প্রধানমন্ত্রীগী লোইশঙ
প্রধান মন্ত্রীনা লদাখতা কার্গিল বিজয় দিবস্তা ইকাইখুম্নবা উৎখ্রে অমসুং শ্রধাঞ্জলি সমরো শরুক য়াখ্রে
শিঙ্কুন লা তন্নেল প্রোজেক্তকী অহানবা ব্লাস্ত য়েংখ্রে
"কার্গিল বিজয় দিবসনা ঐখোয়দা লৈবাক্কীদমক কত্থোকখিবশিং অদু শিবা নাইদে হায়বসি নীংশিংহল্লে"
"কার্গিলদা, ঐখোয়না লান মায় পাকপদা নত্তনা ঐখোয়না অচুম্বা, খাঙবা কনবা অমসুং পাঙ্গলগী অঙকপা খুদম অমা উৎখ্রে"
"ঙসিদি জম্মু অমসুং কাশ্মির অসি অনৌবা তুংলমচৎকীদমক ঙাংনরে, অচৌবা মঙলানগীদমক ঙাংনরে"
শিঙ্কুন লা তন্নেলনা লদাখকী চাউখৎপা অমসুং হেন্না ফবা তুংলমচৎকী অনৌবা ওইথোকপা য়াবা কয়াগী থোং লাওনা হাংলগনি"
হৌখিবা চহি ৫রোম অসিদা, লদাখকী বজেত করোর ১১০০ দগী করোর ৬০০০ দা হেনগৎখ্রে"
অগ্নিপথ স্কিমগী পান্দমদি ফোর্সশিংবু নহা ওইহনবা অমসুং লানফমদা শেম শাদুনা লৈহনবনি"
"অচুম্বদি অগ্নিপথ স্কিমনা লৈবাক অসিগী পাঙ্গল হেনগৎহল্লগনি অমসুং লৈবাক অসিদা পাঙ্গল লৈরবা নহা কয়াসু লৈরগনি"
কার্গিলগী মায় পাকপসি লৈঙাক অমা নৎত্রগা দল অমহেক্তগী মায় পাকপা নত্তে। মায় পাকপা অসি লৈবাক অসিগীনি"
Posted On:
26 JUL 2024 11:33AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ২৫শুবা কার্গিল বিজয় দিবস পালন নুমিত্তা মথৌ তৌরিঙৈদা অৱাংবা থাক্তা কত্থোকখ্রবা থৌনা ফরবশিংগী মফমদা ইকাইখুম্নবা উৎখি। মহাক্না শ্রদ্ধাঞ্জলি সমরোদা শরুক য়াখি। প্রধান মন্ত্রীনা গৌরব গথাঃ এন.সি.ও.শিংনা কার্গিলগী মতাংদা শম্লপ্পা ৱারোল থম্বা তাখি অমসুং অমর সন্সমরনঃ নীংশিংবগী শঙদা চৎখি। মহাক্না বীর ভুমিদসু চৎখি।
প্রধান মন্ত্রীনা ঙসি ভর্চুএল ওইনা লাদাখতা শিঙ্কুন লা তন্নেল প্রোজেক্তকী অহানবা ব্লাস্ত য়েংখি। শিঙ্কুন লা তন্নেল প্রোজেত অসি লাহদা কুম চুপ্পা চৎনবা য়াবা লম্বী থোং শেম্নবা নিমু-পাদুম-দর্চা লম্বীদা ফিত ১৫,৮০০ দোমদা কিলোমিতর ৪.১ শাংবা ত্বিন-ত্যুব তন্নেল অমা শাবা য়াওরি।
শ্রদ্ধাঞ্জলি সমরোদা ৱা ঙাংলদুনা প্রধান মন্ত্রীনা হায়খি মদুদি লাদাখকী লংলবা লমদম অসিদা চহি ২৫শুবা কার্গিল বিজয় দিবস উবা ফংলগনি। "কার্গিল বিজয় দিবসনা ঐখোয়দা লৈবাকীদমক কত্থোকখিবশিং অদু শিবা নাইদে হায়বসি নীংশিংহল্লে",হায়না প্রধান মন্ত্রীনা ফোংদোকখি। থা কয়া, চহি কয়া অমসুং চহি চা কয়া হৌখ্রবসু, প্রধান মন্ত্রীনা ফোংদোকখি মদুদি লৈবাক অসিগী ঙমখৈগীদমক কত্থোকখ্রবা থৱাইশিং অসি কৈদৌনুংদা মুত্থৎপা য়ারোই। "লৈবাক অসিনা মতম চুপ্পদা ঐখোয়গী আর্ম্দ ফোর্সেসকী থৌনা ফরবা অথৌবশিং অসিদা লমন কয়া তোনশিল্লে", হায়না প্রধান মন্ত্রী মোদীনা হায়খি।
