କେନ୍ଦ୍ର ଅର୍ଥମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ ୨୦୨୪ - ୨୫ ଆର୍ôଥକ ବର୍ଷର ବଜେଟ୍ ଉପସ୍ଥାପନ କରିବା ଅବସରରେ ତିନୋଟି ଅତିରିକ୍ତ କର୍କଟ ଔଷଧ ଟ୍ରାସ୍ତୁଜୁମାବ ଡେରୁକ୍ସଟେକନ, ଓସିମେର୍ଟିନିବ୍ ଏବଂ ଡର୍ଭାଲୁମାବକୁ ସୀମା ଶୁଳ୍କରୁ ମୁକ୍ତ କରିବାକୁ ଘୋଷଣା କରିଛନ୍ତି । ଦେଶରେ ୨୭ ଲକ୍ଷ କର୍କଟ ରୋଗୀଙ୍କୁ ଦୃଷ୍ଟିରେ ରଖି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ (ଏମ୍‌ଓଏଚ୍‌ଏଫଡବ୍ଲ୍ୟୁ) ପକ୍ଷରୁ ଅର୍ଥ ମନ୍ତ୍ରଣାଳୟକୁ ଏହି ଅନୁରୋଧ ପଠାଯାଇଥିଲା । ଏହି ଔଷଧ ଗୁଡ଼ିକର ଉପଲବ୍ଧତାରେ ଉନ୍ନତି ଆଣିବା ପାଇଁ ଅର୍ଥ ମନ୍ତ୍ରଣାଳୟ ସେଗୁଡିକୁ ସୀମା ଶୁଳ୍କରୁ ମୁକ୍ତ କରିଛି ।

ଟ୍ରାସ୍ତୁଜୁମାବ ଡେରୁକ୍ସଟେକନ, ଓସିମେର୍ଟିନିବ ଏବଂ ଡର୍ଭାଲୁମାବ୍ ନାମକ ତିନୋଟି କର୍କଟ ଔଷଧ ବିଭିନ୍ନ ଟ୍ୟୁମରର ଚିକିତ୍ସା ପାଇଁ ବ୍ୟବହୃତ ହୁଏ ।

୧. ଟ୍ରାସ୍ତୁଜୁମାବ ଡେରୁକ୍ସଟେକନ - ସ୍ତନ କର୍କଟ

୨. ଓସିମେର୍ଟିନିବ୍ - ଫୁସଫୁସ୍ କର୍କଟ; ଏବଂ

୩. ଡର୍ଭାଲୁମାବ୍ - ଫୁସଫୁସ୍ କର୍କଟ ଏବଂ ବିଲିୟାରୀ ଟ୍ରାକ୍ଟ (ପିତ୍ତ ନଳୀ)କର୍କଟ

କେନ୍ଦ୍ର ଅର୍ଥମନ୍ତ୍ରୀ ଏକ୍ସ - ରେ ଟ୍ୟୁବ୍ ଏବଂ ଫ୍ଲାଟ୍ ପ୍ୟାନେଲ୍ ଡିଟେକ୍ଟର ଉପରେ ସୀମା ଶୁଳ୍କ ହାରରେ ମଧ୍ୟ ସଂଶୋଧନ କରିଛନ୍ତି । ଏହି ସଂଶୋଧିତ ଦର କମ୍ ଖର୍ଚ୍ଚରେ ଉପାଦାନର ଉପଲବ୍ଧତା ବୃଦ୍ଧି କରି ଏକ୍ସ - ରେ ମେସିନ୍ ଶିଳ୍ପ ଉପରେ ସକାରାତ୍ମକ ପ୍ରଭାବ ପକାଇବ ବୋଲି ଆଶା କରାଯାଉଛି । ଏହି ପରିବର୍ତ୍ତନ ଘରୋଇ ଚିକିତ୍ସା ଉପକରଣ କ୍ଷେତ୍ରକୁ ପ୍ରୋତ୍ସାହିତ କରିବ, କମ୍ ଖର୍ଚ୍ଚରେ ଉପାଦାନ ଉପଲବ୍ଧ କରିବ ଏବଂ ସ୍ୱାସ୍ଥ୍ୟସେବା ଖର୍ଚ୍ଚ ହ୍ରାସ କରିବ ଏବଂ ଉନ୍ନତ ଚିକିତ୍ସା ଇମେଜିଂକୁ ଅଧିକ ସୁଗମ ଏବଂ ସୁଲଭ କରିବ ବୋଲି ଆଶା କରାଯାଉଛି ।

