হকশেল অমসুং য়াইফ-য়ুম্বাল মন্ত্রালয়
কেন্দ্রগী বজেৎ 2024-25
কেন্সর লায়েং পথাপ হোংহন্নবা মীৎয়েং থম্বগা লোয়ননা অহেনবা কেন্সরগী হীদাক অহুমদা কস্তমস দ্যুতী লৌররোই
এক্স-রে ত্যুবশিং অমসুং মেদিকেল এক্স-রে মেছিনশিংদা শীজিন্নবা ফ্লেৎ পেনেল দিতেক্তরশিংগী কস্তম দ্যুতী রিভাইজ তৌখ্রে
NHMগী মখাদা FY 2024-25কীদমক বজেৎ এক্সপেন্দিচর অসি লুপা করোর 31,550দগী লুপা করোর 36,000দা চাউরাক্না লুপা করোর 4000 হেনগৎহনখ্রে
পাকশন্না প্রদক্তিবিতী অমসুং ইন্নোভেসন লৈহন্নবগীদমক দিজিতেল পব্লিক ইনফ্রাস্ত্রকচর (DPI) এপ্লিকেসনশিং প্রপোজ তৌখ্রে
লোকেল ইকনোমীশিং ফগৎহন্নবা অমসুং স্ত্রীত ফুদ এক্সপরিয়েন্স হেনগৎহন্নবা পান্দমদা চয়োলগী ওইবা “হাত’ নত্ত্রগা স্ত্রীৎ ফুদ হব 100 অখন্নবা সহরশিংদা হৌদোক্লগনি
Posted On:
24 JUL 2024 9:24AM by PIB Imphal
কেন্দ্রগী শেল-থুম মন্ত্রী, শ্রীমতি নির্মালা সিতারামন্না ঙসি পার্লিয়ামেন্তদা মহাক্না কেন্দ্রগী বজেৎ 2024-35 পুথোকখিবগা লোয়ননা অহেনবা কেন্সরগী হীদাক-লাংথক অহুমদা – ত্রাস্তুজুমেব দেরক্সতেকন, ওসিমের্তিনিব অমসুং দুর্বালুমেব – কস্তমস দ্যুতী লৌররোই লাউথোকখ্রে। ৱাফম অসি লৈবাক অসিদা লৈরিবা কেন্সর পেসেন্ত লাখ 27গী য়েংলগা শেল-থুম মন্ত্রালয়দা হকশেল অমসুং য়াইফ-য়ুম্বাল মন্ত্রালয় (MoHFW)না পুখৎখিবনি। দ্রগশিং অসিগী মমল হোংবা হেনগৎহন্নবা শেল-থুম মন্ত্রালয়না মখোয়দগী কস্তমস দ্যুতী লৌররোই।
কেন্সরগী দ্রগ অহুম মমিং ওইনা পল্লবদা ত্রাস্তুজুমেব দেরক্সতেকন, ওসিমের্তিনিব অমসুং দুর্বালুমেব অসি তোঙান-তোঙানবা ত্যুমর মখলশিংগীদমক শীজিন্নৈ মখোয় অদুদি
- ত্রাস্তুজুমেব দেরক্সতেকন – ব্রেস্ত কেন্সর
- ওসিমের্তিনিব – লং কেন্সর; অমসুং
- ওসিমের্তিনিব – লং কেন্সর অমসুং বাইলিএরী ত্রেক্ত কেন্সর
কেন্দ্রগী শেল-থুম মন্ত্রীনা এক্স-রে ত্যুবশিং অমসুং ফ্লেৎ পেনেল দিতেক্তরশিংদা কাস্তম দ্যুতী রেৎশিংসু রিভাইজ তৌখ্রে। অসিগুম্বা শেমদোক্লবা রেৎশিং অসিনা এক্স-রে মেছিন ইন্দস্ত্রীদা পোজিতিব ওইবা ইথিল পীগনি হায়না পানরি। মসিনা কম্পোনেন্তশিং অসি হন্থবা মমলদা ফংহনবদা মতেং ওইগনি। অহোংবা অসিনা দোমেস্তিক মেদিকেল দিভাইস সেক্তরদা পুক্নিং থৌগৎকনি, কম্পোনেন্তশিংগী মমল হন্থনা ফংহনবদা মতেং পাংগনি অমসুং হেল্থকিয়রগী মমল হন্থহল্লগনি, মসিনা এদভান্স মেদিকেল ইমেজিংবু হেন্না এক্সেসিবল অমসুং শেল চঙবা ওইহল্লগনি হায়না পানরি।
