নহারোল অমসুং শান্ন-খোৎনবগী মন্ত্রালয়
ভারতনা পেরিস ওলেম্পিক্স ২০২৪ অমসুং পেরালেম্পিক্স ২০২৪গী শেম-শাবগী খন্ন-নৈনবদা দোক্তর মনসুখ মন্দাবিয়া শরুক য়াখ্রে
ভারতকী ওলেম্পিক্কী খোঙচৎ মশক তাকপা ব্রোচ্যুর “পাথৱে তু পেরিস” ফোঙখ্রে
মতম পুম্নমক্তা ৱাখলদা ‘লৈবাক্না অহানবা’ হায়না খলসি অমসুং থবক তৌবদা মসিগী থৌনা লৈহনসি-দোক্তর মনসুখ মন্দাবিয়া
“ঐখোয়না নহা ওইরিবা হৈথোই-শিংথোইবা শান্নরোয়শিং মশক খঙদোকপা অমসুং য়োকখৎপা অমসুং শান্ন-খোৎনবগী থবকশিংদা মখোয় পুশিনবা দরকার ওই”
Posted On:
19 JUL 2024 5:57PM by PIB Imphal
ঙসি নিউ দিল্লিগী দিল্লি স্পোর্তস জর্নেলিস্ত এসোসিএসন্না পাংথোকপা ভারতনা পেরিস ওলেম্পিক্স ২০২৪ অমসুং পেরালেম্পিক্স ২০২৪গী শেম-শাবগী খন্ন-নৈনবদা য়ুথ এফেয়ার্স অমসুং লেবর অমসুং ইমপ্লোইমেন্তগী য়ুনিয়ন দোক্তর মনসুখ মন্দাবিয়ানা মরুওইবা ৱারোল পীখ্রে।
মীফম অদুদা দোক্তর মন্দাবিয়ানা ভারতকী ওলেম্পিক্কী খোঙচৎ মশক তাকপা ব্রোচ্যুর “পাথৱে তু পেরিস” ফোঙখ্রে। চেফোঙ অসিদা ভারতকী ওলেম্পিক্কী খোঙচৎ, ঐখোয়না হৌজিক শেম-শারিবশি অমসুং পেরিস ওলেম্পিক্স ২০২৪ দা লৈবাক অসিগী মহুৎশীন্দুনা শরুক য়ারিবা ভারতকী হৈথোই-শিংথোইরবা শান্নরোয়শিংগী মরমদা পল্লি।
দোক্তর মন্দাবিয়ানা হায়খি ২০৪৭ দা ভারত চাউখৎলবা লৈবাক অমা ওইরগনি অমসুং শান্নবগী লমদা ভারত মকোক থোংবা লৈবাক মঙাগী মনুংদা ভারত য়াওরগনি। লৈবাক অসিদা শান্নবগী লমদা মতিং ফুদোকপা ঙমগদবা শান্নরোয় কয়া মরাংকাইনা লৈরি অমসুং অফবা খুদোংচাবশিং ফংহল্লবা অমসুং হোৎনরবা মতমদা অফবা ফলশিং ফংগনি।
Tweet
য়ুনিয়ন মিনিস্তরনা হায়খি ভারতনা পেরিস ওলেম্পিক্স ২০২৪ দা মশান্না ১৬ তা শান্নরোয় ১১৭ শরুক য়াগনি। হায়রিবা মশান্নশিং অসিগী শেম-শাবগী অপুনবা ওইনা লুপা করোর ৪৭০ হেন্না চাদিং তৌরে। ঐখোয়গী লৈবাক অসি খেন্নবা কয়া মরাং কাইনা লৈবা লৈবাক অমনি। ঐখোয়না নহা ওইরিবা হৈথোই-শিংথোইবা শান্নরোয়শিং মশক খঙদোকপা অমসুং য়োকখৎপা অমসুং শান্ন-খোৎনবগী থবকশিংদা মখোয় পুশিনবা দরকার ওই। জাতি অমসুং মালেম থাক্কী ফম্বাকশিংদা মখোয়গী হৈথোই-শিংথোইবা উৎপা ঙম্নবা মখোয়না শরুক য়াবদা পুক্নিং থৌগৎলি অমসুং ঐখোয়না শিংথাবা য়ানা ফগৎলকপা উরে।
য়ুনিয়ন মিনিস্তরনা হায়খি সরকারনা লৌরিবা ৱারেপশিং অসি মেদিয়ানা খন্ন-নৈনবা অসি তঙাইফদে। মীয়ামগী ৱাখল্লোন অমা শেমগৎদা মেদিয়ানা মরুওইবা থৌদাং লৌরি। অদোমগী ৱাখল্লোনশিং ফোংদোক্নবা অদোমগী নিংতম্বা লৈরবসু, ভারত অসি ঐখোয়গী লৈবাক্নি হায়বা নিঙশিংবা অসি য়াম্না মরুওই। ঐখোয়না ঐখোয়গী লৈবাক্কী ইকায়খুম্নবা ঙাকপা দরকার ওই। মতম পুম্নমক্তা ৱাখলদা ‘লৈবাক্না অহানবা’ হায়না খলসি অমসুং থবক তৌবদা মসিগী থৌনা লৈহনসি
পেরিস ওলেম্পিক্স ২০২৪ শরুক য়ারিবা ঐখোয়গী শান্নরোয়শিং শৌগৎপগী মরুওইবা অদু য়ুনিয়ন মিনিস্তরনা থমখি। থৌরম অসিদা মরুওইবা থৌদাং অমা লৌবগীদমক মহাক্না দিল্লি স্পোর্তস জর্নেলিস্ত এসোসিএসন থাগৎপা ফোঙদোকখি। মহাক্না হায়খি ভারতনা শান্নবগী লমদা মাইপাকপা কয়া পুরকপদা মখোয়গী থবক কন্না শুবা অমসুং কৎথোকপা অসি য়াম্না মরুওই।
থৌরম অদুদা ওলেম্পিক ব্রোঞ্জ মেদালিস্ত অমসুং হোক্কি ৱার্ল্দ কপ ফংলবা তিম মেম্বর শ্রী অসোক ধ্যানচান্দ, এসিয়ান গেমসতা সনা মেদল ফংলবা অমসুং দবল ত্রেপ সুতিংগী হান্নগী ৱার্ল্দ নম্বর ১ সুত্তর শ্রী রোনজান সোধি, কম্মনৱেল্থ গেমসদা সনাগী মেদল ফংলবা বোক্সর শ্রী অখিল কুমার, এসিয়ান গেমসতা সনাগী মেদল ফংলবা দেবেন্দ্র ঝাঝারিয়া, তোকিও পেরালেম্পিক্স সিভর মেদল ফংলবা শ্রী য়োগেস কাথুনিয়া অমসুং য়ুথ এফেয়ার্স অমসুং স্পোর্তস মিনিস্ত্রি অমসুং স্পোর্তস ওথোরিতি ওফ ইন্দিয়াগী সেনিয়ার ওফিসিএলশিং শরুক য়াখি।
****
(Release ID: 2034537)
Visitor Counter : 61