29, 2023দা পাঙথোকখিবা 3শুবা নেস্নেল কনফরেন্স ওফ চীফ সেক্রেতরীজকী রিকম্মেন্দেসনশিংদা মীৎয়েংসু চংগনি। ‘ইজ ওফ লিভিং’গী মরু ওইবা থিমগী মখাদা রিকম্মেন্দেসনশিং অসি মখাদা পীরিবা মরু ওইবা থিম মঙাদা 3শুবা নেস্নেল কনফরেন্স ওফ চীফ সেক্রেতরীজকী মনুংদা লৌখিবনি:

1. দ্রিঙ্কিং ৱাতর: এক্সেস, ক্বান্তিতী অমসুং ক্বালিতী

2. ইলেক্ত্রিসিতী: ক্বালিতী, ইফিসিএন্সী অমসুং রিলাইএবিলিতী

3. হেল্থ: এক্সেসিবিলিতী, এফোর্দেবিলিতী অমসুং ক্বালিতী ওফ কিয়র

4. স্কুলিং: এক্সেস অমসুং ক্বালিতী

5.লেন্দ অমসুং প্রোপর্তী: এক্সেসিবিলিতী, দিজিতাইজেসন, রেজিস্ত্রেসন অমসুং ম্যুতেসন

অহেনবা ওইনা সাইবর সেক্যুরিতী, এস্পিরেস্নেল দিস্ত্রিক্তশিং অমসুং ব্লোকস প্রোগ্রাম, রাজ্যশিংগী থৌদাং অমসুং গভর্নান্সতা AI হায়বা অসিদা খন্ন-নৈনবা অখন্নবা এসনশিংসু পাঙথোকখি,মসি 3শুবা নেস্নেল কনফরেন্স ওফ চীফ সেক্রেতরীজদসু খন্নখি।

নিতি আয়োগকী 9শুবা গভর্নিং কাউন্সিল মীতিংগীদমক শেম শানবা 3শুবা চীফ সেক্রেতরীজ কনফরেন্স অসি দিসেম্বর 2023 লোইশিল্লকপদা পাঙথোকখি, মসিদা মরু ওইবা থিম মঙা অসিদা খন্ন-নৈনখি। ভারত সরকারগী সেক্রেতরীশিং অমসুং রাজ্যশিং অমসুং UTশিংগী চীফ সেক্রেতরীশিংনা ‘ভিকসিৎ ভারত@2047’গী এজেন্দাগীদমক ফ্রেমৱার্ক শেম্বা অমসুং সজেসনশিংগী মাইকৈদা কন্সল্তেতিব প্রোসেসকী শরুক ওইখি।

প্রধান মন্ত্রীনা নিতি আয়োগকী চিয়রপর্সন ওই। অতৈ শরুক য়ারিবশিংদা রাজ্যশিং  অমসুং য়ুনিয়ন তেরিতোরীশিংগী মুখ্য মন্ত্রীশিং অমসুং লেফতনেন্ত গভর্নরশিং, এক্স-ওফিসিএল মেম্বরশিং ওইনা কেন্দ্রগী মন্ত্রীশিং অমসুং স্পেসিএল ইনভাইতীজ অমসুং নিতি আয়োগকী ভাইস চিয়রমেন অমসুং মেম্বরশিং য়াওখি।

***