নেস্নেল হেল্থ মিসন (NHM) গী মখাদা FY 2024-25গী বজেৎ এক্সপেন্দিচর অসি লুপা করোর 31,550দগী লুপা করোর 36,000দা হেনগৎতুনা চাউরাক্না লুপা করোর 4000 হেনগৎহনখ্রে। NHM অসি লৈবাক অসিদা প্রাইমরী অমসুং সেকেন্দরী হেল্থকিয়র সর্ভিস দেলিভরীদা মরুওইনা মতেং পাংলিবা সেন্ত্রেল স্পোন্সর তৌরবা স্কিম অমনি। সরকারনা মীৎয়েং থম্লিবা অসি প্রাইমরী অমসুং সেকেন্দরী পব্লিক হেল্থকিয়র ফেসিলিতীশিংদা প্রিভেন্তিব অমসুং ক্যুরেতিব এস্পেক্তশিং ইমপ্লিমেন্ত তৌনবা ইনভেস্ত তৌদুনা মীয়ামগী আউৎ ওফ পোকেত এক্সপেন্দিচর হন্থহন্নবা হোৎনবনি।
প্রাইবেৎ সেক্তরনা প্রদক্তিবিতী হেনগৎহন্নবা, ললোন-ইতিক্কী খুদোংচাবশিং ফংহন্নবা অমসুং ইন্নোভেসন তৌনবা, বজেৎ অসিনা পোপুলেসন স্কেলদা দিজিতেল পব্লিক ইনফ্রাস্ত্রকচর (DPI) এপ্লিকেসনশিং শেমগৎনবা ৱাফম থম্লি। মসিগী খোঙথাংশিং অসিনা ক্রেদিৎ ই-কমর্স, এজুকেসন, হেল্থ, লো অমসুং জস্তিস, লোজিস্তিক্স, MSME সর্ভিসশিং, দেলিভরী অমসুং অর্বান গভর্নান্স য়াওনা তোঙান তোঙানবা সেক্তরশিংবু মপাঙ্গল কনখৎহন্নবা পান্দম থম্লি।
মসিগী মথক্তা, 2024-25গী কেন্দ্রগী বজেৎতা খনগৎলবা সহরশিংদা চয়োল খুদিংগী "হাত" নৎত্রগা স্ত্রীৎ ফুদ হব 100 শেমগৎনবা ৱাফম অমসু থমখ্রে। খোঙথাং অসিনা লোকেল ইকনোমীশিংবু মপাঙ্গল কনখৎহন্নবা অমসুং স্ত্রীত ফুদগী এক্সপরিয়েন্স হেনগৎহন্নবা পান্দম থম্লি। মসিনা অর্বান দিবেলপমেন্ত অমসুং কম্ম্যুনিতী এঙ্গেজমেন্তদা মখা তানা মতেং পাংগনি।
বেকগ্রাউন:
কেন্সর দ্রগশিং:
ত্রাস্তুজুমাব ইঞ্জেক্সন 440mg/50ml অসি NLEM 2022গী মখাদা সেদ্যুল তৌরবা হিদাক অমনি অমসুং NPPAনা মসিগী সিলিং প্রাইস লেপখি। হৌজিক চৎনবা য়াবা সিলিং প্রাইস অসি লুপা 1,000নি, ভাইদ S.O. 1547 (E) 26.03.2024দা থোকখিবা। অদুম ওইনমক, মসিগী অতোপ্পা মপাঙ্গল লৈবা ভেরিএন্তশিং অসি সেদ্যুল লিস্তকী মখাদা লৈতে। ত্রাস্তুজুমেব অসি তোঙান-তোঙানবা মপাঙ্গল অমসুং দোজশিংদা লাকই অমসুং মসিগী অপুনবা চহিগী ওইবা তর্নওভর অসি লুপা করোর 276 হেন্না ওইরি।
অতোপ্পা হিদাক অনি হায়বদি ওসিমের্তিনিব অমসুং দুর্বালুমেব অসি DPCO, 2013গী মখাদা সেদ্যুল তৌদবা হিদাকশিংনি। মরম অদুনা, NPPAনা মমাংগী থা তরানিথোইদা MRPগী 10%দগী হেনবা হেনগৎহন্দনবা নন-সেদ্যুল ফোর্মুলেসনগী মেক্সিমম রিতেল প্রাইস (MRP) অদু মোনিতর তৌই। ইং 2023-24 ফাওবদা দুর্বালুমেবকী চহিগী ওইবা তর্নওভর অসি লুপা করোর 28.8 ওইখি।
