শেন্মিৎলোন্দা দিজিতেলগী থবকশিং শীজিন্ননবা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না থৌরাং কয়া লাউথোক্লে। ঙসি সংসদতা য়ুনিয়ন বজেত ২০২৪-২৫ পুথোক্লদুনা, য়ুনিয়ন মিনিস্তরনা হায়খি পোৎথোক পুথোকপা হেনগৎনবা অমসুং শেন্মিৎলোন্দা থোং মান্নদবা হন্থহন্নবা হৌখিবা চহি ১০ অসিদা লৈবাক অসিদা মাইপাক্না তেক্নোলোজি শীজিন্নরে। দিজিতেল ইনফ্রাস্ত্রকচরদা অমসুং ইন্নোবেসনশিংদা লনাই কাংবুনা শেন থাদবা অসিনা মীচম মীয়াম্না তেক্নোলোজি লাইনা শীজিন্নবা ফংলে অমসুং মরুওইনা কৈথেল, লাইরিক-লাইশু, হকশেল অমসুং থবকশিং লাইনা ফংহল্লে।

তেক্নোলোজি শীজিন্নবা অমসুং দিজিতেলগী থবকশিং পাংথোকপগী শরুক অমা ওইনা মখাগী থৌরাংশিং অসি লাউথোক্লে।

দেতা অমসুং স্তেতিসতিক্স

দেতাগী থবকশিং, খোমজিনবা, শেম-শাবা অমসুং দেতা মেনেজ তৌবা অমসুং স্তেতিসতিক্সকী থবকশিং ফগৎনবা, দিজিতেল ইন্দিয়া মিসনগী মখাদা লিংখৎপশিং য়াওনা, তোঙান-তোঙানবা সেক্তোরেল দেতা বেজশিং, তেক্নোলোজি তুলশিংগা লোয়ননা মপুংফানা শীজিন্নগনি হায়না য়ুনিয়ন ফাইনান্স মিনিস্তরনা হায়খি

মোবাইল ফোনশিং অমসুং মরী লৈনবা পার্তশিং

য়ুনিয়ন ফাইনান্স মিনিস্তরনা হায়খি মদুদি লৈবাক অসিদা মোবাইল ফোন শাবা শরুক অহুম হেনগৎলে অমসুং হৌখিবা চহি ১০দা মপান লৈবাকশিংদা মোবাইল ফোনশিং থাদোকপা শরুক ১০০ হেনগৎতুনা, ভারতকী মোবাইল ফোন উদ্যোগ মপুংফারে। ফোন শীজিন্নরিবশিংগী য়াইফনবা য়েংলগা, মোবাইল ফোন, মোবাইল প্রিন্তেদ সর্কুইত বোর্দ এসেমব্লি অমসুং মোবাইল চার্জরদা বি.সি.দি চাদা ১৫ হন্থরে।

ইলেক্ত্রোনিক্স

য়ুনিয়ন ফাইনান্স মিনিস্তরনা হায়খি লৈবাক অসিগী ইলেক্ত্রোনিক্স উদ্যোগ অসি মগুন হেনগৎহন্নবা রেসিস্তরশিং শানবা ওক্সিজেন ফ্রি কোপ্পরদা কস্তমস দ্যুতি লৌথোক্লগনি অমসুং কন্নেক্তরশিং শানবা অকক্নবা পার্ত খরদা দ্যুতি লৌথোক্লগনি।

তেলিকম্মুনিকেসনগী খুৎলায়

লৈবাক অসিদা মেনুফেকচরিংদা মতেং পাংনবা,অকক্নবা তেলিকোমগী খুৎলায়গী পি.সি.বি.এদা বি.সি.দি চাদা ১০ দগী চাদা ১৫ দা হেনগৎনবা পান্দম থম্লে হায়না ফাইনান্স মিনিস্তরনা লাউথোকখি।

দিজিতেল পব্লিক ইনফ্রাস্ত্রকচর (দি পি আই) এপ্লিকেসনশিং

পোৎথোক পুথোকপা হেনগৎনবা, ললোন-ইতিক্কী খুদোংচাবশিং লৌনবা অমসুং লনাই কাংবুনা ইন্নোবেসন পাংথোক্নবা দি.পি.আই চাউখৎনবা ৱাফম ফাইনান্স মিনিস্তরনা পুথোকখি। থবকশিং হায়বদি ক্রেদিদ, ই-কম্মর্স, লাইরিক-লাইশু, হকশেল, লো অমসুং জসতিস, লোজিসতিক্স, এম.এস.এম.ই, সর্বিস ফংহনবা অমসুং সহরগী লৈঙাক্তা দি.পি.আই এপ্লিকেসনশিং শীজিন্নবা হেনগৎহনবা থৌরাং তৌরে।

ফাইনান্স মিনিস্তরনা হায়খি মথং চহি ১০দা স্পেস ইকোনোমি শরুক ৫ চাউখৎনবা লুপা করোর ১০০০গী ভেঞ্চর কেপিতেল ফন্দ অমা লিংখৎলগনি।

***