ଜାତୀୟ ସ୍ୱାସ୍ଥ୍ୟ ମିଶନ (ଏନ୍‌ଏଚ୍‌ଏମ୍‌) ଅଧୀନରେ ୨୦୨୪ - ୨୫ ଆର୍ôଥକ ବର୍ଷ ପାଇଁ ବଜେଟ୍ ବ୍ୟୟ ମଧ୍ୟ ପ୍ରାୟ ୩୧,୫୫୦ କୋଟି ଟଙ୍କାରୁ ୩୬,୦୦୦ କୋଟି ଟଙ୍କା ପର୍ଯ୍ୟନ୍ତ ପ୍ରାୟ ୪୦୦୦ କୋଟି ଟଙ୍କା ବୃଦ୍ଧି କରାଯାଇଛି । ଏନ୍‌ଏଚ୍‌ଏମ୍ ହେଉଛି କେନ୍ଦ୍ରୀୟ ପ୍ରାୟୋଜିତ ଯୋଜନା ଯାହା ମୁଖ୍ୟତଃ ଦେଶରେ ପ୍ରାଥମିକ ଏବଂ ମାଧ୍ୟମିକ ସ୍ୱାସ୍ଥ୍ୟସେବା ପ୍ରଦାନକୁ ପୂରଣ କରିଥାଏ । ଜନସାଧାରଣଙ୍କ ପକେଟ୍ ବ୍ୟୟକୁ ହ୍ରାସ କରିବା ପାଇଁ ସ୍ୱାସ୍ଥ୍ୟର ପ୍ରତିଷେଧକ ଏବଂ ନିରାକରଣମୂଳକ ଦିଗଗୁଡ଼ିକୁ କାର୍ଯ୍ୟକାରୀ କରିବା ପାଇଁ ପ୍ରାଥମିକ ଏବଂ ମାଧ୍ୟମିକ ସାର୍ବଜନୀନ ସ୍ୱାସ୍ଥ୍ୟସେବା ସୁବିଧାରେ ପୁଞ୍ଜିନିବେଶ କରିବା ହେଉଛି ସରକାରଙ୍କ ଲକ୍ଷ୍ୟ ।

ଘରୋଇ କ୍ଷେତ୍ର ଦ୍ୱାରା ଉତ୍ପାଦକତା ବୃଦ୍ଧି, ବ୍ୟବସାୟିକ ସୁଯୋଗ ଏବଂ ଅଭିନବତାକୁ ପ୍ରୋତ୍ସାହିତ କରିବା ପାଇଁ ବଜେଟରେ ଜନସଂଖ୍ୟା ସ୍କେଲରେ ଡିଜିଟାଲ ପବ୍ଲିକ ଇନଫ୍ରାଷ୍ଟ୍ରକଚର (ଡିପିଆଇ) ଆପ୍ଲିକେସନର ବିକାଶ ନିମନ୍ତେ ପ୍ରସ୍ତାବ ଦିଆଯାଇଛି । କ୍ରେଡିଟ୍ ଇ - କମର୍ସ, ଶିକ୍ଷା, ସ୍ୱାସ୍ଥ୍ୟ, ଆଇନ ଓ ନ୍ୟାୟ, ଲଜିଷ୍ଟିକ୍ସ, ଏମଏସଏମଇ ସେବା, ଡେଲିଭରି ଏବଂ ସହରାଞ୍ଚଳ ଶାସନ ସମେତ ବିଭିନ୍ନ କ୍ଷେତ୍ରରେ ଉନ୍ନତି ଆଣିବା ହେଉଛି ଏହି ପଦକ୍ଷେପର ଲକ୍ଷ୍ୟ ।