ওসিমর্তিনিব অসি ত্রেদ মার্জিন রেসনেলাইজেসন ভাইদ S.O. 1041 (E),27.02.2019দা থোকখিবগী মখাদা ত্রেদ মার্জিন রেগুলেত তৌখিবা এন্তি-কেন্সর দ্রগ 42গী লিস্ততা য়াওরি। NPPAদা ফংলিবা দেতাগী মতুং ইন্না ওসিমর্তিনিবকী চহি 2023-24গী চহিগী ওইবা তর্নওভর অসি লুপা করোর 52.26 ওইখি।
মেদিকেল এক্স-রে মেছিনশিং শাবা:
মেদিকেল এক্স-রে মেছিনশিং অমসুং অকক্নবা সব-এসেম্বলীশিং/পার্তশিং/সব-পার্তশিংগী দোমেস্তিক মেনুফেকচরিং প্রমোৎ তৌনবা, ফেজ মেন্যুফেকচরিং প্রোগ্রাম (PMP) অমা জনুৱারী 22, 2021দা DoP না নোতিফাই তৌখি। মসিগী মখাদা মেদিকেল এক্স-রে মেছিনশিং অমসুং এক্স-রে মেছিনশিং শাবদা শীজিন্নরিবা অকক্নবা সব-এসেম্বলীশিং/পার্তশিং/সব-পার্তশিংদা তারিফকী অহোংবশিং তাঙ্কক নাইবা মওংদা হেনগৎহন্নবা ৱাফম থমখি।
PMPগী পান্দমদি মেদিকেল এক্স-রে মেছিনশিং অমসুং মসিগা মরী লৈনবা সব-এসেম্বলীশিং/পার্তশিং/সব-পার্তশিংগী ইন্দস্ত্রীদা সেক্তর অসিদা মখোয়গী ইনভেস্তমেন্ত প্লান তৌনবা অমসুং দোমেস্তিক প্রদক্সন হেনগৎহন্নবা, এক্স-রে মেছিন অমসুং মসিগা মরী লৈনবা সব-এসেম্বলীশিং/পার্তশিং/সব-পার্তশিংগী দ্যুতী স্ত্রকচর হেনগৎলক্লিবা অসি য়েংদুনা মতেং পাংবা ওইগনি। মসিনা দোমেস্তিক ভেল্যু এদিসন হেনগৎহল্লগনি অমসুং ভারত্তা মেদিকেল এক্স-রে মেছিনশিং পুথোকপগী মপাঙ্গল লৈবা ইকো-সিস্তেম অমা লিংখৎলগনি হায়না পানরি।
অদুম ওইনমক, ইন্দস্ত্রীনা ফার্মাস্যুতিকেল্সকী দিপার্তমেন্তকী মমাংদা এক্স-রে ত্যুবশিং অমসুং ফ্লেৎ পেনেল দিতেক্তরশিংগী মেনুফেকচরিং কেপাসিতী অসি লৈবাক অসিদা হৌজিক ফাওবা শেমগৎপা ঙমদ্রি হায়না ফোংদোকখি অমসুং পোৎলমশিং অসিগা মরী লৈনবা ফেজ মেনুফেকচরিং প্রোগ্রাম (PMP) গী সেদ্যুল রিভিয়ু তৌনবা হায়খি। মতাং অসিদা, চেকশিন্না য়েংশিল্লবা মতুংদা, লৈবাক অসিদা লৈরিবা মথৌ তাবশিং অসি মপুং ফাহন্নবগীদমক্তা এক্স রে ত্যুবশিং অমসুং ফ্লেৎ পেনেল দেতেক্তরশিংগী মতিক চাবা লৈবাক অসিদা লৈরিবা কেপাসিতী শেমগৎপদা য়ামদ্রবদা চহি অনি চঙবা য়াই হায়বা খঙলে। মসিগী মতুংদা, দিপার্তমেন্তনা 24.5.2024গী OM গী খুত্থাংদা রেভিন্যু দিপার্তমেন্ততা রিভাইস তৌরবা রেৎশিংগীদমক হায়জখি। শেলথুম মন্ত্রালয়গী নোতিফিকেসন নম্বর 30/2024-কস্তমস দেতেদ জুলাই 23, 2024গী (S.No. 71) দগী দিপার্তমেন্তনা প্রপোজ তৌখিবগী মতুং ইন্না হায়রিবা পোৎলমশিং অসিগী দ্যুতী রেৎশিং শেমদোকখ্রে।
****
(Release ID: 2036382)
Visitor Counter : 18