পার্লিয়ামেন্তকী বজেত সেসন ২০২৪ হৌদ্রিঙৈ মাংওইননা রাজনিতী দলশিংগী ফ্লোরগী লুচিংবশিং অমসুং লৈঙাক্কা ঙসি কেন্দ্রগী ঙাকশেল মন্ত্রী শ্রী রাজনাথ সিংহনা ময়াই তাংবল লৌদুনা মীফম অমা পাঙথোকখ্রে। ১৮শুবা লোক সভা শেম্লবা মতুংদা পার্লিয়ামেন্তকী হাউজ অনিমক্কী ফ্লোরগী লুচিংবশিংগী অহানবা মীফমদা মন্ত্রীনা পুম্নমকপু তরাম্না ওকখি। মহাক্কী হৌদোক ৱারোলদা, কেন্দ্রগী পার্লিয়ামেন্তরী এফিয়র্সকী মন্ত্রী শ্রী কিরেন রিজিজুনা পার্লিয়ামেন্তকী বজেত সেসন অসি জুলাই ২২, ২০২৪ দগী হৌরগনি হায়না পাউদমখি অমসুং লৈঙাক্কী বিজিনেসতা লৈরিবা অথু অকাই লাকপা লাক্তবগী মতুং ইন্না সেসন অসি ওগস্ত ১২, ২০২৪, নিংথৌকাবা নুমিৎতা লোইশিল্লবা য়াই। সেসন অসিনা নুমিৎ ২২ গী মনুং অসিদা সিত্তিং ১৬ লৈগনি। মন্ত্রীনা মসিমসু পাউদমখি মদুদি সেসন অসিনা মরুওইনা জুলাই ২৩, ২০২৪ গী লৈবাকপোকপা নুমিত্তা লোক সভাদা লান্থোক্কদবা ২০২৪-২৫কী কেন্দ্রগী বজেতকা মরী লৈনবা শেলথুমগী বিজিনেস্তা মরুওইনা খন্নগনি। অদুমওইনমক, সেসন অসিগী মনুংদা অতোপ্পা তঙাইফদবা লেজিস্লেতিব অমসুং অতৈ বিজিনেসশিংসু লৌখৎকনি। একনোমিক সর্ভে ওব ইন্দিয়াসু জুলাই ২২, ২০২৪গী নিংথৌকাবা নুমিত্তা পার্লিয়ামেন্তকী হাউসকী তেবলদা থমগনি। য়ুনিয়ন তেরিতোরী জম্মু অমসুং কাশ্মিরগী ২০২৪গী বজেতনা জুলাই ২৩, ২০২৪দা লান্থোক্কনি। লেজিস্লেতিব বিজিনেসকী আইতেম ৬ অমসুং ফাইনান্সিএল বিজিনেসকী আইতেম ৩সু হায়রিবা সেসন অসিগী মনুংদা লৌখৎনবা খন্দোকখ্রে।

পার্লিয়ামেন্তরী এফিয়র্সকী কেদ্রগী মন্ত্রীনা মখা তানা ফোংদোকখি মদুদি লৈঙাক অসিনা মতম চুপ্পদা হাউসকী ফ্লোরদা মরী লৈনবা প্রিসাইদিং ওফিসরনা রুল্স ওব প্রোসিজ্যুর অমসুং কন্দক্ত ওব বিজিনেসকী মখাদা অয়াবা পীবা ইস্যু অমহেক্তা খন্ননৈনবা শেম শাদুনা লৈ। মহাক্না দল খুদিংমক্কী লুচিংবশিংদা পার্লিয়ামেন্তকী হাউস অনিনা নীংথিনা মথৌ চত্থনবগীদমক চপ চানা মতেং পাংবীনবা হায়জখি। মীফম অদুদা হকশেল অমসুং য়াইফ য়ুম্বালগী অমসুং কেমিকেল অমসুং ফর্তিলাইজরগী কেন্দ্রগী মন্ত্রী অমসুং রাজ্য সভাদা হাউসকী লুচিংবা ওইবীরিবা শ্রী জগত প্রকাশ নাদা, লো অমসুং জস্তিস মন্ত্রালয় অমসুং পার্লিয়ামেন্তরী এফিয়র্সকী রাজ্যগী মন্ত্রী ওইরিবা শ্রী আর্জুন রাম মেঘৱাল অমসুং পার্লিয়ামেন্তরী এফিয়র্স মন্ত্রালয় অমসুং ইনফোর্মেসন অমসুং ব্রোদকাস্তিংগী রাজ্যগী মন্ত্রী ওইরিবা দা. এল উরুগান্সু শরুক য়াখি।

মীফম অদুগী লোইশিন ৱারোল পীরদুনা শ্রী রাজনাথ সিংহ, কেন্দ্রগী ঙাকশেল মন্ত্রীনা মীফম অদুদা মরুওইবা মতাংশিং পুখৎলকপশিংবু খঙজিনবগা লোইননা লুচিংবা খুদিংমকপু থাগৎপা ফোংদোকখি। ঐখোয় খুদিংমক্না প্রোসিদিং চত্থরিঙৈদা পার্লিয়ামেন্তকী অশেংবা শক্তম ঙাকমিন্নগদবনি হায়না মহাক্না থমখি। লৈঙাক্না পার্লিয়ামেন্তকী হাউশিংগী কাংলোন অমসুং মরী লৈনবা প্রিসাইদিং ওফিসর অদুগী ৱারেপকী মতুং ইন্না ইস্যুশিং অসি খন্ননবা শেম শারে হায়খি।

অপুনবা ওইনা মীফম অদুদা রাজনিতি দল নিফুমাথোইগী লুচিংবা য়াংখৈ মঙানা শরুক য়াখি।

১৮শুবা লোক সভাগী ২শুবা সেসন্দা অমসুং রাজ্য সভাগী ২৬৫শুবা সেসন্দা  লৌখৎখৎপা য়ারিবা বিলশিংগী লিস্ত

১ – লেজিস্লেতিব বিজিনেসঃ-

1. ফাইনান্স (নম্বর ২) বিল, ২০২৪
2. দিজাস্তর মেনেজমেন্ত (এমেন্দমেন্ত) বিল, ২০২৪
3. বোইলর্স বিল, ২০২৪
4. ভারতিয়া বায়ুয়ন বিধেয়ক, ২০২৪
5. কোফী (প্রোমোসন অমসুং দিবেলপমেন্ত) বিল, ২০২৪
6. রবর (প্রোমোসন অমসুং দিবেলপমেন্ত) বিল, ২০২৪

২- ফাইনান্সিএল বিজিনেসঃ-

1. কেন্দ্রগী বজেত, ২০২৪-২৫কী মতাংদা জেনরেল দিস্কসন
2. ২০২৪-২৫কী গ্রান্তকী খন্ননৈনবা অমসুং ভোতিং ওন দিমান্দ অমসুং মরী লৈনবা চুনবা বিল হৌদোকপা, খন্নবা অমসুং পাস/রিতন
3. য়ুনিয়ন তেরিতোরী জম্মু অমসুং কাশ্মিরগী শেনবা চহি ২০২৪-২৫ কী গ্রান্তশিংগী খন্নবা অমসুং ভোতিং ওন দিমান্দ অমসুং মরী লৈনবা চুনবা বিল হৌদোকপা, খন্নবা অমসুং পাস/রিতন।

***