য়ুনিয়ন পব্লিক সর্ভিস কম্মিসন (UPSC)না সিভিল সর্ভিসেস এগজামিনেসন-২০২২গী প্রোভিজনেল ওইনা রিকমেন্দ তৌবা কেন্দিদেত শ্রীমতি পুজা মনোরমা দিলিপ খেদকরগী মথক্তা অরানবা থবক তৌবগীদমক অকুপ্পা অমসুং মপুং ফানা থিজিন হুমজিনবগী থবক লৌখৎখ্রে। থিজিন হুমজিনবা অসিদা, মহাক্না মহাক্কী মমিং, মহাক্কী মপা অমসুং মমাগী মমিং, মহাক্কী ফোতোগ্রাফ/সহি, মহাক্কী ইমেল আই.দি., মোবাইল নম্বর অমসুং লৈফম হোংদোক্তুনা মশাগী শক্তম শাশিন্নদুনা এগজামিনেসন রুলশিংগী মখাদা অয়াবা পীবা লিমিতকী ৱাংমদা লান্না এতেম্প তৌখি হায়বা খঙলকখি।

২. UPSC না, মসিগী মতুং ইন্না, মহাক্কী মথক্তা ক্রিমিনেল প্রোজিক্যুসন য়াওনা ফর্স্ত ইনফোর্মেসন রিপোর্ত (FIR) অমা পুলিস ওথোরিতীদা পানখি অমসুং সিভিল সর্ভিস এগজামিনেসন ২০২২গী রুলগী মতুং ইন্না মহাক্কী সিভিল সর্ভিসেস এগজামিনেসন ২০২২গী কেন্দিদেত ওইবা য়াবদগী কক্নবা/তুংদা লাক্কদবা এগজামিনেসন/সেলেক্সনশিংদা অথিংবা থম্নবা শো কোজ নোতিস অমা থাখ্রে।

৩. মসিমসু তাক্লি মদুদি, মশাগী কন্সতিত্যুসনেলগী ওইবা তৌফম থোকপশিং পাঙথোক্লদুনা UPSC না কন্সতিত্যুসনেল মেন্দেত্তা চেত্তা থাজবা থমদুনা ঙাক্লি অমসুং মসিগী থৌওং খুদিংদা পরিখাশিং য়াওনা য়াশিন্নবা অমত্তা য়াওদনা তৌফম থোকপশিং নীংথিনা পাঙথোক্লি। UPSC না মসিগী পরিখাগী থৌওং খুদিংমক চেকশিন্না নিয়ম চানা অমসুং কাংলোনশিং নীংথিনা ইন্দুনা পাঙথোক্লি।

৪. UPSC না মীয়ামদগী মরুওইনা কেন্দিদেতশিংদগী অৱাংবা থাক্কী থাজবা ফংলি। কম্মিসন অসিনা অসিগুম্বা অৱাংবা থাক্কী মওংদা থম্লিবা থাজবা অসি ঙাক্না চৎনবা লেপ্লি।   

***