কার্গিল লান নীংশিংলদুনা, প্রধান মন্ত্রীনা হায়খি মদুদি, মহাক মতম অদুগী লান্মীশিংগী মরক্তা হিংজহৌবদু য়াম্না লাইবক ফরবনি হায়রদুনা মহাক্না ঐখোয়গী লান্মীশিংনা মতৌ করম্না অদুক ৱাংলবা মফমদুদা অরুবা ওপরেসনশিং পায়খৎখিবগে হায়বদু নীংশিংলি। "ঐহাক্না লৈবাক অসিগী থৌনা ফরবা মমা লৈবাকপু ঙাক্নবগীদমক থৱাই কত্থোকখিবা লান্মীশিংবু ইকাইখুম্নবা উৎচরি," হায়না শ্রী মোদীনা হায়খি।
"কার্গিলদা, ঐখোয়না লান মায় পাকপদা নত্তনা ঐখোয়না অচুম্বা, খাঙবা কনবা অমসুং পাঙ্গলগী অঙকপা খুদম অমা পীখ্রে", হায়না প্রধান মন্ত্রী মোদীনা ফোংদোকখি। প্রধান মন্ত্রীনা মতম অদুদা ভারতনা শান্তি পুরক্নবা কন্না হোৎনরিঙৈ চৈরক্তা পাকিস্তান্না মীনম্লম্বগী মতাংদা ফোংদোকখি। "অরানবা অমসুং হিংশাবু অচুম্বনা মায়থিবা পীখি", হায়না মহাক্না মখা তাখি।
হিংশাগী থবকপু নুংনাংবা ফোংদোক্লদুনা প্রধান মন্ত্রীনা হায়খি মদুদি পাকিস্তান্না মতম চুপ্পদা মায়থিবা ফংদুনতা লাকখি। "পাকিস্তান্না হৌখিবশিংদগী পরা তমদদুনা হিংশা শীজিনদুনা লান হৌনবা হোৎনদুনা লৈ অমসুং শাশিন্নবা লান কয়া চত্থদুনা লৈরি," হায়না শ্রী মোদীনা মখা তাখি। প্রধান মন্ত্রীনা হায়খি মদুদি হিংশা তৌবশিংগী ফৎখিদ্রবা ৱাখল্লোন অসি কৈদৌনুংদা মঙফাওনবা ঙমহল্লোইদবনি। "ঐখোয়গী থৌনা ফবশিংনা হিংশা তৌনবা হোৎনবা খুদিংমকপু উফুল তাহনগনি," হায়না মহাক্না মখা তাখি।
ভারতনা চাউখৎপগী মায়কৈদা লৈবা লাদাখ নৎত্রগা জম্মু কাশ্মিরগীবু ওইরো শীংনবা খুদিংমক মায় পাকপা ঙমগনি," হায়না প্রধান মন্ত্রীনা ফোংদোকখি। মহাক্না নীংশিংখি মদুদি ঙসিদগী নুমিৎ খরনিদা ওগস্ত ৫ দা, আর্তিকল ৩৭০ মুত্থৎপগী চহি ৫ মপুং ফারগনি অমসুং ঙসিগী জম্মু অমসুং কাশ্মির অসি মঙলান কয়াগীদমক ঙাংনরি। প্রধান মন্ত্রীনা য়ু.তি.দা জি২০ মীফম পাঙথোকপগী মতাংদা ফোংদোকখি, লৈঙাক অসিনা চহি অহুম মখাইরোম অসিদা ইনফ্রাস্ত্রকচর চাউখৎহনবা অমসুং তুরিজমদা মীৎয়েং চঙলি, সিনেমা হোলশিং হাংদোক্লে, তাজিয়া প্রোসেসনশিং পাঙথোক্লে। "মসিগুম্বা মালেমদা লৈবা শ্বর্গগুম্লবা মফম অসিনা শান্তি অমসুং নুংঙাই য়াইফবগী মায়কৈদা চঙশিল্লি," হায়না প্রধান মন্ত্রীনা মখা তাখি।
