ঙসি ফোংবা একাদেমিক জর্নেল সাইন্স এদভান্স না ভারত্তা ২০২০গী মনুংদা কোবিদ-১৯ লাইচৎকী মনুংদা লাইফ এক্সপেক্তেন্সীগী মতাং ফংলকপা খরা ফোংখি। হায়রিবশিং অসি অরানবা এস্তিমেতনি।

অইবনা নেসনেল ফেমিলী হেল্থ সর্ভে-৫ এন.এফ.ঐচ.এস-৫ নৈনবগী মেথোলোজী ঙাক্না চৎলি হায়জরবসু মেথদোলোজী অদুদা শাথিনা লানবা লৈ। খ্বাইদগী মরুওইবা অরানবা অমা হায়রবদি অইবনা জনুৱারী অমসুং এপ্রিল ২০২১গী মরক্তা লৈবা এন.এফ.ঐচ.এস.কী সর্ভেদা য়াওবা ইমুংগী সবসেতশিং লৌশিল্লি, ২০২০ গী হায়রিবা ইমুংশিং অসিগী মোর্তালিতী অদু ২০১৯গা চাংদম্নৈ অমসুং মদুগী ফল অদু লৈবাক পুম্বগী ওইনা পাশিল্লি। এন.এফ.ঐচ.এস. সেম্পল অসি মপুং ওইনা লৌরবদদা লৈবাক অসিগী মহুৎ শিনবা য়াগনি। রাজ্য ১৪গী শরুক খরদগী লৌবা এনালাইসিসতা য়াওবা ইমুং ২৩% না লৈবাক শীন থুংনা মহুৎ শিনবা য়ারোই। অতোপ্পা মরুওইবা অরানবা অমনা হায়রিবা দেতাশিং অসি কোবিদ-১৯ লাইচৎকী মনুংদা খোমখিবনা মসিদা য়াওরিবা সেম্পলশিং অসিগী সেলেক্সন অমসুং রিপোর্তিংদা লৈবা চয়েৎনবগা মরী লৈনৈ।

চেফোং অসিদা চাগা নেম্বা অমসুং ময়াইদা লৈবা লৈবাকশিং ভারত য়াওনা হায়রিবশিং অসিগী মরুইবা রেজিস্ত্রেসন সিস্তেম অসি শোল্লি হায়না লান্না হায়জিনবা অসিনি। মসি অচুম্বদগী য়াম্না লাপ্না লৈখ্রে। ভারতকী সিভিল রেজিস্ত্রেসন সিস্তেম (সি.আর.এস.) অসি য়াম্না মতীক মগুন লৈবা অমসুং লৈতবগী ৯৯% লৌবা অমনি। মসিগী রিপোর্তিং অসি ২০১৫দা ৭৫% ওইরম্বদগী ২০২০দা ৯৯% দা হেনগৎলে। সিস্তেম অসিদগী ফংবা দেতানা ৎলে মদুদি শিবগী রেজিস্ত্রেসন অসি ২০১৯গা চাংদম্নবদা ২০২০দা লাখ ৪.৭৪ দা হেনগৎলে। অসিগুম্না ২০১৮ অমসুং ২০১৯ দা মথং শিৎনা লাখ ৪.৮৬ অমসুং ৬.৯০ দা হেনগৎলকপসু লৈখ্রে। পনবা য়াই, সি.আর.এস.তা লৈরিবা চহি অমগী অহেনবা শিবগী চাং অসি লাইচৎননি হায়না হায়দে। অহেনবা মশীং অসি সি.আর.এস. (২০১৯দা ৯২% ওইরম্বা) শিবগী রেজিস্ত্রেসন তৌবগী চাং হেনগৎলকপা অমসুং থংনবা চহিদা মীশিং হেনগৎলকপননি।

মসিমসু চাউনা হায়রি মদুদি ২০২০দা সাইন্স এদভান্স পেপরনা কা হেনবা মোর্তালিতী ফোংখিবদু অরানবা এস্তিমেতনি। মসিমসু পনবা য়াই মদুদি লাইচৎকী মনুংদা লৈখিবা অহেনবা শিবগী চাং অসি মরম পউম্নমক্না শিবগী চাং হেনগৎলকপনি, মসি কোবিদ-১৯ খক্তনা হকথেংননা থোকহনবগা মান্নশিনবা য়ারোই।

রিসর্চরশিংনা ফোংলিবা এস্তিমেততা য়াওরিবা চাউনা লানবা অসি ভারতকী সেম্পল রেজিস্ত্রেসন সিস্তেম (এস.আর.এস.)তগী ফংবা দেতানা প্রমান তৌরি। এস.আর.এস. না লৈবাক অসিগী রাজ্য/য়ুনিয়ন তেরিতোরী ৩৬কী সেম্পল য়ুনিত ৮৮৪২ দা লৈবা য়ুম্থোং লাখ ২৪ গী মীওই লাখ ৮৪ কোল্লি। অইবনা এন.এফ.ঐচ.এস. এনালাইসিস্তগী অমসুং ২০১৮ অমসুং ২০১৯ গী সেম্পল রেজিস্ত্রেসন সর্ভে এনালাইসিসকী ফল অদু চাংদম্নবা য়াই হায়না উৎনবা হোৎনবদা অৱাবা লৈবগা লোইননা, ২০১৯ গী দেতা (২০২০দা ক্রুদ দেথ রেত ৬.০/১০০০, ২০১৯গী ক্রুদ দেথ রেত ৬.০/১০০০) অমসুং লাইফ এক্সপেক্তেন্সী হন্থরকপগী দেতা চাংদম্নবদা অহেনবা মোর্তেলিতী লৈরবসু মখোয়না ২০২০গী এস.আর.এস. দেতা অদু খজিক খক্তনি হায়না উৎপা ঙমখিদে।

চেফোং অসিগী রিপোর্তশিংদা চহি অমসুং নুপা নুপীগী ফল পীরবসু, হায়রিবসি ভারতকী কোবিদ-১৯গী রিসর্চ অমসুং প্রোগ্রাম দেতাগা খেন্নবা লৈ। চেফোং অসিনা নুপী অমসুং নহা ওইরিবা চহি কাংলুপত (চহি ০-১৯ ফাওবগী কাংলুপ)না হেন্না অহেনবা মোর্তালিতী লৈ হায়রি। রেকোর্দ তৌরবা লৈতবা লাখ ৫.৩গী দেতানদি কোবিদ-১৯ ননি হায়রি, অদুগা কোহোর্ত অমসুং রেজিস্ত্রীশিংগী রিসর্চ দেতানদি চাং নাইনা কোবিদ-১৯না লোইতবগী চাং অসি নুপানা হেন্না পীরি (২:১) অমসুং চহি য়াম্বা কাংলুপ ( > চহি ৬০ না চহি ০-১৫দগী হেল্লি)। ফোংলিবা চেফোং অসিদা য়াওরিবা মান্নদবা অমসুং শন্দোক্না তাক্তবা ফলশিং অসিনা হেন্না থাজবা হন্থহল্লি।

লোইশিল্লকপা, ভারত্তা মমাং চহিগা চাংদম্নবদা ২০২০দা কা হেনবা মোর্তালিতী রেত লৈ হায়খিবদু সাইন্স এদভান্স পেপরদা রিপোর্ত তৌখিবা লৈতবগী মশীং লাখ ১১.৯ দগী তাখি। ঙসি ফোংলিবা চেফোং অসি মেথদোলোজিকেল ওইনা য়েংবদা লাল্লি অমসুং থাজনিংঙাই ওইদবা ফল পীরি।

***************