ସେହିପରି , ୨୦୨୪ - ୨୫ ବଜେଟରେ ବଛାବଛା ସହରରେ ୧୦୦ଟି ସାପ୍ତାହିକ ହାଟ ବା ଷ୍ଟ୍ରିଟ୍ ଫୁଡ୍ କେନ୍ଦ୍ର ବିକଶିତ କରିବାକୁ ପ୍ରସ୍ତାବ ଦିଆଯାଇଛି । ଏହି ପଦକ୍ଷେପର ଉଦ୍ଦେଶ୍ୟ ହେଉଛି ସ୍ଥାନୀୟ ଅର୍ଥନୀତିକୁ ସୁଦୃଢ଼ କରିବା ଏବଂ ଷ୍ଟ୍ରିଟ୍ ଫୁଡ୍ ଅଭିଜ୍ଞତାକୁ ବଢ଼ାଇବା, ସହରୀ ବିକାଶ ଏବଂ ଗୋଷ୍ଠୀ ନିୟୋଜନରେ ଆହୁରି ଯୋଗଦାନ କରିବା ।

ପୃଷ୍ଠଭୂମି:

କର୍କଟ ଔଷଧ:

ଏନଏଲଇଏମ ୨୦୨୨ ଅଧୀନରେ ଟ୍ରାସ୍ତୁଜୁମାବ ଇଞ୍ଜେକ୍ସନ ୪୪୦ ମିଲିଗ୍ରାମ୍ /୫୦ ମିଲି ଲିଟର ପରିମାପର ଏକ ନିର୍ଦ୍ଧାରିତ ଔଷଧ ଏବଂ ଏନପିପିଏ ଏହାର ସର୍ବୋଚ୍ଚ ମୂଲ୍ୟ ନିର୍ଦ୍ଧାରଣ କରିଛି । ୨୬.୦୩.୨୦୨୪ ରେ ଏସ. ଓ. ୧୫୪୭ (ଇ) ଅନୁଯାୟୀ ବର୍ତ୍ତମାନର ପ୍ରଯୁଜ୍ୟ ସର୍ବୋଚ୍ଚ ମୂଲ୍ୟ ଭାଏଲ ପିଛା ୫୪୭୨୫.୨୧ ଟଙ୍କା ରହିଛି । ତେବେ ଏହାର ଅନ୍ୟାନ୍ୟ ଶକ୍ତିର ପ୍ରକାର ଗୁଡ଼ିକ ସୂଚୀ ତାଲିକାରେ ନାହିଁ । ଟ୍ରାସ୍ତୁଜୁମାବ ବିଭିନ୍ନ ଶକ୍ତି ଏବଂ ପରିମାପରେ ଆସିଥାଏ , ଯାହାର ମିଳିତ ବାର୍ଷିକ କାରବାର ୨୭୬ କୋଟି ଟଙ୍କାରୁ ଅଧିକ ।

ଅନ୍ୟ ଦୁଇଟି ଔଷଧ ଯଥା, ଓସିମେର୍ଟିନିବ୍ ଓ ଡର୍ଭାଲୁମାବ୍ ହେଉଛି ଡିପିସିଓ, ୨୦୧୩ ଅଧୀନରେ ଅଣ - ନିର୍ଦ୍ଧାରିତ ଔଷଧ । ତେଣୁ ଏନପିପିଏ ଅଣ-ଅନୁସୂଚିତ ଫର୍ମୁଲେସନର ସର୍ବାଧିକ ଖୁଚୁରା ମୂଲ୍ୟ (ଏମଆରପି) ଉପରେ ନଜର ରଖିଥାଏ ଯାହା ଦ୍ୱାରା ପୂର୍ବ ବାର ମାସ ମଧ୍ୟରେ ଏହା ଯେପରି ଏମଆରପିର ୧୦% ରୁ ଅଧିକ ବୃଦ୍ଧି ନ ହୁଏ । ୨୦୨୩ -୨୪ ବର୍ଷରେ ଡର୍ଭାଲୁମାବର ବାର୍ଷିକ କାରବାର ୨୮.୮ କୋଟି ଟଙ୍କା ଥିଲା ।