লাদাখতা পায়খৎলিবা চাউখৎ খোঙথাংশিংগী মরমদা ঙাংলদুনা প্রধান মন্ত্রীনা হায়খি, শিঙ্কুন লা তন্নেলগা লোইননা, য়ুনিয়ন তেরিতোরী অসিনা চহি চুপ্পা, কুম চুপ্পা লৈবাক পম্বগা শম্নদুনা লৈরগনি। "তন্নেল অসিনা লদাখকী চাউখৎপা অমসুং হেন্না ফবা তুংলমচৎকী অনৌবা ওইথোকপা য়াবা কয়াগী থোং লাওনা হাংলগনি।" লাদাখকী মীয়াম্বু থাগৎপা ফোংদোক্লদুনা প্রধান মন্ত্রীনা হায়খি মদুদি হায়রিবা তন্নেল অসিনা লমদম অসিগী অকনবা অইং অশাগী ফিভম্না মরম ওইদুনা থেংনরিবা অৱাবশিং খরা ফহল্লগনি।
লৈঙাক্না লাদাখকী মীয়ামগী নুংঙাই য়াইফনবগীদমক হোৎনরিবা কয়া পনখি অমসুং কোবিদ-১৯ লাইচৎকী মনুংদা ইরান্দগী কার্গিলদগী মীওই কয়াবু শোই ঙামদনবা হোন্দোক্লকনবা লৈঙাক্না হোৎনরিবা কয়াবু পনখি। মহাক্না জৈসলমরদা ক্বারেন্তিন জোন হাংদুনা তেস্ত তৌরবা মতুংদা লাদাখতা থাখিবগী মতাংসু নীংশিংখি। লৈঙাক্না পুন্সি মহিং হেন্না নুংঙাইনবগীদমক লৌখৎলিবা খোঙথাংশিং অমসুং লাদাখকী মীয়ামদা অহেনবা সর্ভিসশিং পীনবা হোৎনরিবশিংগী মতাংদা ফোংদোক্লদুনা প্রধান মন্ত্রীনা হৌখিবা চহি ৫রোম অসিদা, বজেত্তা করোর ১১০০ দগী করোর ৬০০০ দা হেনগৎখিবগী মতাংদা পনখি। "লম্বী থোং, মৈ, ঈশিং, এজুকেসন, পাৱর সপ্লাই, থবকপু ওইরো, লাদাখকী মায়কৈ খুদিংদা অহোংবা লাক্লি," হায়না প্রধান মন্ত্রীনা হায়খি। মহাক্না লাদাখতা জল জীবন মিসনগী মখাদা থক্নবা ঈশিং চাদা ৯০ পীবগী খুদম পনখি, লাদাখকী নহাশিংগী মগুন লৈবা হায়র এজুকেসনগীদমক লাক্কদৌরিবা সিন্ধু সেন্ত্রেল য়ুনিভর্সিতী, লাদাখ লমদম পুম্বদা ৪জি নেৎৱার্ক পীনবা হোৎনরিবা অমসুং জোজিলা তন্নেলদা এন.ঐচ. ১দা কুম পুম্বা চৎনবা য়াবা কিলোমিতর ১৩ শাংবা লম্বী শেম্নবা হোৎনরিবশিংগী মতাংদা পনখি।
ঙমখৈগী লমদমশিংদা থম্লিবা চাউরবা পান্দম কয়াবু পল্লদুনা প্রধান মন্ত্রীনা বোর্দর রোদ ওর্গানাইজেসন (বি.আর.ও.)না সেলা তন্নেল য়াওনা প্রোজেক্ত ৩৩০ হেন্না মপুং ফানা লোইশিনখ্রে হায়রদুনা অনৌবা ভারতকী শক্তি অমসুং মায়কৈশিং উৎখ্রে হায়না পাউদমখি।
মিলিতরী তেক্নোলোজীশিং ফগৎহনবগী য়াম্না চাউবা মরুওইবা লৈরিবসিগী মতাংদা পল্লদুনা প্রধান মন্ত্রীনা হায়খি মালেমগী শীংনবা য়াবা ফিভম কয়া অসিদা, ঐখোয়গী ঙাকশেলগী ফোর্সতা খ্বাইদগী নৌবা খুৎলাইশিং অমসুং অনৌবা মওং অমসুং এরেঞ্জমেন্তকী তঙাইফদবা লৈ। শ্রী মোদীনা হায়খি মদুদি ঙাকশেলগী সেক্তর অসি মমাংদগী হৌনা ফগৎহনবগী তঙাইফদবা লৈ, অদুবু লাইবক থীবদি মমাংদা হীরম অসিগী মতাংদা মরুওইবা