লৈবাক অসিদা শিংনরকপশিং থেংনবগী থৌদাং লৌরিবা আই.বিগী মল্তি এজেন্সি সেন্তর(এম এ সি)গী থবক হন্না য়েংশিন্নবা সেকুরিতি অমসুং লো ইনফোর্সমেন্ত এজেন্সিশিংগী তোঙান-তোঙানবা লুচিংবশিংগা লোয়ননা ঙসি নিউ দিল্লিদা য়ুনিয়ন হোম মিনিস্তর শ্রী অমিত সাহনা লুচিংদুনা অৱাংবা থাক্কী মীফম অমা পাংথোকখ্রে। মীফম অদুদা ৱা ঙাংবদা লৈবাক ঙাক-শেনবগী থবক্তা সরকারগী অপুনবা থৌরাং অমা পায়খৎনবা লৈবাক শীনবা থুংনা লৈরিবা সেকুরিতি এজেন্সিশিং অমসুং অতোপ্পা ইন্তিলিজেন্স অমসুং ইনফোর্সমেন্ত এজেন্সিশিংগী তোঙান-তোঙানবা লুচিংবশিংদা য়ুনিয়ন মিনিস্তরনা পাউতাক পীখ্রে। তেরর নের্তৱাকশিং অমসুং মখোয় শৌগৎলিবশিং থুগায়নবা, লৈবাক অসিগী সেকুরিতিদা শিংনরকপশিং লাকশিন্নবা এজেন্সিশিংগী মরক্তা হেন্না পুন্না থবক তৌমিন্ননবা য়ুনিয়ন হোম মিনিস্তরনা তকশিনখ্রে।

লৈবাক মনুংগী সেকুরিতিগী ফিবম অমসুং তেরোরিজম থেংনরিবা অসিগী ফিবম হন্না য়েংশিল্লদুনা, মলতি এজেন্সি সেন্তরগা থবক তৌমিন্নবা হেনগৎনবা অমসুং লো ইনফোর্সমেন্ত এজেন্সিশিং, এন্তি-দ্রগ এজেন্সিশিং, সাইবর সেকুরিতি অমসুং ইন্তিলিজেন্স এজেন্সিশিং পুন্না থবক তৌমিন্ননবা অপুনবা মফম অমা শেমগৎনবা মীফম শরুক য়াখিবশিংদা য়ুনিয়ন হোম মিনিস্তরনা তকশিনখি।

য়ুনিয়ন হোম মিনিস্তরনা হায়খি এম.এ.সিনা মসিগী লুপশিংগী থাজবা ফংবা ঙম্লে অমসুং খ্বাইদগী থাপ্পা মফমশিংদা লৈরবা এজেন্সিগী মীওইশিং য়াওনা তোঙান-তোঙানবা মরীলৈনবশিংগী মরক্তা অফবা অমসুং থবক ওইনা পাংথোকপা য়ারবা ইন্তিলিজেন্স খুদক্তা পীথোক-পীশিন তৌন্নবা মফম অমা ওইনা এম.এ.সি মখা তানা 24X7 থবক তৌগদবনি।

মীফম অদুদা য়ুনিয়ন হোম মিনিস্তরনা হায়খি য়ুনিয়ন হোম মিনিস্তরনা হায়খি বিগ দেতা অমসুং এ.আই/এম.এলগী এনালাইতি ইঅমসুং তেক্নোলোজি শীজিন্নদুনা তেররগী থবকশিং থুগায়নবা নেসনেল সেকুরিতিগী থবক তৌরিবা এজেন্সি পুম্নমক্তগী নহা ওইরিবা, তেক্নিকেলগী মতিক চারবা অমসুং থৱায় য়াওবা ওফিসারশিংগী কাংবু অমা শেমগদবনি। অনৌবা সেকুরিতিগী শিংনবশিং মায়োক্নবা ঙম্নবা, ঐখোয়না মতম পুম্নমক্ত ঐখোয়গী থবকশিং খোঙথাং অমা খুমাংচাউশিনগদবনি।

হোম মিনিস্তরনা হায়খি প্রধান মন্ত্রী নরেন্দ্র মোদীগী লমজিং মখাদা, মসিগী থবক পাকথোক-চাউথোক্নবা অমসুং ফজনা মথৌ পাংথোকপা হেনগৎনবা এম.এ.সিগী থবকশিং অচৌবা তেক্নিকেল অমসুং ওপরেসনগী থবকশিংদা নৌনা অহোংবা পুরক্কদবনি। মতিক চাবা পাউখুমশিং পীদুনা অমসুং ইনপুতশিং অকনবা মওংদা খোঙ্গুল লীদুনা হায়রিবা থবকশিং অসি মরীলৈনবশিং পাংথোক্কদবনি।

*****