কেরলাগী মল্লপুরম জিলাদা নিপাহ ভাইরসকী কেস অমা লৈবা খঙলকখি। মল্লপুরমদগী চহি ১৪গী নুপামচা অমা এ.ই.এস. সিম্পতোম লৈবা থেংনখি অমসুং কোঝিকোদেগী হেন্না ৱাংবা হকশেলগী সেন্তর অমদা থাদ্রিঙৈদা পেরিন্থালমন্নাগী হেল্থকেয়র ফেসিলিতীদা পুশিনখি। অদুমওইনমক, কোন্না অনাবা অদু লায়না অসিনা মরম ওইদুনা লৈখিদ্রে। এন.আই.ভি., পুনেদা সেম্পলশিং থাবা মতমদা নিপাহ ভাইরস ইনফেক্সন লৈরে হায়বা কনফার্ম তৌখি।

কেন্দ্রনা মখাগী মীয়ামগী ওইবা হকশেলগী খোঙথাংশিং অসি রাজ্য সরকারনা লৌখৎনবা পাউতাক পীখিঃ

• কনফার্ম্দ কেস অদুগী ইমুং মনুং, য়ুম্লোন্নবা অমসুং মানবা মফমশিংদা এক্তিব কেস থিজিনবা।
• হৌখিবা নুমিৎ ১২ নিরোমসিদা লৈখিবা এক্তিব কন্তেক্ত ত্রেসিং (মওং অমহেক্তদা শম্নরুবা)।
• কেস অসিগা শোক্ন-শম্নরুবশিং চেকশিন্না ক্বারেন্তিন তৌবা অমসুং চিংনবশিংবু তোখাইনা থম্বা।
• লেবতা চাংয়েং তৌনবগীদমক সেম্পলশিং খোমজিনবা অমসুং পুথোক পুশিন তৌবা।

কেন্দ্রগী হকশেল মন্ত্রালয়গী নেসনেল 'ৱান হেল্থ মিসন'দগী মলতি মেম্বর জোইন্ত আউতব্রেক রেস্পোন্স তীম অমা রাজ্য অসিবু কেস থিগৎনবা, ইপিদেমিওলোজিকেল লিঙ্কেজ খঙদোক্নবা অমসুং তেক্নিকেল সপ্পোর্ততা মতেং পাংনবগীদমক থারগনি।

মসিগী মথক্তা, রাজ্যনা হায়রকপগী মতুং ইন্না, আই.সি.এম.আর.না মোনোক্লোনেল এন্তিবোদীশিং অনাবশিং য়েংশিন্নবগীদমক থাখ্রে, অমসুং শোক্ন-শম্নরুবশিংদগী সেম্পলশিং চাংয়েং তৌনবা মোবাইল বি.এস.এল.-৩ লেবোরেতরী অমা কোঝিকোদেদা থুংখ্রে। মোনোক্লোনেল এন্তিবোদীশিং অসি অনাবা অসিনা হিংলিঙৈদা য়ৌখি অদুবু মহাক্কী ফিভম্না হেঞ্জিনখিবনা শীজিন্নবা ঙমখিদে।

নিপাহ ভাইরস দিজিজ (এন.আই.ভি.দি.) থোকপগী পাউ অসি হৌখিবদসু লৈখ্রে, অদুগা খ্বাইদগী নৌনা ২০২৩ দসু কোঝিকোদে জিলাদা থোকখি। উহৈ চাবা শেকপীশিং অসিনা ভাইরস অসিগী লৈফম ওইরি অমসুং শেকপীশিং অসিনা চারুবা মহীক চেল্লবা উহৈ অদুবু শোইবদগী চারুবদগী নারকই।

***