অমত্তা পীবীরমদে। "অদুমওইনমক, হৌখিবা চহি ১০ রোম অসিদা, ঙাকশেলগী রিফোর্ম কয়া অমা লৌখৎখ্রে, মসিনা ঐখোয়গী ফোর্সশিংবু হেন্না শক্তি লৈবা অমসুং মরোমদোম লেপ্পা ঙমহল্লে," হায়না মহাক্না মখা তাখি। শ্রী মোদীনা মখা তারদুনা হায়খি মদুদি ঙসিগী মরুওইবা দিফেন্স প্রোক্যুরমেন্তকী স্তেক অসি ইন্দিয়ন দিফেন্স ইন্দস্ত্রীশিংদা পীরি, হায়রদুনা চাআদ ২৫দি ঙাকশেল অমসুং রিসর্চ দিবেলপমেন্ত বজেত্তা লৈবা প্রাইবেত সেক্তরদা রিজর্ব তৌরি। "হায়রিবা থৌরাংশিং অসিনা মরম ওইদুনা, ভারতকী দিফেন্স প্রদক্সন অসি লুপা করোর লাখ ১.৫ য়ৌখ্রে।" প্রধান মন্ত্রীনা মখা তারদুনা হায়খি, লৈবাক অসিগী মমাংদা লৈরম্বা খুৎলাই মপান্দগী পুশিল্লকপা লৈবাক অমগী শক্তমশিংগা তাইওন্নবা মায়কৈদা ঙসিদি ভারতনা খুৎলাই মপান্দা থাদোকপগী মায়কৈদসু ফগৎলক্লি। ঐখোয়গী ফোর্স অসিনা হৌজিক্তি খুৎলাই অমসুং মিলিতরী ইক্বিপমেন্ত ৫০০০ হেন্না মপান্দগী পুশিল্লকপা লেপ্নবা ৱারেপ লৌখ্রে হায়না শ্রী মোদীনা ফোংদোকখি।
দিফেন্স সেক্তরদা রিফোর্ম কয়া পুরকপগীদমক ঙাকশেলগী ফোর্সশিংবু শিংথারদুনা, প্রধান মন্ত্রীনা অগনিপথ স্কিমবু য়াম্না মরুওইবা রিফোর্মশিংগী মরক্তা অমনি হায়না শাংনা ঙাংখি। ভারতকী চাংচৎতা লৈবা চহিবু মালেমগী চাংচৎতা লৈবা নুংনাংবগী মতাংদা মতম শাংনা লৈরিবা সমশ্যাগী মতাংদা পল্লদুনা প্রধান মন্ত্রীনা হায়খি মদুদি অগ্নিপথ স্কিম্না হৌজিক কোকহল্লিবা ৱাথোক অসি থেংননবা শক্তি অমত্তা লৈরমদে। "অগ্নিপথকী পান্দম অসি নহা ফোর্সশিংবু নহা ওইহনবা অমসুং লানফমদা শেম শাদুনা লৈহনবনি", হায়না প্রধান মন্ত্রীনা ফোংদোক্লদুনা অসিগুম্বা লুরবা হীরম অসিদা রাজনিতী ৱারী পুশিন্দুনা লৈবগীদমক পেন্দবা ফোংদোকখি। মহাক্না মমাংদা লৈরম্বা স্কাম অমসুং ময়াম্নগদা এয়র ফোর্স ফ্লীতশিংবু মতমগা চুনবা ফিভমদা থাংগৎপা ঙম্লমদবগীদমক চৈখি। "অচুম্বদি অগ্নিপথ স্কিমনা লৈবাক অসিগী পাঙ্গল হেনগৎহল্লগনি অমসুং লৈবাক অসিদা পাঙ্গল লৈরবা নহা কয়াসু লৈরগনি। প্রাইবেত সেক্তরদা অমসুং পেরামিলিতরী ফোর্সশিংদা অগ্নিভীরশিংদা মরুওইবা থমগদবনি হায়না লাউথোকখ্রে," হায়না ফোংদোকখি।
সেভিং পেন্সনগী পোৎলুম্না অগ্নিপথকী মরুওইবা মফম অমনি হায়না শন্দোক্লিবা অরানবা ৱাফমশিংগী মতাংদা পল্লদুনা প্রধান মন্ত্রীনা হায়খি মদুদি লান্মীশিংগী পেন্সনগী বর্দন অসি ঙসি চহি ৩০গী মতুংদা লাক্লে, মরম অসিনা, মসিনা স্কিমগী মরম অমা ওইহনবা য়ারোই। "আর্ম্দ ফোর্সেসনা লৌরক্লিবা ৱারেপ অসিবু ঐখোয়না ইকাইখুম্নবা উৎলি মরমদি ঐখোয়গী ইফমদদি লৈবাক অসিগী সেক্যুরিতীনা রাজনিতীদগী হেন্না মরুওই," হায়না মহাক্না হায়খি।