ଓସିମେର୍ଟିନିବ୍ ୪୨ଟି କର୍କଟ ନିରୋଧୀ ଔଷଧର ତାଲିକା ଅଧୀନରେ ଅନ୍ତର୍ଭୁକ୍ତ, ଯେଉଁଥିପାଇଁ ବାଣିଜ୍ୟ ମାର୍ଜିନ୍‌କୁ ୨୭.୦୨.୨୦୧୯ ରେ ଏସ୍ ଓ ୧୦୪୧ (ଇ) ମାଧ୍ୟମରେ ଟ୍ରେଡ୍ ମାର୍ଜିନ୍ ରେସନାଲାଇଜେସନ୍ ଅଧୀନରେ ନିୟନ୍ତ୍ରଣ କରାଯାଇଥିଲା । ଏନପିପିଏ ନିକଟରେ ଉପଲବ୍ଧ ତଥ୍ୟ ଅନୁଯାୟୀ, ୨୦୨୩ - ୨୪ ବର୍ଷରେ ଓସିମେର୍ଟିନିବର ବାର୍ଷିକ କାରବାର ୫୨.୨୬ କୋଟି ଟଙ୍କା ଥିଲା ।

ମେଡିକାଲ ଏକ୍ସ - ରେ ଔଷଧ ଉତ୍ପାଦନ:

ମେଡିକାଲ ଏକ୍ସ- ରେ ମେସିନ୍ ଏବଂ ନିର୍ଦ୍ଦିଷ୍ଟ ସବ୍‌- ଆସେମ୍ବ୍ଲି/ପାର୍ଟର୍ସ/ସବ୍‌- ପାର୍ଟସର ଘରୋଇ ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ଡିଓପି ପକ୍ଷରୁ ୨୨ ଜାନୁଆରୀ ୨୦୨୧ରେ ପର୍ଯ୍ୟାୟକ୍ରମେ ଏକ ପର୍ଯ୍ୟାୟକ୍ରମ ଉତ୍ପାଦନ କାର୍ଯ୍ୟକ୍ରମ (ପିଏମପି) ବିଜ୍ଞପ୍ତି ପ୍ରକାଶ ପାଇଥିଲା, ଯେଉଁଥିରେ ମେଡିକାଲ ଏକ୍ସ-ରେ ମେସିନ୍ ଏବଂ ଏକ୍ସ-ରେ ମେସିନ୍ ଉତ୍ପାଦନରେ ବ୍ୟବହୃତ ନିର୍ଦ୍ଦିଷ୍ଟ ସବ୍‌-ଆସେମ୍ବ୍ଲି/ ପାର୍ଟସ୍‌/ ସବ୍‌-ପାର୍ଟସ୍ ଉପରେ ପର୍ଯ୍ୟାୟକ୍ରମେ ଶୁଳ୍କ ପରିବର୍ତ୍ତନ ପ୍ରସ୍ତାବ ଦିଆଯାଇଥିଲା ।

ଏକ୍ସ -ରେ ମେସିନ୍ ଏବଂ ଆନୁଷଙ୍ଗିକ ସବ୍‌-ଆସେମ୍ବ୍ଲି/ ପାର୍ଟସ୍‌/ସବ୍‌-ପାର୍ଟସ୍ ଉପରେ ବଢ଼ୁଥିବା ଶୁଳ୍କ ଢାଞ୍ଚାକୁ ଦୃଷ୍ଟିରେ ରଖି ମେଡିକାଲ ଏକ୍ସ - ରେ ମେସିନ୍ ଏବଂ ସମ୍ପୃକ୍ତ ସବ୍‌-ଆସେମ୍ବ୍ଲି/ପାର୍ଟସ୍‌ /ସବ୍‌-ପାର୍ଟସ୍ ଶିଳ୍ପକୁ ଏହି କ୍ଷେତ୍ରରେ ପୁଞ୍ଜିନିବେଶ ଯୋଜନା କରିବା ଏବଂ ଘରୋଇ ଉତ୍ପାଦନ ବୃଦ୍ଧି କରିବାକୁ ସକ୍ଷମ କରିବା ଏହି ପିଏମପିର ଉଦ୍ଦେଶ୍ୟ ଥିଲା । ଏହା ଦ୍ୱାରା ଘରୋଇ ମୂଲ୍ୟ ବୃଦ୍ଧି ପାଇବ ଏବଂ ଭାରତରେ ଏକ ମଜବୁତ ମେଡିକାଲ ଏକ୍ସ - ରେ ମେସିନ ଉତ୍ପାଦନ ପାରିବେଶିକ ବ୍ୟବସ୍ଥା ପ୍ରତିଷ୍ଠା ହେବ ବୋଲି ଆଶା କରାଯାଉଥିଲା ।

ତେବେ ଏକ୍ସ - ରେ ଟ୍ୟୁବ୍ ଏବଂ ଫ୍ଲାଟ୍ ପ୍ୟାନେଲ୍ ଡିଟେକ୍ଟରର ଉତ୍ପାଦନ କ୍ଷମତା ଏପର୍ଯ୍ୟନ୍ତ ଦେଶରେ ବିକଶିତ ହୋଇନାହିଁ ବୋଲି ଶିଳ୍ପ ସଂସ୍ଥା ଔଷଧ ବିଭାଗ ନିକଟରେ ଦର୍ଶାଇଥିଲା ଏବଂ ଏହି ସାମଗ୍ରୀଗୁଡ଼ିକ ସମ୍ବନ୍ଧିତ ପର୍ଯ୍ୟାୟକ୍ରମ ଉତ୍ପାଦନ କାର୍ଯ୍ୟକ୍ରମ (ପିଏମପି) କାର୍ଯ୍ୟସୂଚୀରେ ସଂଶୋଧନ ପାଇଁ ଅନୁରୋଧ କରିଥିଲା ।

ଏହି ପରିପ୍ରେକ୍ଷୀରେ ସତର୍କତାର ସହ ଯାଞ୍ଚ କରିବା ପରେ ଜଣାପଡିଛି ଯେ ଘରୋଇ ଆବଶ୍ୟକତାକୁ ପୂରଣ କରିବା ପାଇଁ ଏକ୍ସ - ରେ ଟ୍ୟୁବ୍ ଏବଂ ଫ୍ଲାଟ୍ ପ୍ୟାନେଲ ଡିଟେକ୍ଟର ପାଇଁ ପର୍ଯ୍ୟାପ୍ତ ଘରୋଇ କ୍ଷମତା ସ୍ଥାପିତ ହେବା ନିମନ୍ତେ ଅତି କମରେ ଦୁଇ ବର୍ଷ ସମୟ ଲାଗିପାରେ । ଏହାପରେ ୨୪.୫.୨୦୨୪ରେ ଓଏମ୍ ଜରିଆରେ ବିଭାଗ ରାଜସ୍ୱ ବିଭାଗକୁ ସଂଶୋଧିତ ଦର ପାଇଁ ଅନୁରୋଧ କରିଥିଲା । ଅର୍ଥ ମନ୍ତ୍ରଣାଳୟ ୨୩ ଜୁଲାଇ, ୨୦୨୪ (କ୍ର. ସଂଖ୍ୟା. ୭୧)ର ବିଜ୍ଞପ୍ତି ନଂ ୩୦/୨୦୨୪ -ସୀମା ଶୁଳ୍କ ମାଧ୍ୟମରେ ବିଭାଗ ଦ୍ୱାରା ପ୍ରସ୍ତାବିତ ଉକ୍ତ ସାମଗ୍ରୀ ଗୁଡ଼ିକର ଶୁଳ୍କ ହାରରେ ସଂଶୋଧନ କରିଛି ।

****

SSP