প্রধান মন্ত্রীনা হায়খি মদুদি ঙসিগী লৈবাক অসিগী নহাশিংবু লান্না লমজিংলিবশিং অসিনা হৌখিবা মতমদা আর্ম্দ ফোর্সেসকীদমক করি অমত্তা খনবীরমদে। হৌখিবা লৈঙাক্না ৱান রেঙ্ক ৱান পেন্সনগী মতাংদা শক্লম্বা অরানবা ৱাশক নীংশিংলদুনা প্রধান মন্ত্রীনা পনখি মদুদি এক্স সর্ভিসমেনশিংবু লুপা করোর লাখ ১.২৫তগী হেন্না ফংহল্লিবা স্কিম হৌদোকখিবদু হৌজিক্কী লৈঙাক অসিনি। মহাক্না মখা তানা মমাংগী লৈঙাকনা নাথৈবীরম্বশিং পল্লদুনা হায়খি, " নীংতম্বা চহি হুমদ্রা ফারবা ফাওবদা অথৌবশিংগী লানগী নীংশিং খুভম অমত্তা শাবীরমদবা, ঙমখৈগী মফমশিংদা লান্মীশিংগীদমক মতীক চাবা বুল্লেত প্রুফ জেকেত অমত্তা পীবীরমদবা, অমসুং কার্গিল বিজয় দিবসপু নাথৈদুনা থম্বীরম্বশিংদু হায়রিবা মীওইশিং অসিনি।"
প্রধান মন্ত্রীনা মহাক্কী ৱারোল লোইশিল্লদুনা হায়খি, "কার্গিলগী মায় পাকপসি লৈঙাক অমা নৎত্রগা দল অমহেক্তগী মায় পাকপখক্তমক নত্তে। মায় পাকপা অসি লৈবাক অসিগীনি, মায় পাকপসিনা লৈবাক অসিগী লন্নি। মসি লৈবাক অসিগী চাউথোকচবা অমসুং ইকাইখুম্নবগী কুমহৈ অমনি।" মহাক্না থৌনা ফরবা লান্মীশিংবু লৈবাক অসিগী মহুৎ শিন্দুনা ইকাইখুম্নবা উৎখি অমসুং লৈবাক অসিগী মীপুম খুদিংমক্তা চহি ২৫ ফাওরবা কার্গিল লান মায় পাকপগী য়াইফ পাউজেল পীখি।
লাদাখকী লেফতনেন্ত গবর্নর, ব্রিগেদিয়র (দি.আর.) বি.দি. শর্ম, রাজ্যগী ঙাকশেলগী কেন্দ্রগী মন্ত্রী, শ্রী সঞ্জয় সেথ, আর্ম্দ ফোর্সেস অহুমগী চীফ ওব দিফেন্স স্তাফ, জেনরেল অনিল চৌহন অমসুং চীফ ওব আর্মী স্তাফনা থৌরম অদুদা শরুক য়াখি।
বেকগ্রাউন্দ
শিঙ্কুন লা তন্নেল প্রোজেত অসি লাহদা কুম চুপ্পা চৎনবা য়াবা লম্বী থোং শেম্নবা নিমু-পাদুম-দর্চা লম্বীদা ফিত ১৫,৮০০ দোমদা কিলোমিতর ৪.১ শাংবা ত্বিন-ত্যুব তন্নেল অমা শাবা য়াওরি। অমুক্তং মপুং ফানা লোইশিল্লকপদা, মসিনা মালেমদা খ্বাইদগী ৱাংবা তন্নেল ওইরগনি। শিকুন লা তন্নেল অসিনা ঐখোয়গী আর্ম্দ ফোর্সশিংনা খোঙলৈ থুনা চৎথোক চৎশিন তৌবা ঙমহনবদা নত্তনা শেন্মিৎলোন অমসুং খুনাই চাউখৎলোন অমা লদাখতা পীরগনি।
***
(Release ID: 2037635)
Visitor Counter : 8
Read this release in:
Odia
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam